查看完整版本 : 小學雞星馬hea暑假

paulinedie 2018-8-3 07:55 AM

小學雞星馬hea暑假

前言:

難得暑假都有早鳥平飛,造就家姐既小學畢業旅行,細佬既Legoland童夢,一次搞定。

行程看两位老細既心情,冇話必遊咩景點,冇必食推介,冇豪住咩星級酒店(最初有想話為咗個無敵景泳池住番晚濱海灣金沙,但暑假期間房價,有如泳池位置高高在上離哂地,另外又發現淘寶網上有泳池+觀景台入場票淘出售,相信已變成非住客打卡景點了),亦唔想老遠跑去網紅食店呃like,行過路過順腳法又近近地,唔多點使排隊就唔好錯過啦,行程都好hea。

一如既往,我搜尋玩樂項目提供選擇,供倆位CEO自己搜尋睇YouTube片審批、討論、商量、爭拗、投票、拍板通過後,我角色祇淪為三陪......….陪玩、陪食+賠錢!

溫馨提示

這篇遊記是希望以文字記錄呢次旅程上遇到既人和事和個人感受,作為私人日誌記存(真係幾長篇吓)。可能令各位縱横宇宙旅遊達人覺得沉悶、無聊、低水平,識玩識食唔應該咁玩既,應該要點㸃點,要咁咁咁........先對不起達人,請回,“我有我態度 我行我既路”總覺得每個人都有適合佢自己既旅程。

[attach]8611006[/attach]

[[i] 本帖最後由 paulinedie 於 2018-8-9 06:38 PM 編輯 [/i]]

paulinedie 2018-8-3 08:02 AM

D1,Mon 30 Jul 2018

HKG下午機,大把時間,早上去睇埋套“超人特工隊2”先。
[attach]8611010[/attach]
中午再入去赤立角。早已online checkin自行打印boarding pass,食個Subway沙津狗就入閘。
[attach]8611011[/attach]
唔知係咪暑假關係,機上小朋友旅客特別多,定內地文化影响,起飛同降落時竟然掌聲歡呼,如果唔係有安全帶相信會有人起立致敬都似......1900遲左少少到SIN t1,之前有諗過book接機過境包車去JB,一來擔心航班delay會延誤,二來又驚黃昏呢段繁忙時間過關,實際上可能快唔得幾多,咁不如先去t1既staff canteen晚餐先,可能我地太晏到,餐廳收2000,大部份想食既都冇哂或收檔,椰漿飯、咖喱雞、馬蹄水、豆花......通通都冇,求其湊合食飽行過去t2巴士站。
[attach]8611012[/attach]
食住麥記新地等坐2115既TS1去JB。樟宜機場官網註明12yr以下可購小童票,但馬來司機堅持7yr要當成人,真係司機說的算。1個鐘左右到咗woodlands checkpoint,但過關流程、等轉車過長堤橋非常慢,過嗮馬關到CIQ成2330。
[attach]8611013[/attach]
步行去今晚住既酒店Google路程其實祇係600m,但太夜了,睇實景地圖路面幾複雜,冇行人路,要穿過關口車道、停車場,最後call咗grab去,司機非常健談,可惜我英文太爛配合佢唔到。呢間GBW年份老到甩牙,但近CIQ關口、房超大、有景觀露台、非常平又包早,酒店仲有個唔錯既室外游泳池,過渡一晚,今日收工,聽朝游水。
[attach]8614526[/attach]
[attach]8614527[/attach]

[[i] 本帖最後由 paulinedie 於 2018-8-4 06:53 AM 編輯 [/i]]

paulinedie 2018-8-3 09:57 PM

sim卡小插曲:

我用呢張Digi,係帶馬來本地號碼,通話(3rm)+限速數據(1.5GB)既7日sim,但跟大部份其他國家用開既旅遊卡用法好唔同,首先,買卡後要上Digi網站預約使用日期(可改),到埗馬來境內插卡開機即有sms通知已可使用數據,但就冇語音用既,要用既話再下載Digi app,用卡內餘值再買語音(如果想send sms同樣要另購),我買咗voice後有sms通知可用語音通話了,但又唔顯示我張卡既電話號碼.......咁我點用grab挷定電話,方便司機聯絡我呢?

