查看完整版本 : 【生死相依】81歲妻照顧84歲中風夫 嘆政府缺支援:窮人不想太長命

jfavejfave 2019-2-18 11:06 PM

【生死相依】81歲妻照顧84歲中風夫 嘆政府缺支援:窮人不想太長命

【生死相依】81歲妻照顧84歲中風夫 嘆政府缺支援:窮人不想太長命

[attach]9343906[/attach] [attach]9343907[/attach] [attach]9343908[/attach] [attach]9343909[/attach]

夫妻同偕白首,對窮人而言,是緣分還是詛咒?到了年老百病纏身,現實令一生一世的承諾變得可怕。不忍中風妻子苟延殘喘,去年捲入殺妻案的黃伯視死亡為解脫。但黃伯的故事只是冰山一角,81歲的郭婆婆與84歲的丈夫相伴60載,10年前丈夫中風後,照顧責任落在郭婆婆一人身上,是愛也是責任,「我知佢唔想去老人院」,但她不諱言做人如有選擇,窮人都不想太長命。

老夫婦現居於石硤尾公屋,約200呎單位,一廳一廁一廚。家具大多是拾荒得來,客廳放一張木碌架床、一張摺檯、幾張凳,就是他們的家。郭婆婆說丈夫早年曾經中風,近月落床時不慎跌倒,自此手腳不靈活,出入都要輪椅代步。加上年紀大前列腺增生,現時長期插尿喉、揹尿袋,出入醫院,都靠她一人照顧。



照顧工作不易,要日復日、不間斷地做就更難。郭婆婆說「佢去邊我都要跟住」,由丈夫張開眼的一刻,她忙碌的一天就開始了。早上8時多起床攙扶他梳洗、倒尿,然後弄早餐,沖奶粉、溝麥皮,吃飽後待丈夫睡着,她才悄悄下樓買餸。老人家吃得不多,有時吃個麪包當午飯,直至晚上才吃正餐,買餸錢每日約30元,如有魚有菜已算不錯。唯一娛樂是落公園散步,但都要望天打卦,「好天先推到輪椅落樓,落雨太麻煩」。

採訪當日,屋內傳來陣陣夏枯草味道,郭婆婆指着丈夫腳邊的尿袋,抱怨他不願飲水令尿液太黃,特意為他煲涼茶改善排尿。伯伯聽了面露不悅,側了身,用手遮掩尿袋。除了照顧起居,病人的情緒亦要照料好,寡言的丈夫常有一堆疑問無法紓解,「點解會病?點解要插尿喉?幾時唔使去醫院?」郭婆婆說丈夫病後性情轉變,「一唔鍾意就發忟憎」,過去多次留院都因「多手」被護士綁手綁腳,自此抗拒入住老人院。

「生幾多都假,個個忙搵食。」

年紀大腦退化,郭婆婆說丈夫記憶力衰退,不時擺烏龍,連帶她亦無覺好瞓。她說試過半夜被嘈雜聲吵醒,發現丈夫換好衫褲打算外出,「同我講話出去返工」,幸她聽到開門聲才來得及制止。「如果我病咗點睇住佢呢?」郭婆婆育有兩子一女,最大年紀的兒子都滿60歲了,常言道養兒防老,但她說「生幾多個都假,個個搵食冇辦法,叫得到佢來就好彩,唔來就冇辦法」,心態上亦不想連累子女。

平時慳飲慳食,就是為了儲醫藥費。郭婆婆和丈夫現時領取高額長者生活津貼,每月各有3,585元,但亦因此未能受惠於關愛基金的「低收入家庭護老者生活津貼」。二人年輕時分別任職清潔和保安,退休後郭婆婆閒時會執紙皮。本來有幾萬元積蓄,但郭婆婆去年確診患上白內障,公立醫院排期施手術等起碼3年,最後決定轉到私家醫院,已一筆過花光3萬元積蓄。

農曆新年剛過,郭婆婆說現在都不過節了,添新衣、吃團年飯,花錢亦費神,乾脆信耶穌,周日到教堂消磨時間。被問到若兩人之中誰先走了,會作何打算,郭婆婆沉默起來,旁邊伯伯苦笑說只能見步行步。談到前年6月6日,80歲老伯黃國萬以竹製「不求人」壓死76歲癱瘓妻子,郭婆婆說別人家事難評,輕描淡寫一句「太牛精」,像她由後生捱到老,活得辛苦,窮人自然不願太長命。但抱怨到最後,人亦只能聽天由命,她期盼政府可加強對年老長者的經濟援助,讓他們最後幾年能過得好一點。


香港有個閪政府,老人安老死都唔肯做,興建大規模似人住,有尊嚴嘅安老院舍,好似割佢哋忽肉咁,又話庫房水浸,四圍興建大白象超支工程,卻對老年人諸多刻薄,情願資助果D虐待老人,冤崩爛臭嘅牟利安老院舍,政府高官是否係冷血,冇人性嘅似人類畜生,冇老豆老母嘅怪物!

