查看完整版本 : 突然 想起當年暗戀我的你……

hinata109 2018-12-21 01:40 AM

突然 想起當年暗戀我的你……

近日看了一套日劇,劇情是講關於師生戀的愛情故事
講述一名女教師,愛上了一個暗戀她,比她小10歲的男中學生
套劇令我想起了,曾經暗戀過我的一個他…
當年我20多歲,而他是10多歲的一個中學生
當年我去到一間地舖做文職,我做了一段時間後
我就開始留意到他,經常到我做事的地方坐又會偷看我
後來我好奇,問了其他同事這個細路是誰?為何經常會來我們舖位坐
先知道原來他是附近一間茶餐廳老闆嘅仔,即係太子仔
原來他放學後會幫手送外賣,從此他送完就會過來我們舖坐一回
一天一天過去,他每日都會來還會偷偷望我,感覺到他十分怕羞
直至有一天,他如常送外賣後又來我們舖頭坐
但今次他竟開口和我說話,他問我平時會去什麼地方玩
我便跟他傾了一輪,他問我會唔會去機舖打機,我就話好少去
佢就話過2日同d同學去玩,問我同唔同佢一齊去
我當時覺得我咁大個,佢地都係d細路學生,我就話唔去啦
跟住佢好失望咁走左,然後幾日都唔見佢過黎啦!
再過左一段時間,有一日佢又黎左,今次佢同平時唔同
我感覺到佢好唔開心咁,佢走埋黎同我講,佢話佢爸爸要送佢去外國讀書
當時我嘅回應係,好呀!可以去外國讀書緊係去啦
佢聽到我咁回應後,佢就好細聲講左d野,但佢太細聲我聽唔清楚
之後佢就好冇心機咁走左,跟住好耐佢都冇再過黎……
直至有一日,電話響起我就接左黎聽,對方喂左一聲,我認得係佢把聲
我就問佢呢排唔見左人去左邊,原來佢打嘅係長途電話
佢人已經遠在澳洲,佢仲同我講話好唔想過去,但佢阿爸迫佢去
我就安慰左佢幾句之後就收左線,後來我辭左職唔再係到做
過左一排我返去間公司出返d糧,個主管就話有信係比我
我一望竟然有成4,5封信咁多,都係個男仔寫比我
遺憾嘅係我一封都冇睇過,仲同個主管話d信我唔要啦就走左啦
現在回想起,覺得自己真係好殘忍,傷害左一個小男孩嘅心
事隔已多年啦,希望果個男仔已經搵到一個愛佢嘅另一半
希望佢永遠都幸福快樂……完:smile_24:

利害小子 2018-12-28 03:37 PM

多謝分享
頁: [1]
查看完整版本: 突然 想起當年暗戀我的你……