大部份call車app留gps既pickup點都唔太準確既,uber司機好多時都要用電話直接溝通,大陸滴滴司機更一定電話先到,冇幾多個司機願意同你慢慢chat文字、emoji(同你談情咩)........零願飛咗你個柯打。

最後,出馬來關後因為口乾,去地下便利店買飲品,順便想唱散張大紙,店員又唔多願意找續喎,引來有個華人旅巴司機搭訕幫忙跟店員溝通,之後講開張sim又叫我打佢電話,尋回我既來電顯示號碼......踏進馬來西亞就遇到好人。(第二朝早慢慢研究digi app先發現,原來voice餘額頁面上方頂,同sim卡底托,係有細字顯示本卡號碼既,錯怪自己昨晚實在太眼瞓矇查查........但還是要多謝華人旅巴司機大哥的幫忙呢!

paulinedie 2018-8-4 05:38 AM

D2,Tue 31 Jul 2018

晨早趁倆隻小鬼未訓醒,開小差行去隔離既Jalan Tan Hiok Nee行下。
[attach]8614334[/attach]
[attach]8614335[/attach]
陳旭年街其實在1855年就被命名,是為了紀念華人陳旭年在新山的貢獻,係條名符其實既老街。但在新山政府眼裡就只是條破爛、落後、髒亂等老舊的街,許多具有歷史意義的建築都被惡意破壞,甚至成為社會黑點。後來在2009年,由當地人陳再籓發起並成立委員會,欲將陳旭年街打造成爲一條具有新山華人歷史的文化街。
[attach]8614336[/attach]
走進去陳旭年街石門牌坊,右邊有間看似不起眼的咖啡茶檔錦華茶餐室,被票選馬來西亞百大傳統風味咖啡店,原因不是因為有咩特別的美食,而是傳統式茶檔還保留著傳統的味道。本來大清早想坐底叫杯鴛鴦+豬扒包來個輕量老新山早餐,但唔知係是日公休定係0730還未開檔營業。
[attach]8614404[/attach]
[attach]8614337[/attach]
行過對面,則是協裕麵包廠,這間麵包老店最大的特色是以傳統的柴窯烘烤。最熱門、最搶手的就是香蕉蛋糕。店內所有空位都擺滿香蕉蛋糕,碰上剛出爐的時候,整個麵包店瀰漫著香蕉蛋糕味。
[attach]8614405[/attach]
[attach]8614340[/attach]
除了這兩間守著初心經營的活歷史老店,另外有間華美茶餐廳,打著香港飲食文化特式,菠蘿包、鴛鴦、牛腩飯........但網評近多年已轉賣美式快餐炸物。
[attach]8614341[/attach]
還有紅屋地標,不確定是餐廳還是咖啡店,紅屋前的十字路口,常被用來搭建舞台, 舉辦各式活動。
[attach]8614342[/attach]
街內還有幾間老名字的店,其他都是近年新落成的,充斥著各種文化旗號的乜乜藝術咖啡、物物優皮咖啡、什麼貨櫃屋咖啡咁.....還有一些什麼藝術家展館出售藝術品......我衹懂生活現實,藝術我不懂......眼前祇看到一條火紅不起來的偽文化街,噢!街內還有間新山華族歷史文物館。
[attach]8614406[/attach]

[[i] 本帖最後由 paulinedie 於 2018-8-4 06:06 AM 編輯 [/i]]

paulinedie 2018-8-4 06:45 AM

倆個老細訓到自然醒就WhatsApp我,返到酒店食比想像中要好得多的自助早餐,跟著換衫遊水。
[attach]8614520[/attach]
[attach]8636826[/attach]
[attach]8636827[/attach]
1230離開GBW,callgrab去JBCC本來諗著食Sushi Zanmai壽司做午餐,經過2樓見到呢間有龍蝦set,細佬至愛就想食。
[attach]8614524[/attach]
[attach]8614521[/attach]
[attach]8614522[/attach]
[attach]8614523[/attach]
食完個套餐話飽到雪糕都食唔落,冇興趣再行City Square。離開CS,想grab去行間印度廟,呢間廟係plan整個行程我唯一有興趣想去既地方。

[[i] 本帖最後由 paulinedie 於 2018-8-10 09:12 AM 編輯 [/i]]

