查看完整版本 : 5大黑幫搶億元泊位生意 新義安海上晒馬

vawa 2019-1-23 09:29 PM

5大黑幫搶億元泊位生意 新義安海上晒馬

隨着愉景灣遊艇會上個月下「逐客令」迫使逾200艘遊艇遷走後,全港多個避風塘頓時風起雲湧,五大黑幫瞄準港九新界各避風塘,爭奪控制權,向全港大約4,000艘「四圍泊」的遊艇,勒收每月合共逾億元的非法「海上泊位費」。他們以充電、入水、清潔等名目向船主收費,若拒絕幫襯,便遭恐嚇「唔畀錢唔使旨意有駁艇上岸」,近日有遊艇被淋紅油,亦有浮泡被剪爛。當中最為激進的新義安,為爭奪觀塘及長洲避風塘,派出大批幫會成員高調坐快艇在海上晒馬。《蘋果》連日直擊,發現警方已在觀塘碼頭一帶部署。
現時全港遊樂船有逾萬艘,當中6,000艘為大型遊艇,扣除各遊艇會提供的合法泊位後,仍有4,000艘遊艇要四圍泊,加上愉景灣遊艇會會員被逼遷,各避風塘成為艇主最後落腳地。據消息人士指出,自逼遷消息傳出後,新義安、14K、聯英社、和勝和、和合圖紛紛搶奪各避風塘的控制權,當中新義安版圖最大。半年前,14K、聯英社人馬踩入觀塘避風塘,欲從新義安手中分一杯羮,不但在避風塘內擺放兩個大浮躉,還在浮躉外大字標明公司名及電話號碼,成功招來逾10隻愉景灣遊艇停泊,此舉引起新義安人馬極之不滿,一度引發連場激戰,去年10月就有一艘40米長遊艇遭人淋紅油。

相關新聞:【海上爭霸】新義安霸埋長洲避風塘 漁船浮泡被剪走

據悉,新義安的觀塘派系欲成為新一代「海上霸王」,不惜工本派出大批成員每週數次輪流坐快艇晒馬,並安排「南亞兵團」每天在海濱長廊一帶監視。《蘋果》記者日前在碼頭直擊約20名黑衣蠱惑仔及南亞幫聚集,其後一名「小頭目」揮一揮手,其中一批人馬分乘兩艘快艇,在碼頭對開海面高速飛馳「巡邏」,除了在對手的浮躉外兜圈,又在遊艇間穿插,每當見到外籍船主乘舢舨返回目標遊艇時,都會怒目而視。

「因為唔係自己客仔,幫襯其他社團嘅浮躉咪俾人怒睥囉!」一名艇家表示,觀塘避風塘的非法泊位生意非常搶手。另一船主則不滿:「個海係公家嘅,佢哋整個浮躉就收錢,根本係無本生利!」他透露即使支付了每月2多萬元租用浮躉泊位,仍遭索取5,000元充電等服務費,「根本係巧立名目,佢話發電機都要機油,仲有供水。」

現時觀塘碼頭避風塘有20多個大型浮躉進駐,以每個浮躉泊5艘艇計算,至少停泊過百艘艇,比半年前僅10艘大幅增加。記者聯絡其中一個浮躉的公司表示欲租泊位,一名自稱做「遊艇管理」的黃先生稱:「呢度百分百安全,有人喺船過夜,而且依家愈來愈旺。」他指近日不少「新艇」來自愉景灣,當中有人短暫泊位,等候將艇放售,另有人仍以遊艇作居所。

泊位費主要分兩種,一種是「錨位」,即只將船拋錨隨便停在一個位置,收費為每月8,000至1萬元,視乎船隻大小,「由我哋管理保養,一星期幫你洗一次船、叉一次電,間中可以嚟住一兩天。(住)一日1,000元,只要你提早講聲,我哋會幫你叉好電。」另一種則為長期居住,靠浮躉停泊,80呎長遊艇月租約2.7萬元,費用包括提供24小時電油發電機及水電。另提供駁艇出入碼頭,每程收費50元。他更笑言不用擔心上網問題:「Wifi靠政府,好fit㗎,不過半個鐘(登入一次), 好強㗎!」

對於早前發生遊艇被淋紅油事件,他不置可否,只說有外籍人士自行拋錨落海泊船,但選了出入口通道,被海事處驅趕,因此他強調:「最好梗係幫襯我哋!」還拍心口稱付了管理費,就不會有事發生,「四五十年代咩?我喺第4個泊船入嚟嘅人,曾經有人覺得呢度係佢哋,要收錢,結果我報警,水警24小時守候。」他還理直氣壯說:「我哋做自己嘢,梗係合法!」

據消息人士稱,不同浮躉屬不同公司所有,泊位月租由2萬至3萬元不等,「有啲仲有價講,有分短住同長住,不過之後有人上船收其他雜費,服務費、清潔費、機油費、電費水費,一般收5,000元,其實咪又係陀地費。唔畀錢咪冇駁艇坐囉,隻船有咩頭暈身㷫,自己負責!」以全港4,000艘「四圍泊」遊艇,每隻交付月租2萬元計,每月總收入高達8千萬元,另加「服務費」每月2千萬元,合共1億元收益,非常可觀。

