查看完整版本 : 女仔棍波VAN,天光道考牌一take pass經驗分享

cheryl0912 2018-11-21 12:35 AM

女仔棍波VAN,天光道考牌一take pass經驗分享

女仔棍波VAN,天光道考牌一take pass經驗分享:P:P
:loveliness:


其實係我18歲生日一過既時候,我就已經諗住去考車牌,當時我係自己去運輸署報名考筆試,筆試一次pass,攞到學牌之後,因為種種嘅原因,過咗五年我先至搵師傅學車,咁我係係今年3月8號聯絡師傅,之後由師傅幫我報名同補學牌(因為學牌有效期係一年,我既一早過左期), 3月15號排期辦妥,考何文田天光道11月19日2:50pm


天光道一共有3條考牌路線~<公主道/靠背壟道/亞皆老街>
我當日考既係亞皆老街
------------------------
[b]跟駕駛學院定私人師傅好?[/b]
因為我自己冇跟過駕駛學院所以做唔到比較,但點解我會搵私人師傅學車,係因為親友介紹,我身邊認識嘅二人都係跟我依家呢個師傅學車,全部都係一take pass,一個考油塘,一個考忠義街,所以到我要學車嘅時候,我諗都冇諗就直接搵宜家呢個師傅學車,所以個人建議,如果大家係想搵私人師傅學車嘅話,最好朋友介紹,因為你會知道個師傅教得好唔好

------------------------
[b]幾時開始學車?[/b]
我自己就係七月開始學車,兩個鐘一堂,其實唔使好似我咁樣咁早開始搵師傅學車,我係因為工作方面就唔到時間學車,經常一個星期先學得一次,所以先至考試前四個月開始學車,去到臨近考試前一個月,先至學得比較密一個星期兩三次,其實自己時間許可嘅話,提早兩個月倒就可以

------------------------
[b]學幾多堂好?[/b]
呢個冇一個明確嘅答案,因為好睇個人,學習能力,理解能力同吸收能力,自己本身對車有冇概念啦,了唔了解,好似我自己咁,本身對揸車一啲概念都冇,對學車既吸收同理解能力有啲差,所以一開始嘅時候,真係學得好慢,尤其是斜路開車同三手軚掉頭,我學左超耐,所以個人建議,如果第一次學車,最好學夠30個鐘以上,如果係好似我咁,資質唔係咁好,至少要學40個鐘以上

------------------------
[b]學車係點?[/b]
我自己學車嘅時候,係喺九龍塘學,第一堂,師傅首先同我講解車嘅運作(極力子,波箱...)同控制,之後就開始係九龍塘兜圈(師傅會幫你控制極力子同腳掣防止意外),等你攞下揸車嘅感覺先,由第二堂開始,就正式開始教考牌揸車要學嘅嘢,由最基本嘅吊極力子,波檔運用,行車位置,轉彎位置,停車位置,速度控制,到小路出大路,大路入小路,越過對面行車線(雙程路段 ),迴旋處,再到斜路開停車,三手軚掉頭,斜路三手軚掉頭,泊位,學完晒以上嘅嘢之後,師傅就同我講解一下丙部路試要注意嘅事項,跟住就去試場學車

-------------------------
[b]點先知自己學得夠唔夠,可以去考未?[/b]
個人建議,可以問下師傅意見作參考,跟住自己再諗下,判斷下自己有冇需要再加鐘,因為其實自己實力到底去邊,自己係會知,手車揸得順唔順,轉彎動作自唔自然,位置正唔正確,控制得好唔好,自己係好清楚,千祈唔好覺得自己學嘅鐘比人多係一件好瘀嘅事,因爲考倒個牌先係最重要既事:P:$