paulinedie 2018-8-4 06:58 AM

一家建於1928年,坐落在新山地不佬路火車路軌旁,原本毫不起眼既印度興都神廟。
[attach]8614528[/attach]
廟祝在一次遊泰國時,無意中取得把玻璃片砌上神廟的構思,並在返回後計劃把想法實現。在2007年8月動工重建廟宇,並以玻璃作為主題,而廟內所使用的七彩玻璃皆由泰國進口,理事會更特別聘請緬甸專業師傅操刀,讓設計落實。耗資300萬馬幣裝修後,興都廟從天花板、樑柱、廟身、到牆壁,除地板外95%可見面積,都鑲上逾50萬片彩色玻璃,在水晶燈的映照下呈現折射效果。同時,廟裡也另開闢有一間小殿堂,牆壁用30萬顆金剛菩提子Rudraksha Beads鑲成,這也是全馬首創的金剛菩提子殿堂。
[attach]8614529[/attach]
改建完成後,這座著名的玻璃印度廟 Arulmigu Sri Raja Kaliamman Glass Temple,已列入馬來西亞紀錄大全名冊內。聲名大噪之後,柔佛州政府更提出鴻圖大計,包括興建一座2層樓完全由玻璃砌成的多元化禮堂,以成為新婚男女行婚禮,設宴席的地點。重新為紗玉河進行掀蓋工程,加以凈化水質等“城市轉型計劃”,將把新山地不佬路一帶,欲打造成Glass City玻璃城市景區。
[attach]8614530[/attach]
值得提一提幾有趣既係,除咗興都教神像外,廟宇裡重建后也擺放了基督、天主、回教、佛教等八大宗教神像,滿天神佛,目的是讓其他宗教的信徒,也可到廟裡祈福膜拜......簽香油?不過我呢個主張科學教派無神論者,幾懷疑群神共處呢個操作既可行性。

[[i] 本帖最後由 paulinedie 於 2018-8-4 06:59 AM 編輯 [/i]]

paulinedie 2018-8-4 02:49 PM

但後來發現載我地去廟呢個grab司機更有趣喜感......首先嚟JBCC接我地時,見住佢响grabapp地圖接近我地快到時,竟然在馬路中線高速越過我地,我衝出馬路去喝住佢都唔停,跟住見佢响app顯示在100m後停咗車,應機app話到咗,好啦,行上去會合佢啦,點知見佢又再旭車,app上見佢蹺個JBCC大圈嚟接返我地......上車後同我英文講,佢話知道過咗龍,又見到app我地行緊過去,但佢話唔想我地行,所以又兜大圈番黎........之後沿路未停過口講嘢,仲係用緊英文,其實我大部份聽唔明,語速又快又多大笑聲,當然又問我從邊處嚟,尋晚住邊處,嚟JB去邊玩,佢都經常去香港澳門旅遊咁咁咁,去廟車程冇十分鐘,途中佢掛住吹水miss咗3次app提示轉入既路口,好啦終於去到興都廟,點知改曬啲開放時間,舆網上資料完全不同,冇開門入唔到。
[attach]8615750[/attach]
因為間廟既位置係偏離大路有一段小路,其實想call過另一部車去下一站亦不會容易,所以又問吓佢可唔可以車去Legoland,因為如果我即時响grab call車,亦不會一定身邊嘅佢接呢張單,所以大家同意按grab既定價(rm23)收錢,因為我drop off點係輸入民宿名既,好近Legoland既服務公寓,但佢話唔知係邊道,佢叫我用我既手機google map導航佢行車......ok,沒咩所謂啦。奇怪呢個時候開始,佢轉咗同我用華語對話........一路導航行車冇問題,佢又一路天南地北地華語吹水無邊無際。點知導航行車差3分鐘到目的地時,有水馬封咗段路,google兜來兜去都係要我地行經返呢段封閉咗既路。我正諗緊㸃兜路行,佢呢個時侯鬆容不迫哈哈大笑話,導航要左轉佢就右轉........如是這當然離目的地又越來越遠啦,但個導航就自動改咗路,避開左剛才既封閉路段。見到Legoland,佢話佢有做旅遊包車,經常來呢處,又由呢處開始,用廣東話同我聊(非常東南亞華僑口音,去聊=去玩,幾多雷=幾多錢......),經常來Legland要行車導航?早知我地香港嚟同我又講英文又講華語?有趣佢一㸃唔着緊做生意,工作如遊戲,又從冇要求收多我錢(最後我都有多給付一點,事實上真係耽誤了他很多時間),最後到GPS目的地,我堅持落車可以自己慢慢聯絡找民宿,他還硬要向當地人問路,當地人一般怎會知附近存在既民宿呢。又留咭片比我,找不到民宿要打電話比佢.......。我承認我一向對職業司機呢行業觀感並不太好,但呢位馬來華人grab司機真係幾逗比!

