查看完整版本 : 《翻江蛟龍 - 沉淪之519日》

utooclose88 2017-6-13 05:38 PM

《翻江蛟龍 - 沉淪之519日》

[b]此乃全新創作故事,如有雷同實屬不幸。[/b]
[b]{文章內之[語錄]轉載自[/b]"[b]男孩女孩[/b]Writings"[b]及[/b]"Mark[b]語錄[/b]"}
[b][愛情[/b]+[b]靈異故事]{翻江蛟龍[/b] - [b]沉淪之[/b]519[b]日[/b]}
[b]是咁的,有一個朋友自從識左一個女仔,就由一條蛟龍變成膠蟲,重沉淪咗成二年,到而家仍然係放唔低果個女仔,所以我就將佢嘅故事寫出嚟,睇下大家覺得點[/b]>>>>>

[b]故事每週定期更新[/b]

[b]或到本人FB專頁有連載[/b]

[[i] 本帖最後由 utooclose88 於 2017-6-14 12:30 AM 編輯 [/i]]

utooclose88 2017-6-13 08:54 PM

此乃全新創作故事,如有雷同實屬不幸。

{文章內之[語錄]轉載自"男孩女孩Writings"及"Mark語錄"}

[愛情+靈異故事]{翻江蛟龍 - 沉淪之519日}

是咁的,有一個朋友自從識左一個女仔,就由一條蛟龍變成膠蟲,重沉淪咗成二年,到而家仍然係放唔低果個女仔,所以我就將佢嘅故事寫出嚟,睇下大家覺得點>>>>>

李俊榮從窗邊看煙花加上爆發聲,沒有半點興奮,因為今年已經是第三年獨個兒在家中孤單地渡過大除夕了,心裹只想著究竟女神Janet此刻正在做什麼?又是和那個垃圾男友在一起吧.......不期然又想起一星期前被女神絕交,block同delete晒所有通訊軟件、電話、FB (其實女神根本就無add到佢FB都照block)內心充滿失落及孤單,此刻望著煙花的同時,也看著沒有窗花的鈻窗,已經不止一次想一躍而下...........俊榮一生在愛情上戰無不勝,更被同事冠以「翻江蛟龍」之名,究竟女神Janet係點樣令到充滿自信,從來只有女仔求佢,沒有佢求人的俊榮一敗塗地、由蛟龍變成膠蟲生無可戀呢?

[語錄]除了你自己沒人會明白,你的故事𥚃有多小快樂或傷悲,因為那終究只是你一個人的感覺。[attach]6973204[/attach]

utooclose88 2017-6-14 08:06 AM

先介紹一下李俊榮,四十多歲但外貌看來只有三十多,不煙不酒不賭不嫖,而且外表可算是有一點師氣又有著一點梁朝偉加庾澄慶的影子、170cm的高度、中等身材,以他這樣的年紀來說雖算不上是潮人,但衣著一點也不落伍,曾任警察十年的他,現在一間德國公司當保安經理,主管兩個部門,口才了得,經驗豐富加上十足的台型,在工作上根本沒有什麼難題,人工亦算得是中上,而且得到下屬的愛戴,但是他總是覺得不開心,因為他心裏無時無刻只想著.........一生中最愛卻永遠得不到的女神Janet.

[語錄]原來我可以愛妳,愛到這種程度,我本來還對妳沒感覺的。

[attach]6974597[/attach]

