註冊 登入



打印

甲子園 ccna course讀到真係谷住度氣,我以後一定唔會再讀佢d course!

甲子園 ccna course讀到真係谷住度氣,我以後一定唔會再讀佢d course! E-mail 此主題給朋友

[隱藏]
見到有咁多人問ccna, mcse d course,小弟想將我既不愉快經歷盡數,等大家都小心小心!

我最初係佢地網站(www.alphaeducation.com)見到讀ccna course可以有折扣,折扣後算平又有另一個course送,同時見佢地又有好多班開,唔少班都講到得番尚餘少量名額,得番最後1、2位,又係網上寫明100% 保證開班,唸住好多人揀佢地所以我就報得番最後2位的一班,點知nightmare就開始。

報名既時侯唸住俾VISA (網上明明有paypal、mastercard、VISA、AE logos,又話可用信用咭俾學費),點知上到去唔肯收我VISA,撓讓一大輪最終只接受我俾EPS,跟住開張收據竟然係叫 “專業商務路由設定實戰工作坊”,明明網上係叫 “CCNA網絡專家證書課程”,咁我梗係問點解會咁?佢話無問題既,課程名唔同啫,都係教嗰d野。報完名落到樓下開始擔心,感覺好似去左黑店咁,但EPS都碌左咁就唯有照上堂。

之係原來佢地d班成日開唔成,改期再改期都開唔成,我忍唔住要求退錢佢地又唔肯,原來佢地俾學費收據時附帶俾既學生須知陰陰濕濕寫了句 “本校有權更改開課時間,學員不得異議”,頂佢個肺,明明講到100%保證開班,得番最後2位,點知原來係老作,經常開唔到又死都唔肯退錢,豈有此理!仲有,試過咁啱俾我意外發現到佢地係網頁出一個新開既ccna班,竟然一出schedule就話自己 “額滿 , 多謝支持 ! “,明顯想營造多人讀既假象,真係呃人呃到無所不用其極!

跟住終於開得成班,成個班房可以坐18人,我個班得十個人多d。筆記係power point,每堂筆記內容唔算多,所以每堂亦教得唔多野 (例如得8堂lectures就己經用左一整堂講IP address)。雖然係咁,由於當我地己經識好多野咁教,所以好多時都無前文後理,聽到我地唔清唔楚 (我問d同班同學佢地都係咁講)。

而係上頭兩堂既時侯係咁催我地俾CCNA考試費,我最初都唔明點解要咁急俾考試費,後尾我終於知點解。一來佢地原來係收貴左我地考試費,明明透過其他中心代報考只收正價$2,544,經佢地代報考就要收貴一截,咁都算,二來佢地原來有好多好多考試要識既野都無教,俾既題目又極度唔準兼錯漏百出,最後有幾個同班同學去考都係極低分肥佬,搞到其他人 (包括我) 都唔敢去考,最終考試費無得退而又俾佢地食埋,所以唔怪之得佢地早早就要催我地俾考試費,等我地學唔掂都要食埋我地d考試費。

最後一提,佢地送俾我上既另一個course教得仲垃圾,我上左第一堂都費事再上!



我7年前聽d4個同事一齊話去甲子院讀個na,4個一齊陣忙...


回覆 引用 TOP

引用:
原帖由 curryring 於 2018-5-31 11:10 發表

見到有咁多人問ccna, mcse d course,小弟想將我既不愉快經歷盡數,等大家都小心小心!

我最初係佢地網站(www.alphaeducation.com)見到讀ccna course可以有折扣,折扣後算平又有另一個course送,同時見佢地又有好多班開,唔少班都講到得番尚餘少量名額,得番最後1、2位,又係網上寫明100% 保證開班,唸住好多人揀佢地所以我就報得番最後2位的一班,點 ...
唔明呢間野點解可以生存左咁耐?



回覆 引用 TOP

試題準唔準先?


回覆 引用 TOP

[隱藏]
師兄唔好意思,可能之前長編大論左,我其實之前有講過: 俾既題目又極度唔準兼錯漏百出,最後有幾個同班同學去考都係極低分肥佬,搞到其他人 (包括我) 都唔敢去考。

最近有新同事番工,佢話讀過甲子園個MCSE,一樣話學唔掂又考唔掂,晒錢晒時間。



回覆 引用 TOP

引用:
原帖由 curryring 於 2018-5-31 11:10 AM 發表

見到有咁多人問ccna, mcse d course,小弟想將我既不愉快經歷盡數,等大家都小心小心!

我最初係佢地網站(www.alphaeducation.com)見到讀ccna course可以有折扣,折扣後算平又有另一個course送,同時見佢地又有好多班開,唔少班都講到得番尚餘少量名額,得番最後1、2位,又係網上寫明100% 保證開班,唸住好多人揀佢地所以我就報得番最後2位的一班,點 ...
我教你唔收你錢. 可能仲好過呢間.



回覆 引用 TOP

其實肯花時間上網搵下資料, 就知甲子園呢間野係廢架啦.
順便俾條 link 大家望望d人點講佢廢!
http://www.phpfans.net/ask/MM4MjN4gTA.html



回覆 引用 TOP

差D報左


引用:
原帖由 mayj0012 於 2018-10-9 12:26 PM 發表

差D報左
NA 買書去大陸 網DOWNLOAD DUMP



回覆 引用 TOP

[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。