1888cc 2018-8-4 09:36 PM

[quote]原帖由 [i]paulinedie[/i] 於 4-8-2018 06:58 發表 [url=https://www.discuss.com.hk/redirect.php?goto=findpost&pid=484947491&ptid=27619102][img]https://www.discuss.com.hk/images/common/back.gif[/img][/url]
一家建於1928年,坐落在新山地不佬路火車路軌旁,原本毫不起眼既印度興都神廟。
8614528
廟祝在一次遊泰國時,無意中取得把玻璃片砌上神廟的構思,並在返回後計劃把想法實現。在2007年8月動工重建廟宇,並以玻璃作為主題,而廟內所使用的七彩玻璃皆由泰國進口,理事會更特別聘請緬甸專業師傅操刀,讓設計落實。耗資300萬馬幣裝修後,興都廟從天花板、樑柱、廟身、到牆壁,除地板外95%可見面積,都鑲上逾 ... [/quote]

呢間玻璃廟,我3年前搭的士去,同的士司機講佢都唔肯定是否呢度,去到又唔見有乜人,都冇落車門口望吓就算走人,費事冇車走(當時冇/唔知有grab)
[attach]8617174[/attach]

paulinedie 2018-8-4 10:59 PM

係好細間,有D標奇立異既,又要收入場費,但Lonely Planet有提過,自然貴曬。

跟2017年網上開放時間資料改咗。
[attach]8617463[/attach]

paulinedie 2018-8-4 11:09 PM

嚟緊兩晚住既主題民宿,頂層、房型帶觀景露台兩室3人房,完整齊備開放厨房。
[attach]8617544[/attach] [attach]8617545[/attach]
[attach]8617525[/attach]
[attach]8617526[/attach]
[attach]8617527[/attach]
休息整理一下,上樓頂既泳池游下水,再換衫來回grab去蔡記晚飯。
[attach]8617530[/attach]
[attach]8617528[/attach]
[attach]8617529[/attach]
[attach]8617531[/attach]
[attach]8617532[/attach]

[[i] 本帖最後由 paulinedie 於 2018-8-4 11:12 PM 編輯 [/i]]

paulinedie 2018-8-4 11:35 PM

D3,Wed 1 Aug 2018

一身沙灘泳裝拖鞋過隔離Mall of Medini早餐,差不多十㸃祇有Subway營業,焗住食熱狗。
[attach]8636900[/attach]
之後行過去Lego Water Park掃手機QR code入場,用個防水手機套袋住手機、錢、房卡,lockers都冇租。呢個水上樂園好細,又冇咩人。
[attach]8636901[/attach]
[attach]8636920[/attach]
[attach]8636902[/attach]
好快全部項目都玩兩三次(當然太B既冇玩啦),玩咗兩個半鐘倆個話悶想走,晌民宿樓下7eleven買袋零食當午餐。見下午有時間,問下俩老细想唔想去Paradigm Mall溜冰,家姐太懶祇想留响民宿嘆住冷氣玩手機,细佬話零願上頂樓游水,好啊!我都難得訓個晏覺hea下先。

1700grab去附近大型超市Bazar Mydin,入貨零食水果、今晚宵夜+明天早餐,倆個話唔想再食Subway大熱狗包。
[attach]8617659[/attach]
[attach]8617662[/attach]
晚餐響超市隔離既本地清真餐廳食,唔識睇馬來文(google都翻譯唔到),更唔識本地話,指手畫腳睇圖片叫咗幾樣野,好彩倆老細又啱食,仲翻單添。
[attach]8617658[/attach]
[attach]8617660[/attach]
[attach]8617661[/attach]
抽住4大袋超市背心袋grab返Afiniti。
[attach]8617663[/attach]

[[i] 本帖最後由 paulinedie 於 2018-8-10 09:38 AM 編輯 [/i]]

禁我言呀笨~ 2018-8-5 10:48 PM

幾多野食

paulinedie 2018-8-6 05:17 AM

D4,Thu 2 Aug 2018

[attach]8636907[/attach]
[attach]8636908[/attach]
[attach]8636909[/attach]
[attach]8636910[/attach]
Holi杯麵早餐,whatsapp民宿負責人話放低匙卡畀保安就走得,寄存行李Legoland門口locker,掃手機barcode入場,今日都係冇乜人。
[attach]8621860[/attach]
首先玩既係尋日water park旁邊都望到既VR race。
[attach]8621864[/attach]
其實整個Legoland祇有呢個過山車有啲特式賣㸃,帶vr同唔帶vr各玩咗一次,其他遊戲都冇乜人排隊,玩完又玩,想玩幾多次都得。
[attach]8621861[/attach] [attach]8621862[/attach] [attach]8621863[/attach]