------------------------
[b]考試規則係點?[/b]
喺考試嗰張黃紙上面,會有分輕微錯誤同嚴重錯誤,有啲輕微錯誤係可以容許你犯一次,但第二次就會等於一個嚴重錯誤,另一啲輕微錯誤係可以容許你犯兩次,第三次就會等於一個嚴重錯誤,至於嚴重錯誤,只要中一個,即肥,所以當我開始去試場(天光道)學車,係我揸車嘅途中,只要我犯咗黃紙上嘅任何一個輕微錯誤或者嚴重錯誤時,師傅都會立即同我講,跟住教我下次應該點樣做,就算有啲嘢佢提過我好多次,我都仲犯,佢都會好耐心咁不厭其煩地重複又重複咁去提我,講我,話我,同話俾我聽多數考生最常犯嘅錯係咩([color=#ff0000]cut線或過死車前冇擰頭望盲點,太接近他人物體,轉彎位置不正確[/color]),叫我留意千祈唔好犯,因為我師傅會係我考試前同我做一次模擬考試(唔係嗰個師傅都會做),所以喺考試前,我清楚知道自己有啲咩做得唔夠好,會犯啲咩錯,最容易肥啲咩,跟住去改善佢,唔好再犯


-----------------------
[b]關於望鏡[/b]
出車前望中鏡,右,左,右後
停車前望中鏡
等紅綠燈時望下左右兩邊,睇下有冇人突然行出黎,或電單車扒頭
轉燈開車前,望中,左,右鏡
行車途中望下中,左,右鏡,除左可以知自己係唔係行緊中間,會唔會太近物體,仲可以避免發生突發事件嘅時候,自己唔可以係第一時間作出反應,中鏡睇後面交通環境,左鏡睇有冇人或電單車突然走出,右鏡睇後面有冇車扒頭
過死車或物體望右盲點(大動作擰頭望右,一定要過膊頭),車頭到死車車尾回望左邊死車,車頭過左死車車頭再回望多佢一次
轉邊邊彎望邊邊鏡,留意轉彎位置正唔正確,會唔會太近石壆


-----------------------------------[b]以下係我考牌嘅小小心得,[i][u][color=#ff00ff]其實係我常犯嘅錯誤[/color][/u][/i][/b]:L:L
過死車至少要四個車位前打燈,跟住一定要擰頭望後面(即係右邊盲點),自己車頭到死車中間度,要擰頭望左邊死車一次,自己車頭過左死車車頭要再望佢一次,我就係成日都唔記得回望左邊死車
每一次停車前都要記得望中鏡
留意轉彎位置,唔好太近石壆
行車唔好太近渠線



呢次一take pass真係好多謝師傅耐心同細心既教導,係我重複犯同樣既錯時,不厭其煩咁係咁提醒我,就連考試前一刻都仲提我千祈一定要記得回望左邊死車:smile_o05::smile_o05:




希望我呢個唔專業既POST可以幫到想考牌既你

[size=7][color=#00ffff]~最後祝各位考牌成功~[/color][/size]


[table][tr][td][img]https://ssl.gstatic.com/ui/v1/icons/mail/no_photo.png[/img][/td][td]

回覆轉寄[/td][/tr][/table]

[[i] 本帖最後由 cheryl0912 於 2018-11-24 07:34 AM 編輯 [/i]]

candycheung27 2018-11-21 12:50 AM

恭喜呀

我考私家車 自動波 今日抽到快期考 何文田 倍正道
得十日。。好驚中
有冇貼士比下我🙏🏻

PandaDa97 2018-11-21 02:54 AM

多謝樓主分享,我也是考天光道呢!
我也擔心自己能力唔夠,40個鐘又真係堅溶:smile_o08:

cheryl0912 2018-11-21 05:08 AM

停車前一定要記得望中鏡
揸車既時候要望遠啲
平時行車途中要多啲望鏡(中,左,右,)唔好望死前面,咁樣就算真係有突發事件,你都可以第一時間作出反應
天光道路線特別多死車,(尤其是常盛街,石鼓街,巴富街轉出公主道,天光道出同番試場嗰段路)記得過死車前一定要望右盲點(擰頭動作一定要大),同過左死車車頭一定要回望左邊死車
靠背壟道2邊都停放左好多死車,車速一定要慢,個人要望遠啲,因為會有人隨時係死車車頭走出黎