據悉,警方已高度關注事件,近日加派警員巡邏,記者亦見有特遣隊人員在岸上監視;記者曾目睹新義安成員在海上晒馬,岸上的南亞兵團,同一時間則被警方機動部隊截查。

海事處表示,經常派員在香港不同水域(包括避風塘)巡邏,維持海上交通及航行安全,亦會對船隻進行巡查,以確保船隻及船上人士的安全。如船隻在避風塘內碇泊時遭索取報酬等違法行為,可向海事處或警方舉報,但處方未有回答過去接收相關投訴的數字。

新聞來源連結:
[url=https://hk.news.appledaily.com/breaking/realtime/article/20190123/59176202]https://hk.news.appledaily.com/breaking/realtime/article/20190123/59176202[/url]

vawa 2019-1-23 09:30 PM

新義安霸埋長洲避風塘 漁船浮泡被剪走
觀塘避風塘風雲變色,不過原來連長洲西灣避風塘亦淪陷。據知,數月前新義安長洲話事人開始染指浮躉生意,並勒令手下趕走原本停泊在此的漁船,或向漁船收陀地。有人更私自剪走漁船的浮泡,讓其他遊艇停泊,弄得風聲鶴淚。

相關新聞:【海上爭霸】艇主拒付管理費遭警告:唔使旨意有船家會接你出入

《蘋果》到過西灣避風塘了解,發現原本「零遊艇」的海面,目前已有7艘大型遊艇停泊,更由陸地鋪設水喉接駁到海中,記者以艇主身份聯絡到包攬出租泊位的陳先生,他坦言近日已有約10艘遊艇停泊於此,全部來自愉景灣遊艇會,暫時只餘2個泊位,相當搶手:「佢哋呢個moment(時刻)最緊要係個家,搵地方泊隻船。」

收費視乎船隻大小,長約60呎遊艇月租9,000元,60呎以上為11,000元,艇主要先支付2個月按金和1個月上期,並簽約半年;如要用水,需另付6,000元,即有人代為接駁水喉,每月水費劃一700元,但暫未有電力供應。不過,陳先生稱正計劃在岸上接駁電纜,相信稍後能提供電力。

相關新聞:【海上爭霸】對付海上陀地 立法會議員望賦予海事處執法權

陳先生自言原本在香港仔經營船廠,為吸納被愉景灣遊艇會逼遷的客人,遂聯同3名在遊艇界打工的朋友開展泊位生意,他負責接洽工作:「所有避風塘都已俾人occupied (佔用),但我拍檔可以將呢啲位置清場。」他又暗示每月要支付「陀地費」才可接生意,「我要搵當區可以話事嘅人,畀一些費用,先可以泊到呢啲船(遊艇),我每個月都要畀一定嘅費用畀人哋,先可以確保啲船擺喺度,不被騷擾。」

他還強調,艇主可叫舢舨接駁出入長洲碼頭,收費每位20元,船家深夜也提供服務,尚算方便,至於會否搭建浮橋,他則指不會做得太張揚:「始終係非法,我哋又唔係遊艇會。」

discuss.woddboy 2019-1-23 09:43 PM

算唔算海賊王 ??

香港樓奴 2019-1-23 10:07 PM

不要忘記
法律保障了他們
:smile_44:
犯法嗎?有本事就入罪啦
:smile_30:

terada 2019-1-23 10:16 PM

公民抗命呀!

堅守:]我夢 2019-1-23 10:20 PM

好市儈

HG20121220 2019-1-23 10:26 PM

香港差佬好無用

今天懷舊的水樽 2019-1-23 10:30 PM

香港主要產業:smile_34:

yipb1 2019-1-23 10:33 PM

係果果先至夠膽報呢啲野:smile_o12:

張寶成打老虎 2019-1-23 10:35 PM

呢家d 黑幫搵食艱難
要出到海搵食

lam_km 2019-1-23 10:37 PM

違法達義。

HG20121220 2019-1-23 10:38 PM

[quote]原帖由 [i]lam_km[/i] 於 2019-1-23 22:37 發表 [url=https://news.discuss.com.hk/redirect.php?goto=findpost&pid=493870539&ptid=27992295][img]https://news.discuss.com.hk/images/common/back.gif[/img][/url]
違法達義。 [/quote]
【笑聞一分鐘】寫文再狂讚「違法達義」戴耀廷死不悔改推學生去死?
[url=https://www.youtube.com/watch?v=XrSfVZ446bs]https://www.youtube.com/watch?v=XrSfVZ446bs[/url]
【短片】【由頭到尾講大話】而家唔認自己講過「違法達義」? 戴耀廷極無賴!
[url]https://www.youtube.com/watch?v=AhzpeWq57zE[/url]

我叫劉晶 2019-1-23 11:00 PM

香港地衣架政府縱容黑社會搗亂,破壞社會治安,吊你老母

宇宙外圍的主題 2019-1-23 11:11 PM

張保仔轉生?