[[i] 本帖最後由 paulinedie 於 2018-8-10 09:32 AM 編輯 [/i]]

paulinedie 2018-8-6 05:46 AM

1530離開Legoland,grab去士姑來既Amerin。攞咗房細佬第一件事又即刻換泳衣直冲上天台泳池,但今晚有人在池邊擺飲宴,泳池中央都放咗步行臺道,細佬都一樣照游。
[attach]8621951[/attach]
[attach]8621952[/attach]
呢間酒店頂層景觀唔錯,週邊算是最高建築物,360全景週圍無遮阻。
[attach]8621953[/attach]
[attach]8621956[/attach]
有條透明玻璃露台懸空步道,行上去都幾刺激吓。
[attach]8621954[/attach]
[attach]8621955[/attach]
晚餐倆位老細選擇grab去Nijyumaru二重丸,嘩!超美味抵食,激讚。
[attach]8621958[/attach]
[attach]8621957[/attach]
食完grab返Perling Mall,可能有公司有規定要停正指定點門口,app見佢架車快來到路口前,正準備過對面馬路截佢車,點知佢蹺過大圈路停正門前,開車既係個衹講馬來話的大塊頭grab司機,指著佢手機幾哩咕嚕,一句都唔明,見佢笑住講應該唔係話我地掛。Perling Mall係座落六線來回主幹旁,遠遠見到諗著叫佢停響對面線,我地行行人天橋已可以,但真係溝通唔到,佢又幾哩咕嚕蹺兩三公里掉頭,到路邊又蹺兩三公里兜入輔道停正落車區,我畀廿皮紙幣找續,佢又指住佢手機幾哩咕嚕,我乜都唔明,不停說“Ok,Ok",佢只少找續rm1,"總覺得在馬來西亞開grab實在不容易。
[attach]8621959[/attach]
Perling Mall入面有間Giant Supermarket,掃定啲零食飲品平貨準備返新加坡,平好好好多!行返酒店經過CW3巴士站,問倆位老細明天坐下馬來西亞巴士好唔好?倆個話有得㨂當然No啦。
[attach]8621961[/attach]
當我睇緊站頭上啲發車資料時,有隻流浪貓跟著倆姊弟走,倆個興奮得逗著跟牠玩,最後牠還一直跟著我們過馬路返Amerin,默默站在酒店大堂入口的自動玻璃大門前止步.......

[[i] 本帖最後由 paulinedie 於 2018-8-6 05:49 AM 編輯 [/i]]

Tiger.CH 2018-8-6 07:40 AM

[quote]原帖由 [i]paulinedie[/i] 於 2018-8-4 11:09 PM 發表 [url=https://www.discuss.com.hk/redirect.php?goto=findpost&pid=484992111&ptid=27619102][img]https://www.discuss.com.hk/images/common/back.gif[/img][/url]
嚟緊兩晚住既主題民宿,頂層、房型帶觀景露台兩室3人房,完整齊備開放厨房。
[/quote]
民宿都有泳池咁正,可否pm資料呀?

paulinedie 2018-8-6 06:13 PM

[quote]原帖由 [i]Tiger.CH[/i] 於 2018-8-6 07:40 AM 發表 [url=https://www.discuss.com.hk/redirect.php?goto=findpost&pid=485058053&ptid=27619102][img]https://www.discuss.com.hk/images/common/back.gif[/img][/url]

民宿都有泳池咁正,可否pm資料呀? [/quote]


Holi Afiniti Themed Suites,就係Somerset隔離座,同一屋宛。
[attach]8623930[/attach]
在天台泳池望向隔離座Somerset泳池,中間平台花園是共用的。

paulinedie 2018-8-6 10:44 PM

D5,Fri 3 Aug 2018

上14樓早餐,食完換衫上15樓游水,玩到咁上下冲涼準備執嘢,1130call grab去Larkin,出酒店仲見到尋晚隻貓訓响行李車,倆個擔心嘈醒又跟著走, 拿拿聲上車走人。
[attach]8624776[/attach]
去到Larkin過境泥鯭的士站頭冇人排隊,的士就大把,站長叫我地rm80包架JH的士自己走,要等個單人併車又唔知要等幾耐,即走梗係好啦。
[attach]8624777[/attach]
1330返到Ban San St,附近行下哈芝巷。
[attach]8624778[/attach]
[attach]8624780[/attach]
去Zam Zam食個午餐。
[attach]8624779[/attach]
[attach]8624784[/attach]
[attach]8624781[/attach]
再行去古明連Mi攞房,好新淨既智能型酒店。
[attach]8624782[/attach]
[attach]8624783[/attach]
[attach]8636947[/attach]
但房間實在太細,响酒店休息游水hea下。

