查看完整版本 : 甜品網店開實體工場一問

明日不安的壽包 2018-11-29 11:39 PM

甜品網店開實體工場一問

講下背景先:
我做左甜品網店都一年有多,因為固有工場好細同隔攝,加上積累左唔少既熟客草左少少錢,所以想係d比較近地鐵既工廈開間大d樓上店。面積1000-1500呎,同一般餐廳/cafe唔同既係廚房工場近8成面積,樓面2成左右可以裝得靚仔少少(主要幾張企枱仔俾客人買完可以企係到食)。因為我主要做到會出餅多,想有個位俾客人買下散件試下同埋可以直接上舖拎。
我地諗住裝修攞牌、買機設備、材料、租金上期、保險、少少鬆動流動錢預70萬左右。
問題黎啦:
1. 我地係有諗住一路擴展黎做、增加人手,唔係開左間工場就算,係依加呢個moment應該要以咩形式開公司?獨資/合伙/有限公司etc?2. 呢間店係我同男友2人夾份做既,認認真真要開間舖既時候應唔應該all in 全部,定係搵股東投資夾份,分散風險呢?
3. 但搵股東又要寫財務報表,咩咩股份果d好複雜:( 因爲我冇接觸過呢一範,唔係好明白
4. 同埋有朋友話點解要自己俾晒錢投資而唔搵借貸?其實我唔係好明白個道理🤔點解自己草到錢有能力都要借貸?
5. 同埋廚房工場近8成面積,樓面2成左右可以裝得靚仔少少(主要幾張企枱仔俾客人買完可以企係到食)可唔可以就咁申請食物製造廠牌照就搞掂呢?
先謝謝各位🙇🏻‍♀️

bizteam 2018-11-30 11:35 AM

約1000-1500呎地舖近地鐵,咩地段?租金都要50-60元呎,租金按金都去左20萬,要計清楚開業成本

bizteam 2018-11-30 11:39 AM

唔好意思,你係想開係樓上舖。咁租金平好多,但你網上銷售及堂食比例為幾多?因為上樓食甜品會較窄

明日不安的壽包 2018-11-30 04:59 PM

[quote]原帖由 [i]bizteam[/i] 於 2018-11-30 11:39 AM 發表 [url=https://www.discuss.com.hk/redirect.php?goto=findpost&pid=491291028&ptid=27881394][img]https://www.discuss.com.hk/images/common/back.gif[/img][/url]
唔好意思,你係想開係樓上舖。咁租金平好多,但你網上銷售及堂食比例為幾多?因為上樓食甜品會較窄 [/quote]
主要係幾張企枱仔俾人可以即場食下,唔打算做cafe果類野呀,我d客都已經慣晒拎走架啦。最主要都係拎走同到會出餅居多,所以工場要夠大。

冰判 2018-12-2 09:59 PM

[quote]原帖由 [i]明日不安的壽包[/i] 於 2018-11-29 11:39 PM 發表 [url=https://www.discuss.com.hk/redirect.php?goto=findpost&pid=491276267&ptid=27881394][img]https://www.discuss.com.hk/images/common/back.gif[/img][/url]
講下背景先:
我做左甜品網店都一年有多,因為固有工場好細同隔攝,加上積累左唔少既熟客草左少少錢,所以想係d比較近地鐵既工廈開間大d樓上店。面積1000-1500呎,同一般餐廳/cafe唔同既係廚房工場近8成面積,樓面2成左右可以裝得靚仔少少(主要幾張企枱仔俾客人買完可以企係到食)。因為我主要做到會出餅多,想有個位俾客人買下散件試下同埋可以直接上舖拎。
我地諗住裝修攞牌、買機設備、材料、租金上期、保 ... [/quote]

1. 有限公司。
2. 不說太多但記得要有budget plan,亦要有exit plan。
3. 財務報表你多少都要懂一點的,學。
4. 假設你有一個非常好的掙錢途徑,一年回本,兩年收入翻翻,不過需要前期投入100萬,但你沒有錢。這個時候銀行找到你,說願意借給你100萬,條件是兩年以後還120萬,你接不接受?顯然如果真有一個一年回本、兩年翻翻的項目,大多數人是會接受銀行這個條件的,空手套白狼啊兄弟們,哪有不同意的道理。對吧?
5. 以你情況應該拿食物製造工場牌,記得提醒客人不能逗留在單位中用餐。

另外,70萬真的夠做嗎🤨

raysum 2018-12-5 11:13 AM

1. 我地係有諗住一路擴展黎做、增加人手,唔係開左間工場就算,係依加呢個moment應該要以咩形式開公司?獨資/合伙/有限公司etc?
視乎情況,無限公司每年生意額少過二百萬可以唔洗揾會計埋數,但成間公司就同你個人同生共死,有限公司就每年要audit,萬一公司出事都係輸晒註冊資本!
2. 呢間店係我同男友2人夾份做既,認認真真要開間舖既時候應唔應該all in 全部,定係搵股東投資夾份,分散風險呢?
如果自己應付到梗係自己做晒啦,揾股東夾份可以係分散風險亦可以係提高風險,其實無一定!
3. 但搵股東又要寫財務報表,咩咩股份果d好複雜 因爲我冇接觸過呢一範,唔係好明白
揾啲專門開公司嘅人或公司幫手處理啦!
4. 同埋有朋友話點解要自己俾晒錢投資而唔搵借貸?其實我唔係好明白個道理🤔點解自己草到錢有能力都要借貸?
生意做大咗,流動資金嘅需要亦會大咗,而且呢一刻借錢仍然算是低息,如果能夠借到錢又可以令到自己手頭資金充裕啲,將來要行其他計劃亦無咁多顧忌,而且同銀行借錢唔係你想借就一定借到,萬一未來要資金週轉才向銀行借,可能未必配合到,所以盡量唔好用晒手頭錢,要有備用現金嘅概念。加上銀行息口低,可能你借一舊錢返嚟投資都可以冚到利息之餘仲可以額外賺錢。
5. 同埋廚房工場近8成面積,樓面2成左右可以裝得靚仔少少(主要幾張企枱仔俾客人買完可以企係到食)可唔可以就咁申請食物製造廠牌照就搞掂呢?
呢樣唔識答你唔到