tom92112002 2018-11-21 09:54 AM

恭喜師姐1 take pass:loveliness:
睇得出你係好用心
份筆記畫得好詳盡

葉孝禮 2018-11-21 12:06 PM

力仔,好勤力

delpialan10 2018-11-21 12:31 PM

叻叻

pandatam 2018-11-21 12:43 PM

岩牙

poonhenry 2018-11-21 01:18 PM

[quote]原帖由 [i]PandaDa97[/i] 於 2018-11-21 02:54 AM 發表 [url=https://www.discuss.com.hk/redirect.php?goto=findpost&pid=490848665&ptid=27863128][img]https://www.discuss.com.hk/images/common/back.gif[/img][/url]
多謝樓主分享,我也是考天光道呢!
我也擔心自己能力唔夠,40個鐘又真係堅溶:smile_o08: [/quote]


唔夠料空槍上陣,結果重考條數一樣堅溶喎?嘥錢兼仲嘥時間! :smile_o11:

PandaDa97 2018-11-21 01:23 PM

[quote]原帖由 [i]poonhenry[/i] 於 21/11/2018 01:18 PM 發表 [url=https://www.discuss.com.hk/redirect.php?goto=findpost&pid=490867016&ptid=27863128][img]https://www.discuss.com.hk/images/common/back.gif[/img][/url]



唔夠料空槍上陣,結果重考條數一樣堅溶喎?嘥錢兼仲嘥時間! :smile_o11: [/quote]
咪係囉⋯⋯:smile_o08:

poonhenry 2018-11-21 01:24 PM

恭喜師姐  :smile_o12:
題外話: 見師姐手字靚筆記又整齊,估計係細心、勤力和虛心聽書之人。小弟認為今次合格屬意料之中。:smile_o05:

PandaDa97 2018-11-21 01:27 PM

[quote]原帖由 [i]cheryl0912[/i] 於 21/11/2018 12:35 AM 發表 [url=https://www.discuss.com.hk/redirect.php?goto=findpost&pid=490845534&ptid=27863128][img]https://www.discuss.com.hk/images/common/back.gif[/img][/url]
女仔棍波VAN,天光道考牌一take pass經驗分享:P:P
:loveliness:


其實係我18歲生日一過既時候,我就已經諗住去考車牌,當時我係自己去運輸署報名考筆試,筆試一次pass,攞到學牌之後,因為種種嘅原因,過咗五年我先至搵師傅學車,咁我係係今年3月8號聯絡師傅,之後由師傅幫我報名同補學牌(因為學牌有效期係一年,我既一早過左期), 3月15號排期辦妥,考何文田天光道11月 ... [/quote]
你既路線圖好強呀!

poonhenry 2018-11-21 01:30 PM

[quote]原帖由 [i]PandaDa97[/i] 於 2018-11-21 01:23 PM 發表 [url=https://www.discuss.com.hk/redirect.php?goto=findpost&pid=490867216&ptid=27863128][img]https://www.discuss.com.hk/images/common/back.gif[/img][/url]

咪係囉⋯⋯:smile_o08: [/quote]

未夠料就去考,即使僥倖合格。第日出街咪等於玩命,有咩意外害人害己條數仲堅溶 x 100 :smile_o16:

631250312 2018-11-21 04:19 PM

太勁,叻過九成男人

蠻牛牛 2018-11-21 05:12 PM

睇見師姐落左好多心機,有付出有收獲..好熱血

cheryl0912 2018-11-21 05:25 PM

[quote]原帖由 [i]poonhenry[/i] 於 2018-11-21 01:24 PM 發表 [url=https://www.discuss.com.hk/redirect.php?goto=findpost&pid=490867300&ptid=27863128][img]https://www.discuss.com.hk/images/common/back.gif[/img][/url]
恭喜師姐  :smile_o12:
題外話: 見師姐手字靚筆記又整齊,估計係細心、勤力和虛心聽書之人。小弟認為今次合格屬意料之中。:smile_o05: [/quote]