新聞來源連結:

http://s.nextmedia.com/realtime/a.php?i=20190218&s=6996647&a=59251972

張寶成打老虎 2019-2-18 11:16 PM

羅屎缸話你有手有腳可以打工
請外傭照顧丈夫

火燎森 2019-2-18 11:19 PM

好感人

tttt123456 2019-2-18 11:23 PM

安樂死  是唯一解決辦法

cwilson1 2019-2-18 11:23 PM

要解救佢地唔係靠大嗌一人一票班食失米, 係要靠中國大陸的科學家努力盡快研發出AI智能安老機械護老員, 好似智能叛變嗰隻. 中國科學家近呢十年成績驕人, 是未來世界的希望.

dtw 2019-2-18 11:24 PM

香港一直如此

simonfans 2019-2-18 11:26 PM

支持生, 老, 樂, 死:smile_38:

sohotabc 2019-2-18 11:28 PM

兩子一女都唔理:fst_005::smile_39:

素食小魔女 2019-2-18 11:43 PM

自己仔女唔理無問題, 政府唔理就有問題...:smile_30: :smile_30:

jj138 2019-2-18 11:43 PM

支持安樂死

hksarceo 2019-2-18 11:47 PM

果然有愛


實在難以接受那聲稱不忍而殺害老伴竟獲輕判的個案

金菇豆腐湯 2019-2-18 11:54 PM

月光族而家睇左呢個報導,
仲敢唔敢話後生時唔駛儲錢?
呢位婆婆有眼病,如要排政府醫院要3年,
無果幾萬銀去左私家醫院做手術,都唔知點了:smile_13:

晚膳行動10 2019-2-18 11:54 PM

[quote]原帖由 [i]jfavejfave[/i] 於 2019-2-18 11:06 PM 發表 [url=https://www.discuss.com.hk/redirect.php?goto=findpost&pid=495062084&ptid=28043312][img]https://www.discuss.com.hk/images/common/back.gif[/img][/url]
【生死相依】81歲妻照顧84歲中風夫 嘆政府缺支援:窮人不想太長命



夫妻同偕白首,對窮人而言,是緣分還是詛咒?到了年老百病纏身,現實令一生一世的承諾變得可怕。不忍中風妻子苟延殘喘,去年捲入殺妻案的黃伯視死亡為解脫。但黃伯的故事只是冰山一角,81歲的郭婆婆與84歲的丈夫相伴60載,10年前丈夫中風後,照顧責任落在郭婆婆一人身上,是愛也是責任,「我知佢唔想去老人院」,但她不諱言做人如有選擇,窮 ... [/quote]
香港人地鐵都唔會讓坐比老人,甚至乎叫老人家屈响屋企唔好出街阻住曬!何解突然關心老人家?

_👻_ 2019-2-19 12:12 AM

政府除左收稅 逼人供強積金 擦中央鞋 日日放150低端人口落黎搶醫療 搶公屋外 根本一無是處

西九疑惑的蛋 2019-2-19 02:27 AM

冰山一角

hwwong 2019-2-19 02:33 AM

有仔女而不作出合適照顧及安排, 反而想政府有優良服務, 真係高估香港醫療系統及班醫護惡霸能力了, 大家都是求財同求福利啊... 講良心良知會好蝕呢... :smile_45:

WakeUp77 2019-2-19 02:54 AM

[quote]原帖由 [i]sohotabc[/i] 於 2019-2-18 11:28 PM 發表 [url=https://news.discuss.com.hk/redirect.php?goto=findpost&pid=495063313&ptid=28043312][img]https://news.discuss.com.hk/images/common/back.gif[/img][/url]
兩子一女都唔理:fst_005::smile_39: [/quote]
報導話郭婆婆和丈夫現時領取高額長者生活津貼,每月各有3,585元
問題 : 點解冇綜援 ?????,
頁: [1]
查看完整版本: 【生死相依】81歲妻照顧84歲中風夫 嘆政府缺支援:窮人不想太長命