lam_km 2019-1-23 11:16 PM

[quote]原帖由 [i]我叫劉晶[/i] 於 2019-1-23 11:00 PM 發表 [url=https://news.discuss.com.hk/redirect.php?goto=findpost&pid=493871862&ptid=27992295][img]https://news.discuss.com.hk/images/common/back.gif[/img][/url]
香港地衣架政府縱容黑社會搗亂,破壞社會治安,吊你老母 [/quote]
人人守規矩,法律就沒用了,法官都悶死了,律師都沒錢賺了。

index3650 2019-1-23 11:40 PM

[quote]原帖由 [i]discuss.woddboy[/i] 於 2019-1-23 09:43 PM 發表 [url=https://news.discuss.com.hk/redirect.php?goto=findpost&pid=493867908&ptid=27992295][img]https://news.discuss.com.hk/images/common/back.gif[/img][/url]
算唔算海賊王 ?? [/quote]


好似停車埸收陀地,唔俾就淋油。:smile_34:

遊艇都係有錢人玩意,好似跑車咁,易成為不法份子對像。:smile_41:

123火車頭 2019-1-23 11:41 PM

刀疤剛……有冇份

baby@johnson 2019-1-24 12:04 AM

今次真係違法達義

ATA6038 2019-1-24 12:12 AM

[quote]原帖由 [i]yipb1[/i] 於 2019-1-23 10:33 PM 發表 [url=https://www.discuss.com.hk/redirect.php?goto=findpost&pid=493870347&ptid=27992295][img]https://www.discuss.com.hk/images/common/back.gif[/img][/url]
係果果先至夠膽報呢啲野:smile_o12: [/quote]

[attach]9248508[/attach]:smile_o01:心照啦

ATA6038 2019-1-24 12:14 AM

[quote]原帖由 [i]vawa[/i] 於 2019-1-23 09:29 PM 發表 [url=https://www.discuss.com.hk/redirect.php?goto=findpost&pid=493867096&ptid=27992295][img]https://www.discuss.com.hk/images/common/back.gif[/img][/url]
隨着愉景灣遊艇會上個月下「逐客令」迫使逾200艘遊艇遷走後,全港多個避風塘頓時風起雲湧,五大黑幫瞄準港九新界各避風塘,爭奪控制權,向全港大約4,000艘「四圍泊」的遊艇,勒收每月合共逾億元的非法「海上泊位費」。他們以充電、入水、清潔等名目向船主收費,若拒絕幫襯,便遭恐嚇「唔畀錢唔使旨意有駁艇上岸」,近日有遊艇被淋紅油,亦有浮泡被剪爛。當中最為激進的新義安,為爭奪觀塘及長洲避風塘,派出大批幫會成員高 ... [/quote]
大6佬收水!為有做返本地人生意啦:fst_005:

榮郭 2019-1-24 12:40 AM

吊,部暑唔捉人要班差佬有能用,擺明班差佬1早收哂錢

[[i] 本帖最後由 榮郭 於 2019-1-24 12:42 AM 編輯 [/i]]

今天懷舊的水樽 2019-1-24 12:42 AM

玩得遊艇都會係大把錢, 比少少錢都無咩所為啦:smile_30:

榮郭 2019-1-24 12:45 AM

依個月關於黑社會新聞都有十單八單,班差佬有冇捉到人(市民心聲,抄牌就叻,捉賊就..........

今天懷舊的水樽 2019-1-24 12:47 AM

[quote]原帖由 [i]榮郭[/i] 於 2019-1-24 12:45 AM 發表 [url=https://news.discuss.com.hk/redirect.php?goto=findpost&pid=493875578&ptid=27992295][img]https://news.discuss.com.hk/images/common/back.gif[/img][/url]
依個月關於黑社會新聞都有十單八單,班差佬有冇捉到人(市民心聲,抄牌就叻,捉賊就.......... [/quote]
差人都要食飯, 無曬壞人, 差人咪連工都無得做:smile_44:

阿拉蕾 2019-1-24 12:51 AM

都話差佬
捉雞就叻 :smile_45:

木伽四點 2019-1-24 12:51 AM

爭來爭去都系代客泊車生意

benwong173 2019-1-24 12:52 AM

警黑一家親,仲要有法律保護,小市民只能望呢d人俾天收。

遁地盒仔 2019-1-24 12:53 AM

你話毒果同黑社會無關都無人信:smile_15:

Money7 2019-1-24 12:55 AM

A計劃2019

遁地盒仔 2019-1-24 12:56 AM

[quote]原帖由 [i]榮郭[/i] 於 2019-1-24 12:40 AM 發表 [url=https://www.discuss.com.hk/redirect.php?goto=findpost&pid=493875459&ptid=27992295][img]https://www.discuss.com.hk/images/common/back.gif[/img][/url]
吊,部暑唔捉人要班差佬有能用,擺明班差佬1早收哂錢 [/quote]
你扯左旗都可以唔射精,部處左點解唔可以唔捉人?你無能用?:fst_002:
頁: [1] 2 3 4 5 6
查看完整版本: 5大黑幫搶億元泊位生意 新義安海上晒馬