[[i] 本帖最後由 paulinedie 於 2018-8-10 09:53 AM 編輯 [/i]]

paulinedie 2018-8-7 09:51 PM

1830太陽下山時間出動,行過克拉碼頭見松發多人到好似排隊攞救濟咁款。
[attach]8628052[/attach]
去隔離食中峇魯海南雞,呢間網上好多人吹到好過天天、文東記......柴皮雞胸都上得抬,唯一勝在價錢唔算貴,碟頭好夠份量,但係飢荒咩,唔好食大份有鬼用.......倆位老細都唔多like。
[attach]8628053[/attach] [attach]8628054[/attach]
晚飯後再沿新加坡河邊行去魚尾獅公園,睇金沙雷射燈光show。
[attach]8628055[/attach]
[attach]8628057[/attach]
[attach]8628058[/attach]
勝在免費,亳無亮點,相都唔多影張,唔睇唔使後悔,完場跟著自不然會行去沙爹街,倆個話太飽食唔落,要求改聽日再嚟過做晚餐食。mrt Telok Ayer坐3站返Mi,今次行程唔準備買ezlink,因為唔會坐巴士,所以會用單程飛+續程(最多5次)方法坐mrt,無為花S$15買卡墊底。
[attach]8628056[/attach]
返到Bencoolen家姐話想食雪糕,我特登叫佢用自己零用錢入便利店買,之後佢用咗S$3.6買支脆皮自己計一計都認為好貴,佢唔明同馬來西亞相距咁近點解物價相差咁大,自已仲走去google新加坡原來話係全球物價指數排行第8。

paulinedie 2018-8-8 08:03 AM

D6,Sat 4 Aug 2018

趁早上唔太熱,0900出門從mi行去小印度,首先去Tekka Centre食Prata同Murtabak印度早餐。
[attach]8629501[/attach]
[attach]8629498[/attach]
[attach]8629499[/attach]
食飽沿Campbell Lane行去Sri Veeramakaliamman Temple,家姐一來唔鐘意行街shopping,二來對印度風格飾物紋手等興趣唔大,反而細佬對興都廟內神像造型各異興趣大啲。
[attach]8629500[/attach]
[attach]8629502[/attach]
睇完廟本來plan咗行去正文志記食猪什湯大王做午餐,但才剛過11點多,倆個老細都話飽食唔落,天氣氣溫又開始熱番,想返酒店玩手機+游水。

paulinedie 2018-8-8 08:14 AM

本來下午想預約坐鴨仔船,細佬就知道係由軍用水陸兩用車改裝有啲興趣,家姐睇完YouTube片嫌引擎聲浪太嘈太大麻麻地、又冇冷氣.....。但令我地放棄係個預約流程,首先留意到網上響邊間訂都好,最終都係要親身到唐城坊既旅行社辦公時間換實體票,再自行交通去新達成上車點既。咁即係全部經天宇,不如直接睇天宇如何訂啦,首先,當然要上佢網店上fullpay先啦,之後就可以憑訂購號碼,自行打電話去新加坡 Duck & Hippo 鴨仔船公司預約場次,因為一日只有一場中文講解的場次在1630,網頁有話天宇可以幫你預訂既,但要留3個場次時間備用,不擔保預成功,任何情況下不退款,包括船公司取消及天氣惡劣等等因素,祇可改期或改天宇其他遊園項目........即係一句“佢說的算”。線上諮詢天宇佢仲話叫我唔使預約添,換票後去上船點有位就可即上,咁答我都得,咁冇位又點算呢?真唔知點解咁多香港人一落機就仆倒去牛車水呢間旅行社朝聖地,又唔係平過人,又要排隊換錢排隊買門票........呢啲就係所謂達人神既攻略呀!

1500再出門,Bencoolen mrt去Chinatown,天氣熱辣辣先去Maxwell食老伴豆花,重豆味但唔滑,甜度over咗,又係得個名,好明顯係用凝固劑。
[attach]8629524[/attach]
[attach]8629525[/attach]
經過佛牙寺細佬話想入去睇睇下,家姐著短褲要包圍巾,印度look有啲扁咀。大堂剛有佛課,坐電梯上4F再行上大經輪.......倆個好似對呢間佛牙寺好有興趣慢慢行,我祇對呢間寺有lift有冷氣最buy。
[attach]8629526[/attach]
[attach]8629529[/attach]
之後行經牛車水大廈,前面廣場好多大叔大媽自我陶醉跳舞,唔知係咪同西洋菜街同一派系。
[attach]8629527[/attach]
經寶門廊,返到唐城坊見松發冇乜人,入去食個遲來的下午“肉骨”茶,細佬一向極鐘意飲湯,知道可以無限續飲,全場緊釘著手揸壺湯那位服服員哥哥.........。
[attach]8629528[/attach]
[attach]8629530[/attach]
之後離開已好多人排隊。
[attach]8629531[/attach]

