查看完整版本 : 生命插曲

heman33 2017-8-31 05:51 PM

生命插曲

在婚宴中,新娘同新郎在台上手舞足蹈唱歌佐興,佢地唱緊的,據説就係佢地的主題曲,好唔好聼?見仁見智啦!<br>回家時我坐車回想,我同老婆都有首主題曲,雖然無在我地婚宴上唱咁老套,但我地每次唱K都會點嚟唱。所以我估計每對情侶都有佢地的主題曲.........咁會唔會又有插曲?
我在這公司做了五年,終於做到店長這位置。店長除了管住啲下屬,管住間鋪大大小小的事,就是每月一次到總公司開會。做了半年開會六次,廿幾個店長有D我都係記唔到佢叫咩水。今次開會坐我側邊是個女店長,頭髮長長,幾靚女,佢好似叫....Annie。開完一輪沉悶的會,總有餐飯食,咁橋佢又坐佢側邊。
我首先打開話題。"Hi Annie, 咁橋?又坐你側邊,聽講你嗰區特別多小偷喎" 係餐桌上我地傾的都係圍繞公司的事,但我知道佢原來住我附近,離開時我地當然一齊坐車,這程車加深了大家認識,亦加深了我地感情。由於塞車加上她幾分酒意,不知不覺間她睡著了,而且睡在我肩上。
“哦!對唔住,真係失禮,挨著你瞓著添”Annie有點尷尬地説 ,她看看四週再道 “呀!到了總站嗱,你唔叫醒我?” 我哽係唔叫醒你啦,叫醒咗你又點可以陪你行返屋企呢。我地越行越好傾,結果在公園傾了成粒鐘。
原來我地有不少共同興趣,講吓東講吓西,我地講起公司pantry,她説有次買了一袋青蘋果請同事食,在board寫上[有青蘋果在雪櫃,請享用,Annie],但唔知邊個衰人,改了隻字,攪到蘋果無人食,佢又比人笑。
我笑説:“青蘋果變毒蘋果哽無人食啦”
"你都睇到呀!知唔知邊個寫架?"
"我當然知,咪我囉"
她在肩膀打了幾下,説我害她比同事笑。
"你都是比人笑下啫,我上次跌左個工作証,唔知邊鬼個執到唔交比Admin,釘係個board到,比D衰人用大頭釘,釘到我張相連呀媽都唔認得,重要帶住佢一個星期先有新証"
Annie靦腆地説:“我好似執過一張工作証釘係pantry個board到” 我沒有出聲只是啤著佢,她立即解釋説:“咩啫,咁我在Panty執到,咪釘係pantry個board到。哽係你玩得人多,人地先咁對你啫”
我裝著兇的面對她説:“我點玩人呀”
Annie笑著躲避,我們在公園亭中走來走去,她被我逼到牆邊,我們面對面,身貼身對著,我們的咀慢慢靠近,還有2公分時電話響起了,我只好轉身聼電話,之後我就送她回家。
佢的眼神佢的笑容就越來越吸引我,送Annie到她樓下,她正轉身想同我講byebye時,我就係佢面上鍚了一吓,佢有點愕然,但霎間又大方地笑一笑,跟我説聲“早抖”,就轉身離去。
我後悔沒有問她電話號碼,但要找這也難不到我,不過,打比她説什麽卻難到我了,想了又想,好快一個月過去,我地又在公司見面,她只是如常的跟我打個招呼就走開了。晚飯我刻意坐她對面,我留到她也在留意我,而且渴了不少酒。
離開時她刻意留在厠所久一點,其他同事都走了,她出來見到我就問:“點解你重係到架”
我輕輕碰她一吓 :“妳知架”
她沒有回答,只是咪咪笑行走了,我跟在她身後,問她是否坐車,但她説渴多了想行一陣,我地行了好久,傾了很多事,她突然問我:“你知唔知我有男朋友?”
“而家知” 我伸出右手展示無名指上的介子接著説“咁又如何”
大家笑了笑,她就撟著我手臂繼續行,行到酒店門口,我問她想唔想休息吓?她點點頭。我地就成為對方的生命插曲。

學友這首歌曲我很喜歡,但歌詞太傷感,我做不到。

[url]https://youtu.be/YsvM481gd-Q[/url]

中秀降城 2017-9-2 06:35 AM

不是不愛另一半,不是不愛家,但忽然遇到很投契的人,清新的初戀感覺,動了心。這種感情,只可以放在心。生命的插曲,寫這種處境,很到肉。結局如何?

~貓妹~ 2017-9-3 11:26 AM

故事描述很好仔細好清楚~
頁: [1]
查看完整版本: 生命插曲