utooclose88 2017-6-14 09:12 AM

[attach]6974703[/attach]
李俊榮

utooclose88 2017-6-14 04:30 PM

故事要由俊榮中三說起,還未溝過女嘅佢,鐘意了一個同班同學Wendy(外表有點baby fat, 極短的頭髪,戴了個當時流行的中性銀色方型鐵框眼鏡,看起來又的確有幾分像男仔頭的風格)俊榮坐在班房的最左邊,Wendy坐在班房的最右邊,他們居然可以只用口型來傾偈並且認識了,當時很流行公益金百萬行,同學也會四圍搵贊助,當Wendy問俊榮「你贊助我吖?」俊榮:「好呀,不過我都想去玩喎」Wendy:「但我已約了阿May一齊去」俊榮:「咁不如我贊助你、你贊助我,我地三個人一齊去玩吖」Wendy:「好吖」就咁俊榮就第一次約到Wendy出街玩了,之後順理成章單獨與Wendy約會,第一次單獨約會俊榮居然想也沒想就約了她去看成龍的賀歲武打電影「師弟出馬」(真係on9到爆,完全無諗下Wendy想睇咩戲,就走去寶石戲院買預售三天的戲飛,揀寶石戲院已夠離奇)咁睇完戲可以喺紅磡果頭玩啲乜呢?還懶有型驚死賣晒飛又扮豪,買咗超等戲飛(當年學生多數睇前、中座或豪小小睇後座),由於未到真正過年及只有學校放了假,整套電影只有十來個觀眾,而超等更只有他們兩人,Wendy:「點解浄係得我哋兩個人嘅?」,當時真係感到十分尷尬,由於係第一次追女仔,俊榮根本唔知點去處理,既不善詞令,又有點怕羞,根本唔知可以同Wendy去邊度玩,幾次約會都只是去看電影(麗宮戲院睇鐵金剛勇破太空城、倫敦戲院看1941....) 交談亦不多,之後俊榮已經無膽再約會她,因為都唔知可以點做了,最後大家都沒有再聯絡,跟住Wendy中四分科轉了上午班,俊榮在下午班,其實俊榮心裏仍喜歡及掛念著Wendy,雖然在Wendy放學期間而他返學時,偶爾會碰到,俊榮:「Hi 」Wendy:「Hi, 好耐無見啊!」打個招呼後已經唔知可以講乜,俊榮根本不知從何入手,而且當年仍未有call機及手提電話,要約Wendy出街一係喺撞到果時出聲,但每次放學Wendy都會同同班嘅阿夢一齊行去搭車,怕羞嘅俊榮又點敢開口呢?另一個方法就係直接打電話去Wendy屋企,但打去每次都係Wendy媽咪接電話,俊榮更加唔敢出聲每次都立即cut線,所以之後都無約到Wendy了,直到F.5畢業學校搞畢業旅行,由於係自由參加性質,當時怕羞仔俊榮都無勇氣搵Wendy,只係透過另一個男同學傳話比Wendy講約佢去畢業旅行,當然Wendy亦透過該男同學傳話給俊榮,答應了去畢業旅行,及要求俊榮如果真係喜歡她就在當天向她告白,被動又怕羞的俊榮覺得很開心,特登走去買了條當時最hit嘅DORS多文DQJ牛仔褲,準備旅行當日著,信心十足,但所謂準備就只係衣著,咁告白呢?轉眼又到旅行的日子,地點係咖啡灣,去到後俊榮開始發覺唔對路,Wendy一路都同成班女同學一齊(去旅行就梗係咁㗎啦)但on9又怕醜嘅俊榮又邊夠膽當著咁多人面前表白吖,心諗今次仆街啦!一路等一路等,終於等撚到旅行都散band,  Wendy都係同成班女仔一齊玩(旅行又點會單獨吖on9仔)終於俊榮都無膽去表白,旅行後大家都各自返家了,自始與Wendy亦失去聯絡,後來聽同學講,大約畢業後的一、兩年Wendy就結婚生仔了。

utooclose88 2017-6-14 09:08 PM

俊榮一路都憧憬著完美及浪漫的愛情,所以他佷希望儘快找到一個女朋友,以俊榮的外表,當時也有一些女生喜歡他,但他根本唔識點去溝女,雖然很渴望有個女友,但就是不曉得追女仔的方法,經歷過Wendy的失敗他根本就再沒有膽量去嘗試。

畢業後俊榮加入了警隊派駐大埔,當年警隊還是有點舊制,on99的他當然也吃下老差骨不小苦頭,但在這兩、三年間俊榮從一些師兄身上學到了討好老差骨的技量,加上當年大埔 還有㸃農村的風味 (吐露港公路都未有)村民與商鋪都很喜歡與警察做朋友,這時俊榮亦已在這年輕的分隊較為senior, 可以做beat主了(註:新紥師兄初期只可以四圍頂同僚放假去熟習地型,之後才可以自己打正行一條beat{一個指定範圍},三個月一期稱之為beat主)每天都會經過相同店鋪相同的人物,有男有女、有老有嫰,好自然地俊榮慢慢又學到了與不同階層男女的溝通技巧。

utooclose88 2017-6-15 01:12 AM

三年過去了,俊榮被調派去俗稱歪帽的藍帽子駐守,醒目有型的制服令他信心十足,雖然獲得不錯的工作成績,亦有一些女仔在街上主動接近俊榮(當年好多女仔都鐘意差人),但九個月時間很快就過去了,俊榮也沒有找到合適的對象,PTU(Police Tactical Unit)又要解散調回環頭了(註:稱之為散camp)。