bizteam 2018-12-9 10:35 PM

[quote]原帖由 [i]明日不安的壽包[/i] 於 2018-11-30 04:59 PM 發表 [url=https://finance.discuss.com.hk/redirect.php?goto=findpost&pid=491304513&ptid=27881394][img]https://finance.discuss.com.hk/images/common/back.gif[/img][/url]

主要係幾張企枱仔俾人可以即場食下,唔打算做cafe果類野呀,我d客都已經慣晒拎走架啦。最主要都係拎走同到會出餅居多,所以工場要夠大。 [/quote]



同時間做餅及做甜品係樓上舖既觀塘為例有以下幾間,係咪呢類型?

Cedele
觀塘海濱道83號One Bay East東翼Citi Tower 1樓E6號舖
[url]https://www.openrice.com/en/hongkong/r-cedele-kwun-tong-western-dessert-r503464[/url]

Hami Bakery
觀塘駿業里10號業運工業大廈6樓H室
[url]https://www.openrice.com/en/hongkong/r-hami-bakery-kwun-tong-french-dessert-r132247[/url]

Sugar Lip Cake Boutique
觀塘成業街15-17號成運工業大廈3樓16室
[url]https://www.openrice.com/en/hongkong/r-sugar-lip-cake-boutique-kwun-tong-hong-kong-style-dessert-r459284[/url]

還是好似地鐵如Choux Creme果類? 如果只Target散客最多只夠圍皮,要簽0的商業客戶。

在職小股民 2018-12-17 12:07 PM

[quote]原帖由 [i]明日不安的壽包[/i] 於 2018-11-29 11:39 PM 發表 [url=https://finance.discuss.com.hk/redirect.php?goto=findpost&pid=491276267&ptid=27881394][img]https://finance.discuss.com.hk/images/common/back.gif[/img][/url]
講下背景先:
我做左甜品網店都一年有多,因為固有工場好細同隔攝,加上積累左唔少既熟客草左少少錢,所以想係d比較近地鐵既工廈開間大d樓上店。面積1000-1500呎,同一般餐廳/cafe唔同既係廚房工場近8成面積,樓面2成左右可以裝得靚仔少少(主要幾張企枱仔俾客人買完可以企係到食)。因為我主要做到會出餅多,想有個位俾客人買下散件試下同埋可以直接上舖拎。
我地諗住裝修攞牌、買機設備、材料、租金上期、保 ... [/quote]

1. 我地係有諗住一路擴展黎做、增加人手,唔係開左間工場就算,係依加呢個moment應該要以咩形式開公司?獨資/合伙/有限公司etc?2. 呢間店係我同男友2人夾份做既,認認真真要開間舖既時候應唔應該all in 全部,定係搵股東投資夾份,分散風險呢?
建議開有限公司, 你同男朋友都係均真啲好, 開無限公司對每個人都冇保障, 特別你地做飲食, 有咩冬瓜豆腐食死人, 要賠錢, all in 唔 all in睇你同男友, all in 左, 冇後路, 唔all in, 衰左仲可以再黎, 同埋如果你先開無限, for 易啲入場, 到你生意越做越大, 想轉有限, 你要小心你拎左既飲食牌照可唔可以就咁轉去有限(通常係唔得)

3. 但搵股東又要寫財務報表,咩咩股份果d好複雜:( 因爲我冇接觸過呢一範,唔係好明白
其實間公司可以只係你同男友做晒董事, 股東同公司秘書, 唔需要再搵額外股東, 至於股份, issue越少越好, 方便計數, 財務報表你可以學下做, 冇時間既就交俾會計師去做

4. 同埋有朋友話點解要自己俾晒錢投資而唔搵借貸?其實我唔係好明白個道理🤔點解自己草到錢有能力都要借貸?
計好盤數, 夠錢咪唔駛借, 有啲人係刀仔鋸大樹, 以小博大架嘛

5. 同埋廚房工場近8成面積,樓面2成左右可以裝得靚仔少少(主要幾張企枱仔俾客人買完可以企係到食)可唔可以就咁申請食物製造廠牌照就搞掂呢?
呢個本人就唔識, 要請教其他/她人

以上只係小弟愚見, 如有冒犯, 多多包涵

etopia 2018-12-18 11:16 AM

chekc serious of the cost, make sure you can earn back your investment before investing, offline investment is not as easy as online.

崖上的牛牛 2018-12-24 11:36 AM

有限公司每年要晒幾千蚊核數

yellowbeebee 2019-1-4 10:51 PM

*** 該帖被屏蔽 ***
頁: [1]
查看完整版本: 甜品網店開實體工場一問