查看完整版本 : 問路: 塔門船期 馬料水/黃石 (除夕)

eddie_118 2017-12-11 02:09 PM

問路: 塔門船期 馬料水/黃石 (除夕)

我們一行4 人打算除夕當天去露營,想請教一下.
我上網睇話馬料水->塔門假期一天只有3 班. 船期咁少,又係假期,怕會好多人上唔到船

如果黃石上船就多好多航班.但係上網睇資料話全部都只係經黃石,並唔係頭站.係由馬料水開出,黃石係中途站
如果黃石唔係頭站,咁咪又係好大機會上唔到船?
各位師兄可否分享下經驗?謝謝~

post70 2017-12-11 05:42 PM

中午由馬料水出發的,試過太多人,開一班380人,一班200人和一班90人快船三班一起行。黃石碼頭有始發船的,而且也有快艇服務

今天的事今晚做 2017-12-11 05:45 PM

得一隻船行咋!不過假期多人會開加班船,但船期一樣,即喺同時間開兩班船。

wilsonkf 2017-12-12 06:42 PM

黃石去塔門班次比馬料水多。平日七班,假日有十二班,黃石都係頭站。塔門先有機會唔係頭站。
馬料水班船係經塔門去黃石。黃石出發既其中兩三班船去到塔門後會繼續去馬料水。當然好少人馬料水搭到黃石或相反,中途就會落船。
假日馬料水 830 1230 1500 開船,黃石碼頭朝八晚六每小時 30 或35分開船,另有一班1655 經塔門去馬料水

如果你住新界北,預早些少到馬料水廢事買唔到飛,萬一滿座加班船都上唔到,唔好等下班,去搭巴士啦。
假期大學站有 99R 去西貢,但係每個鐘一班開 30分,只勉強配合到你上唔到3pm 果班船既情況。
無99R 就要搭 87K 係海栢花園轉 99 去西貢。去到西貢再轉 94, 雖然咁轉幾次,都會快過你等下班船,應該快到兩個鐘。

沙田就 299X去西貢轉 94去黃石, 會快過馬料水上船, 九龍香港,鑽石山有 96R 直達黃石碼頭

正常班次94 到達黃石時間一般會比開船時間略早(我都見過隻船等埋遲左少少既 94),但加班車同96R就難講。

[[i] 本帖最後由 wilsonkf 於 2017-12-12 06:58 PM 編輯 [/i]]
頁: [1]
查看完整版本: 問路: 塔門船期 馬料水/黃石 (除夕)