散camp後,俊榮派調了去上水警區。他的愛情生活開始了而且停不下來,一個接一個,俊榮開始掌握了溝女的技巧,知道女仔需要人關心,要人陪,要有點幽默感,口才最重要,重唔可以令女仔悶,加上中上的外型,從來不缺女朋友,換畫又再換畫,他感覺得很開心快活,同事更戲稱他為「墳場姑爺仔 -  溝死女」。

utooclose88 2017-6-15 08:16 AM

在上水警署俊榮就睇中左同隊嘅女警Fiona, (短髪,baby fat,  細細粒又是俊榮喜歡的外型)俊榮覺得同Fiona偈傾好投契,試過有幾次喺差館食大圍飯,Fiona也是坐在俊榮旁邊,(當時俊榮也沒有留意,但真係咁巧合?)而且每次Fiona都有夾餸比俊榮食(當時俊榮亦都無諗過Fiona點解要夾餸比佢)只知道Fiona已經有男朋友,而且是EU(註:Emergency Unit衝鋒隊)的師兄,俊榮心想雖然對Fiona有好感,但又點可以撬師兄牆腳鈎義嫂嘅呢?所以一直都無行動,直至半年後,當時Fiona已經調去粉嶺court駐守,有一天剛好俊榮有case要上court, 正在等候時剛好碰見Fiona同一班女庭警在吹水,不停在討論著超市的價格,俊榮覺得奇怪,於是問她們,俊榮:「Fiona點解成日講超市嘅?」在旁的一個女警搶著答:「人哋結咗婚就梗係傾呢啲野㗎啦」俊榮不自覺地向Fiona講:「吓?乜妳結咗婚嗱?其實我對妳都有意思的」Fiona:「其實我都對你有意思,乜你而家至講」之後就行開了,留下俊榮一個人無奈地坐在一旁。一個愚眛的撬牆腳想法,令到俊榮又再重滔中三的覆轍。呢次之後俊榮開始明白到愛情係唔可以禮讓嘅,同埋如果盡左力而失敗也今生無悔。

utooclose88 2017-6-15 01:58 PM

之後俊榮又被調到另一個巡邏分隊,這個分隊整隊人也是比較年青,記憶中包括俊榮在內也只有四個男警入過camp (註: 到藍帽子受訓稱之為入camp,相比未入過camp的警員較有經驗,內部流傳着一個說法:未入過camp唔算係一個真正嘅差人)所以俊榮當時已算係senior又有一定的外型與台型,同埋一向對女仔都好好,所以很容易就吸引到另一個女警Mary (無論髮型外貎完全係初出道朱茵的翻版) 主動接近俊榮,記得初相識就是大家一起戒 I.I. (註:Illegal Immigrant非法入境者)去新屋嶺扣留中心,由於車程比較遙遠,Mary與俊榮在警車𥚃無所不談,在途中已相約下星期一齊篤假去睇戲(註:篤假是在編更簿內剔上日子,編更沙展可能的話也會儘量安排伙記所揀嘅日子去放例假),之後發展得很快,亦有相約過去大嶼山及長州旅行,還記得當年也是住東堤小築,當時還未流行燒炭呢,但之後Mary又曝露出佢任性的一面,例如有一次俊榮有點病,相約了Mary在差館大地等,但一路都見不到Mary的影子,期間俊榮不斷call佢機(當年還未流行手提電話,大家都係用傳呼機)終於兩個鐘頭後Mary出現了,原來去了同一班伙記打麻將,佢解釋係不斷冧莊所以遲到了。最後大家相處了一段日子,俊榮實在受不住她任性的行為所以分手了。