其實我喺學車嘅時候都幾粗心大意㗎,好冇記性,成日師傅嗰頭提完我要望鏡,我轉個頭就又唔記得左,跟住下一堂繼續唔記得= =,之後我驚激到師傅嘔血,返到屋企,即刻抄返份筆記,之後每一次學車前,再溫一溫佢,將勤補拙

cheryl0912 2018-11-21 05:34 PM

[quote]原帖由 [i]PandaDa97[/i] 於 2018-11-21 01:27 PM 發表 [url=https://www.discuss.com.hk/redirect.php?goto=findpost&pid=490867421&ptid=27863128][img]https://www.discuss.com.hk/images/common/back.gif[/img][/url]

你既路線圖好強呀! [/quote]

因為我自己本身係一個路痴=///=,我驚我唔畫出嚟,係咁不停睇,不停去記,到考牌既時候會行錯路,入錯線

宇宙射線 2018-11-21 05:57 PM

咁有心 緊係一take啦:fst_001::fst_001:西利

宇宙奔放的天才 2018-11-22 12:11 AM

[quote]原帖由 [i]cheryl0912[/i] 於 2018-11-21 05:25 PM 發表 [url=https://www.discuss.com.hk/redirect.php?goto=findpost&pid=490878734&ptid=27863128][img]https://www.discuss.com.hk/images/common/back.gif[/img][/url]


其實我喺學車嘅時候都幾粗心大意㗎,好冇記性,成日師傅嗰頭提完我要望鏡,我轉個頭就又唔記得左,跟住下一堂繼續唔記得= =,之後我驚激到師傅嘔血,返到屋企,即刻抄返份筆記,之後每一次學車前,再溫一溫佢,將勤補拙 ... [/quote]

你學車都做咗好多筆記,課堂後再檢討失敗之處,好少人會做到呢點,所以話勝利永遠留比有兩手準備既人,下過苦功的就有會收成,恭喜恭喜

recosuke 2018-11-22 04:30 PM

宜家真係好,上網大把攻略
以前學車真係早2,3個鐘去現場睇人點揸

Jonathanchan007 2018-11-23 09:45 AM

咁比心機 合格係梗架喇 查實想知樓主用左幾錢學車

heilong913 2018-11-23 09:05 PM

師姐個師父真係好,我唔敢講我師父差,我自己都有責任既,但係你個個真係好好。上左32堂除左d危險錯誤會講一講我錯之外,基本上0交流。每堂亦都冇總結做得好唔好,基本上堂堂揸完粒半鐘都唔知自己做得好唔好剩靠問老豆,個師父平時唔多講野搞到我又唔敢問(我真係好撚廢)。       所以我係到想請教師姐,係唔係停車開車出大路乜q都要左望右望fing到頸斷?

Jonathanchan007 2018-11-24 12:01 AM

[quote]原帖由 [i]heilong913[/i] 於 2018-11-23 09:05 PM 發表 [url=https://www.discuss.com.hk/redirect.php?goto=findpost&pid=490985584&ptid=27863128][img]https://www.discuss.com.hk/images/common/back.gif[/img][/url]
師姐個師父真係好,我唔敢講我師父差,我自己都有責任既,但係你個個真係好好。上左32堂除左d危險錯誤會講一講我錯之外,基本上0交流。每堂亦都冇總結做得好唔好,基本上堂堂揸完粒半鐘都唔知自己做得好唔好剩靠問老豆,個師父平時唔多講野搞到我又唔敢問(我真係好撚廢)。&nbsp; &nbsp; &nbsp; &nbsp;所以我係到想請教師姐,係唔係停車開車出大路乜q都要左望右望fing到頸斷? ... [/quote]
上youtube打moon wing Leung 幫到你我臨考前一個禮拜都係靠佢 觀駕阿sir 都無佢咁長盡 最後用左12K1take pass