paulinedie 2018-8-8 08:23 AM

坐mrt去Bayfront,出海灣舫沿地下通道,行到gardens by the bay花園,去到OCBC skyway因為有雷暴警告暫停開放,呢個景㸃網購冇乜優惠,跟現場買相差唔大,又要不同點換實體票麻煩,諗住倆個想玩既就現場購票,有部份內地客可能已經網訂咗門票,唔畀上樹就圍著工作人員詐嗮型。仲有成個鐘才開始supertree grove燈光表演,唔行skyway有時間剩,我地先去揾個地方坐吓休息,家姐草地上玩手機,細佬週圍走........天還未黑。
[attach]8629572[/attach]
Marina Bay那邊傳來煙花聲,沒多久天空6架軍直昇機三角型排列,慢慢飛越過濱海灣金沙酒店........
跟著再來6架三角型排列戰機..........
再跟著兩架唔知咩F乜乜戰機,飛行聲音強勁又高速,响天空劃出心型圖案,再左右插花、交叉飛越、垂直上昇等花式......睇到倆姊弟we嘩鬼叫(其實我都有叫),應該係為咗8月9號新加坡國慶彩排。
[attach]8629547[/attach]
[attach]8629548[/attach]
天開始黑,見燈光表演差不多開始,行返去巨樹叢底,揾個好位置坐地下......呢個show燈光同聲效音響幾震撼下,值得睇既!
[attach]8629550[/attach]
完場穿過金沙酒店行返去Marina Bay,未到名店街中心又見天上一輪煙花,有高空放有低空中放,長達十分鐘。
[attach]8629549[/attach]
[attach]8629553[/attach]
mall前有個大漏斗幾有趣,水上樂園大喇叭咁,唔知想表達啲乜?所有水(財)流哂入金沙?
[attach]8629551[/attach]
去到Marina Bay揾個好位水簾幕光影表演剛好開始,同類型水簾幕睇過幾次,但呢個免費,可以一看無妨。
[attach]8629552[/attach]

[[i] 本帖最後由 paulinedie 於 2018-8-8 08:30 AM 編輯 [/i]]

paulinedie 2018-8-8 08:27 AM

[attach]8629564[/attach]
[attach]8629563[/attach]
睇完曬表演行返去尋日倆個老細話今日指定要必食既沙爹街,只㸃沙爹串燒,倆個姊弟食家評價:“雞唔錯、蝦很好....牛同羊老過爸爸”。
[attach]8629560[/attach] [attach]8629561[/attach] [attach]8629562[/attach]
食完mrt返mi酒店。

忙到氣咳 2018-8-8 04:43 PM

好有心機:smile_o12::smile_o12:行程都豐富,去旅行邊行邊食隨意係最寫意。
請問搭地鐵基本最近幾錢一程,由graden by the tree行去Marina Bay幾耐?

paulinedie 2018-8-8 09:15 PM

[quote]原帖由 [i]忙到氣咳[/i] 於 2018-8-8 04:43 PM 發表 
好有心機:smile_o12::smile_o12::smile_o12::smile_o12:行程都豐富,去旅行邊行邊食隨意係最寫意。
請問搭地鐵基本最近幾錢一程,由graden by the tree行去Marina Bay幾耐? [/quote]


S$1.5
過天橋、穿過金沙、名店mall、大漏斗......到。10分鐘左右。唔會唔識路,當擎天樹show散場,全世界人都一齊咁方向行。

[[i] 本帖最後由 paulinedie 於 2018-8-8 09:29 PM 編輯 [/i]]

paulinedie 2018-8-8 09:18 PM

[quote]原帖由 [i]忙到氣咳[/i] 於 2018-8-8 04:43 PM 發表 [url=https://www.discuss.com.hk/redirect.php?goto=findpost&pid=485198683&ptid=27619102][img]https://www.discuss.com.hk/images/common/back.gif[/img][/url]
好有心機:smile_o12::smile_o12:行程都豐富,去旅行邊行邊食隨意係最寫意。
請問搭地鐵基本最近幾錢一程,由graden by the tree行去Marina Bay幾耐? [/quote]