yam2004 2017-6-15 06:31 PM

支持👍

utooclose88 2017-6-15 06:58 PM

就這樣又過了十年,香港經濟起飛,俊榮也離開了警隊,去搞電子零件生意,最高峰期年薪五百萬,有車有樓,追女仔根本易如反掌,最喜歡車女仔上山頂峰景餐廳食晩飯,而且好多時係女仔追佢,其中一個女同事叫Chole, 時常借故接近俊榮,又經常買野比俊榮食,又會偷偷放禮物在俊榮辨工枱櫃桶內,但俊榮並不喜歡她,所以就直接拒絕咗佢,但Chole就仍然不停放小禮物喺佢櫃桶,俊榮每次都會掉了落垃圾桶,而且Chole還時常跟著俊榮令他不勝其煩,例如有一次俊榮星期六收工就獨自去好景買PS1(Sony PlayStation遊戲機)的番梘碟,但Chole堅持跟著他一起去,俊榮:「你唔好跟住我得唔得?」Chole:「你又無約人,不如我陪你去吖」俊榮:「我想自己一個人去呀!唔駛你陪!」Chole:「唔緊要啦,我跟住你後面行得㗎啦,你唔駛理我,我喺你後面行已經好開心同滿足㗎啦」俊榮心想Chole係咪痴線同覺得佢好煩,甚至有一次俊榮又單獨去好景買番梘PS碟,突然見到Chole在他面前茫然地飄過,俊榮立即捉住Chole質問:「你重乜跟蹤我?」Chole:「我真係無跟蹤你㗎,只不過我真係好鐘意你,但你又唔啋我,咁我知你好多時會嚟呢頭,所以我嚟行吓感受一下你平時嘅生活我已經覺得好滿足」俊榮:「你唔好喺度老作,你一定係跟蹤我,@$&@&$¥%xyz」爆完粗後俊榮就望著Chole邊哭邊離開了,俊榮當時心諗:「呢個Chole真係痴線!」(註:俊榮雖然唔鐘意Chole, 但遇到女神後俊榮終於明白Chole當日的行為感同身受,而且估計Chole當日真係無跟縱他的,回想當日咁樣對待Chole,俊榮內心充滿著歉意)。

yam2004 2017-6-15 10:16 PM

幾時有update呀?等咁耐嘅,快啲啦😀

utooclose88 2017-6-15 10:55 PM

[quote]原帖由 [i]yam2004[/i] 於 2017-6-15 10:16 PM 發表 [url=http://www.discuss.com.hk/redirect.php?goto=findpost&pid=463023262&ptid=26721637][img]http://www.discuss.com.hk/images/common/back.gif[/img][/url]
幾時有update呀?等咁耐嘅,快啲啦😀 [/quote]
[b]寫緊,麻煩等多一陣[/b]😰

utooclose88 2017-6-16 01:23 AM

第九章

畢竟開心的日子過得特別快,隨著金融風暴,俊榮一下子失去一切,亦離開了Chole一齊工作的公司,變回一個普通打工仔,需然如此,但俊榮仍然生活不錯,所以始終不愁寂寞,女友一個接一個及只有佢飛人無人飛佢,他亦十分享受及沈醉於這種所謂愛情生活,同事又給他起了一個外號(翻江狡龍,傷盡天下女人心)。直至後來電子業式微,俊榮就只有轉行去了一間大型保安公司(該公司主要由G4 VIP Protection Unit 保護要員組,SDU Special Duty Unit 飛虎隊,退役人員所組成)做高級專業保安,專門負責貴重財物,珠寶押運,跟蹤調查、大型event及body guard 等工作。當做大型event嘅時候,一身西裝俊朗的造型,俊榮很容易就搭上了主辨機構的女職員阿芳,很快就打得火熱,還記得第一次約會,俊榮就是車她上山頂去峰景餐廳食晚飯,之後就去附近散步,當行經山頂旁一條僻靜的山路,阿芳話想去睇下條路嘅盡頭係咩地方,這個提議正合俊榮的心意,因為條路實在太黑了,又好靜,未到盡頭因為太黑阿芳已經好驚,伸手不見五指的寂靜山路,傳入俊榮耳中的,只有阿芳沉重而急促的呼吸聲,俊榮二話不說立即用他穏重的右手,一手攬住阿芳癱軟的身體,阿芳亦順勢靠向俊榮溫暖的懷抱裏。在月光見證下,兩人的感情邁進了一大步。之後俊榮揸車送阿芳回家,當到達時阿芳突然出奇不意地吻了俊榮左邊面頰一下,就傻呼呼地離去。