cheryl0912 2018-11-24 06:44 AM

[quote]原帖由 [i]heilong913[/i] 於 2018-11-23 09:05 PM 發表 [url=https://www.discuss.com.hk/redirect.php?goto=findpost&pid=490985584&ptid=27863128][img]https://www.discuss.com.hk/images/common/back.gif[/img][/url]
師姐個師父真係好,我唔敢講我師父差,我自己都有責任既,但係你個個真係好好。上左32堂除左d危險錯誤會講一講我錯之外,基本上0交流。每堂亦都冇總結做得好唔好,基本上堂堂揸完粒半鐘都唔知自己做得好唔好剩靠問老豆,個師父平時唔多講野搞到我又唔敢問(我真係好撚廢)。       所以我係到想請教師姐,係唔係停車開車出大路乜q都要左望右望fing到頸斷? ... [/quote]

我考果時每一次開車都會望中鏡左右鏡,停車前望中鏡,小路出大路係咁望左望右,過死cut線望右盲點同回望左邊死車,行車時都會得閒望下鏡,動作超大,fing到頸斷咁,驚個官睇唔倒,有時仲會望多次,就係驚我望果時咁岩個官冇望到,以為我冇望

cheryl0912 2018-11-24 07:25 AM

出車前望中鏡,右,左,右後
停車前望中鏡
等紅綠燈時望下左右兩邊,睇下有冇人突然行出黎,或電單車扒頭
轉燈開車前,望中,左,右鏡
行車途中望下中,左,右鏡,除左可以知自己係唔係行緊中間,會唔會太近物體,仲可以避免發生突發事件嘅時候,自己唔可以係第一時間作出反應,中鏡睇後面交通環境,左鏡睇有冇人或電單車突然走出,右鏡睇後面有冇車扒頭
過死車或物體望右盲點(大動作擰頭望右,一定要過膊頭),車頭到死車車尾回望左邊死車,車頭過左死車車頭再回望多佢一次
轉邊邊彎望邊邊鏡,留意轉彎位置正唔正確,會唔會太近石壆

[[i] 本帖最後由 cheryl0912 於 2018-11-24 07:33 AM 編輯 [/i]]

罐頭。魚 2018-11-25 08:19 AM

[quote]原帖由 [i]cheryl0912[/i] 於 2018-11-21 12:35 AM 發表 [url=https://www.discuss.com.hk/redirect.php?goto=findpost&pid=490845534&ptid=27863128][img]https://www.discuss.com.hk/images/common/back.gif[/img][/url]
女仔棍波VAN,天光道考牌一take pass經驗分享:P:P
:loveliness:


其實係我18歲生日一過既時候,我就已經諗住去考車牌,當時我係自己去運輸署報名考筆試,筆試一次pass,攞到學牌之後,因為種種嘅原因,過咗五年我先至搵師傅學車,咁我係係今年3月8號聯絡師傅,之後由師傅幫我報名同補學牌(因為學牌有效期係一年,我既一早過左期), 3月15號排期辦妥,考何文田天光道11月 ... [/quote]
師姐手字好得同好叻女
叻過呢度好多人,呢度好多人肥左就上黎嘈
其實又唔諗下係咪自己唔夠料

罐頭。魚 2018-11-25 09:10 AM

[quote]原帖由 [i]cheryl0912[/i] 於 2018-11-21 05:34 PM 發表 [url=https://www.discuss.com.hk/redirect.php?goto=findpost&pid=490879116&ptid=27863128][img]https://www.discuss.com.hk/images/common/back.gif[/img][/url]


因為我自己本身係一個路痴=///=,我驚我唔畫出嚟,係咁不停睇,不停去記,到考牌既時候會行錯路,入錯線 [/quote]
咁現實呢:smile_42:

suki_pp720 2018-12-3 12:54 PM

可以介紹一下學車師傳嗎?

樓上灰羔羊 2019-1-7 01:48 PM

我都揾緊好嘅學車師傅,可pm 介紹給我嗎?thanks

LeekkUL 2019-1-7 10:46 PM

好勤力, 想肥都難
頁: [1] 2
查看完整版本: 女仔棍波VAN,天光道考牌一take pass經驗分享