剛回港,旅行寫得慢,跟著呢幾日寫快D!
[attach]8632051[/attach]

paulinedie 2018-8-9 08:50 AM

D7,Sun 5 Aug 2018

又趁倆姊弟未起身出去開個小差,0700星期日早上Bencoolen St非常清靜,空氣又清涼舒服,冇乜途人車又唔多,只有人晨跑。
[attach]8633124[/attach]
[attach]8633125[/attach]
打算慢慢行去亞坤總店食咖央多士,行到國家博物館見到架ofo,嘗試用內地版app掃QR打唔開,轉用香港版拍一聲開咗,冇理佢要收幾多錢,踩單車舒服過行路。
[attach]8633127[/attach]
[attach]8633126[/attach]
[attach]8633128[/attach]
[attach]8633347[/attach]

[[i] 本帖最後由 paulinedie 於 2018-8-9 10:13 AM 編輯 [/i]]

paulinedie 2018-8-9 09:07 AM

去到亞坤仲未開門,鎖低部車鋪頭前花莆邊,睇睇門口掛個牌星期日要開0830,仲差成個鐘,咁早附近又冇乜好行,坐晌店外啲露天位寫吓呢篇遊記。
[attach]8633173[/attach]
[attach]8633174[/attach]
[attach]8633176[/attach]
[attach]8633175[/attach]
等夠鐘開門入店內坐番冷氣室點都舒服爽啲。叫咗個經典A套餐,雖然覺得較貴,但好食既。
[attach]8633178[/attach]
走時露天位已坐滿人,行出舖頭見部ofo都冇人用過,又掃低踩返酒店。
[attach]8633177[/attach]
返到mi對面7-seven門口有放共享單車區域,鎖車ofo app顯示來回程都係各扣咗S$0.5。
[attach]8633179[/attach]
[attach]8633340[/attach]
[attach]8633341[/attach]
入7仔買兩個合味道杯麵返去比倆個做早餐,跟著又同細佬落2F游水。

[[i] 本帖最後由 paulinedie 於 2018-8-9 10:12 AM 編輯 [/i]]

paulinedie 2018-8-9 09:26 AM

1100 checkout mi後轉酒店聖淘沙,grab去Mount Faber Mt。
[attach]8633214[/attach]
訂咗來回雙纜車套票,加個花柏山山頂Spuds & Aprons餐廳午餐,食完先飛入島。Set lunch算唔錯,倆老細冇投訴,主要想舒舒服服,大熱天坐著冷氣玻璃房對著相隔聖淘沙的Cruise Bay海峽,當食下環境都抵。
[attach]8633215[/attach]
[attach]8633216[/attach]
[attach]8633221[/attach]

[[i] 本帖最後由 paulinedie 於 2018-8-9 09:28 AM 編輯 [/i]]

paulinedie 2018-8-9 09:37 AM

hea完旁邊山頂纜車站,再坐吊籃飛入島。
[attach]8633234[/attach]
[attach]8633235[/attach]
[attach]8633237[/attach]
[attach]8633352[/attach]
[attach]8633239[/attach] [attach]8633238[/attach]
呢程纜車分兩段,要响Sentosa Mt要再轉Imbiah Lookout Mt纜車到Siloso Point Mt,由海灘行幾分鐘就到Costa Sands。早咗到checkin房間未準備好,大堂坐咗半粒鐘,有房立即換泳衣直插泳池......
[attach]8633240[/attach]
[attach]8634753[/attach]

[[i] 本帖最後由 paulinedie 於 2018-8-9 06:02 PM 編輯 [/i]]

paulinedie 2018-8-9 09:47 AM

見太陽落山開始冇咁兇狠又出動,因有來回票,所以又坐番吊籠去Imbiah Lookout Mt,打算玩Skyline Luge,但見排隊人籠排到出售票處,決定先換遊戲票。
[attach]8633279[/attach]
纜車再出返VivoCity大食代晚飯先,咁多選擇倆個竟然要揀麥當奴,唔洗排隊唔想會落單溝通困難,有點餐機,收visa。
[attach]8633280[/attach]
[attach]8633281[/attach]
食完再去隔離Vivomart Giant買定嚟緊兩日早餐、零食、水果、飲嘢+宵夜,兩大膠袋行Boardwalk再步行返入島。
[attach]8633284[/attach]
[attach]8633282[/attach]
[attach]8633283[/attach]
[attach]8633285[/attach]
響Waterfront 坐2站Exp單軌車,到Beach Stn玩Skyline Luge,呢啲滑道遊戲兩個最鐘意玩,玩咗3次。
[attach]8634187[/attach]
行十零分鐘沙灘路從後門樓梯返Costa Sands.....又游水。
[attach]8633286[/attach]

[[i] 本帖最後由 paulinedie 於 2018-8-9 03:07 PM 編輯 [/i]]
頁: [1] 2 3
查看完整版本: 小學雞星馬hea暑假