utooclose88 2017-6-16 07:54 AM

第十章


其實在這段時間俊榮又同時認識了一個大型連鎖時裝店sales manager 阿清, 雖然年紀大他五年,但這個女仔對佢好好,為咗俊榮乜都願意做,加上呢個女仔嘅遭遇都好慘(因私穩問題不詳寫了),所以俊榮就同阿芳分手,同阿清一齊左重同居埋,但俊榮的好朋友阿豪就對這個姊弟戀唔睇好,並提醒過俊榮,豪:「愛情不是同情喎,你有無諗清楚呀?」俊榮:「佢對我好咪得囉」,經過三年後,俊榮終於發現阿豪所講嘅說話係啱嘅,而且愈來愈覺得年紀係一個大問題,女仔通常都比男仔思想較早成熟,俊榮覺得根本溝通唔到,甚至對著阿清有種對著母親的感覺,所以最後同阿清都係分開了,雖然分開到現在已經十年,阿清在WhatsApp用的圖像就是十年前俊榮送比佢嘅一對牛牛公仔,証明阿清仍是對他念念不忘,而且阿清仍不時與俊榮保持聯絡,及要求復合,不過俊榮也一一拒絕了,因為他雖然覺得阿清為人同對佢真係好好,但愛情的感覺真的只剩下同情,無可能再在一起了,可能你會問點解阿清咁多年後都重想同俊榮復合?其實原因好簡單,阿淸固然係好愛俊榮,但其實重點係俊榮並不如他花名般傷盡天下女人心,反而他對所有女朋友都好好,好愛錫同百般遷就,又會製造浪漫,送自制心意卡,過時過節有心思禮物就更加唔小得,所以全部舊女友都和他關係良好及保持聯絡。不過俊榮就係有一樣嘢從未對所有女朋友做過,就係送花,點解?因為咁多年來佢認為仍然未遇到過一個真心鐘意嘅女仔,一個佢認為值得送花嘅女仔,呢個機會俊榮等咗咁多年都未出現過,即使所有女朋友都好喜歡他,但俊榮其實沒有多大的感覺,所以俊榮雖然對佢地好好,但全部都無送過花比佢地。

utooclose88 2017-6-16 06:13 PM

第十一章

直到2012年,俊榮被挖角入了一間大公司做保安主任,這時俊榮已經接近四十歲了,這份福利不錯的工作,他覺得很穩定,雖然當時已有一個固定女朋友Sandy,但從來都沒有結婚的打算,因為起初俊榮都對她寄予厚望,後來發現Sandy的超級港女性格及公主病(應該是公主癌)逐漸浮現出來,例子 - 食晚飯,俊榮:「今晚妳想食乜野?」Sandy: 「是旦啦!你話事」俊榮:「食壽司好唔好?」Sandy:「天寒地凍仲食啲凍冰冰野你傻㗎?」俊榮:「咁去打邊爐啦,天氣咁凍,打邊爐就夠正」Sandy:「我前兩日先打過,打得多好熱氣」俊榮:「咁去食泰國野或者韓燒吖?」Sandy:「都話左熱氣咯,仲去食呢啲野,你有冇聽我講野架!」俊榮:「咁去 Simplylife 好唔好?嗰度啲 Set Dinner 幾好食」Sandy:「Simplylife 好多人,唔想排隊」俊榮:「咁去花園鋸扒好唔好?」Sandy:「唔想食咁多肉,好肥架」俊榮:「或者妳可以叫意粉,又或者叫其他野食都得架」Sandy:「咁咪即係叫我睇住你鋸扒,我唔食你都唔準食」俊榮:「咁食台灣野好唔好?」Sandy:「台灣野咁多油,好肥架又唔健康」俊榮:「咁不如食粥啦,䁔笠笠」Sandy:「天氣咁凍,食粥唔夠飽肚喎」俊榮:「M記或者家鄉雞啦,快靚正」Sandy:「成日食呢啲垃圾食物無益,話左叫你唔好食,你失憶呀」俊榮:「咁不如妳話事啦,我諗唔到啦~~~」Sandy:「我就係諗唔到食乜先叫你話事,你比啲主見得唔得(發晒脾四)」俊榮:「唔係話熱氣,就話無益,我真係諗唔到仲有乜可以食」Sandy:「咁係熱氣、係無益吖嘛,我有講錯咩?自己諗唔到就亂發人脾氣」俊榮:「咁去味千食拉麵好唔好」Sandy:「唔....都好,我要食咖哩拉麵同炸餃子,仲要食雪糕」俊榮:「心諗你老味~神又係你鬼又你~咖哩唔能熱氣、炸餃唔能熱氣、仲食雪糕凍能死你!」以上只是冰山一角,加上Sandy終日西口西面(同事是這樣形容她的)而且小小事又發脾氣鬧俊榮,玩分手,每次發脾氣也唔聽電話唔覆WhatsApp、email, 短則兩、三個星期,長則一丶兩個月,每次都要俊榮氹返,俊榮曾經提出過叫Sandy改善一下她的港女性格、公主病同脾氣,但Sandy話自己改變唔到,終於有一次Sandy又玩分手,俊榮已再三提醒她,分手唔係遊戲及佢一定搵唔返一個好似俊榮對佢咁好嘅男仔,但Sandy堅持要分手。俊榮發覺到自己多年來其實也不快樂,根本就得不到他憧憬的完美浪漫愛情,所以這次俊榮就真的和Sandy分手了。雖然Sandy之後很後悔,及經常要求復合,但俊榮其實已經對她失去了信心、死心了。

