查看完整版本 : 狗都不如?

秋天浪漫的烈女 2018-5-15 10:24 AM

狗都不如?

真係唔明白人成日形容狗就一定係衰,咩豬朋狗友,狗眼看人低,狗都不如,狗公!呢啲形容詞全部都踩狗狗,賤過地低泥!事實上,狗係對主人很忠心嘅動物,幫手看門口,當你有危險時會英勇地撲出來救主人,家人朋友也未必會咁做。另外仲有海關嘅緝毒犬,日日係度吸毒,幫手打撃販毒罪行,警犬,為市民維持治安,導盲犬也為廣大社會嘅失明人士做一支盲公竹。我地真係唔可以睇少狗狗,反而應該感恩,因為佢地實在無施地為社會奉獻自己一生,而沒有要求任何回報。

我時常認為,狗比人還要好,千倍萬倍,至少佢地唔會有攻心計,背後做小動作,加害他人。狗狗都是很簡單,直接,肚餓就食野,急就去廁所,攰就睡覺。反而人係陰險古惑,深謀遠慮,妒忌心重,疑心重嘅動物。

人就係咁衰,見到人有點成就,比自己好,就眼紅他人。如果見人比自己差,又鐘意落井下石,踩得就踩,唔會放過任何一個機會。明知自己無料,都要死撐,踩低人以為會抬高自己上天,其實係自卑嘅表現,不知所謂,我平生最討厭就是呢種人!

從大學畢業以來都係在辦公室做事的我,已感到厭倦,對人和事也感到失望,很多事也睇唔過眼,而且長此下去也唔見得有前途可言。於是決定辭職,打算轉行,想了又想,從小到大煮野食係我嘅興趣,把心一橫大想頭地想不如轉行做廚師。可惜自己無經驗,不容易搵適合嘅工作。於是,在屋企附近嘅大型快餐店做廚房助理,由零開始,由低學起!不過原來真係好辛苦,廚房太熱,差點中暑,而且在快餐店裡不是我想像的,也無辦法學我想學嘅野!做了一星期就走人了,但快餐店經理超級好人,知道我熱衷於成為廚師,介紹我去他朋友準備新開嘅西餐廳做初級廚師,真係我嘅貴人。我終於夢想成真,西餐廳老細和同事都好有活力,勤奮,見我好有心學,他們都好願意教我一個零經驗嘅小員工,雖然最後因為私人理由,也只是做了幾星期,但和他們已建立了良好嘅關係。到現在,喺屋企附近一間賣$20衫嘅店,一人舖頭打工,人工係低,我亦從來未做過服務性行業,最初也會擔心自己應付不了,因為本身我係個不喜愛說話的人,但現在每天都要對住唔同嘅客人,有好有唔好,他們大大改善我嘅溝通能力。人多就複雜,每日也有新鮮事,看見人性嘅真面目,實在得益良多,也啓發了我開始寫書嘅念頭。

最後,我想講嘅係職業無分貴賤,今日喺$20店打工,也不等於我係無受過教育,無內涵,無修養的,他朝有日成為老闆也可能。人只會看表面,見高拜,見低踩一街都係,認真膚淺,想知道更多我在$20店大開眼界嘅所見所聞,就要快啲睇下一篇啦!

#心靈雞湯 #人生 #成功 #哲學 #笑話 #失敗 #人生馬拉松 #命運 #心理醫生 #棟篤笑 #自殺 #愛情 #友情 #親情 #狗眼看人低 #心情 #語錄分享 #hkgirl

[url=https://www.facebook.com/permalink.php?story_fbid=117041869169028&id=117041695835712&substory_index=0]https://www.facebook.com/permalink.php?story_fbid=117041869169028&id=117041695835712&substory_index=0[/url]
頁: [1]
查看完整版本: 狗都不如?