[語錄]越好的人,就越不被珍惜,大家只會把一切當作理所當然。

utooclose88 2017-6-16 06:14 PM

[attach]6982892[/attach]

utooclose88 2017-6-17 10:00 AM

第十二章

之後俊榮再也沒有主動去識其他女仔,其實正確應該是他一直也找不到他認為合適的女孩,因為他覺得愛情不應該是這樣的,他要找尋一個真正適合他、愛他的女孩,他心目中的女神是這樣的:普通樣貌已足夠,鄰家女孩feel、陽光少女、微胖、經常笑、細細粒、可愛.........這樣子又過了五年,俊榮也沒有遇上合適的對象,縱使阿清、Sandy都曾經要求過俊榮復合,而且俊榮亦有不小傾慕者,但他也覺得不合適而不為所動,一心等侍著他的女神出現。

[語錄]人生遇到的每個人,出場順序很重要,很多人,如果換過時間認識,就會有不同的結局。
[attach]6984724[/attach]

yam2004 2017-6-19 09:33 PM

仲未有update?

utooclose88 2017-6-19 09:39 PM

[quote]原帖由 [i]yam2004[/i] 於 2017-6-19 09:33 PM 發表 [url=http://www.discuss.com.hk/redirect.php?goto=findpost&pid=463220124&ptid=26721637][img]http://www.discuss.com.hk/images/common/back.gif[/img][/url]
仲未有update? [/quote]


呢幾日好忙,唔得閒寫,比啲時間我🙇

utooclose88 2017-6-20 12:18 PM

第十三章

在2014年年中,俊榮真正的女神終於出現了,當時俊榮在老細要求下報讀了一個有關他工作的課程,對讀書唔叻嘅佢感覺到佷大的壓力,所有精神也花在溫習及功課之上,直至暑假的時候公司來了一位admin同事Janet Leung, (先介紹一下佢的外型,樣貌普通、有點baby fat, 身高約150cm, 細細粒粒,短髪波波頭,面圓圓,戴一個比較舊款的紫色金屬眼鏡,鏡臂還有印有一朶朶花的圖案,當時俊榮見佢衣著有點老套,身形亦有點師奶仔的影子,所以估計佢約28歲,後來知道其實當時佢只係23歲,外表豪不起眼,甚至客觀地說有一點土氣亦不吸引,但這正正是俊榮夢寐已求的外型)第一日返工介紹時,他甚至沒有時間理會她,因為忙於準備課程的考試,還記得當時同事阿John問俊榮對Janet的觀感,他也只是回答覺得Janet師奶仔般的外型就是他喜歡的那類,之後也不以為然,其實俊榮因為考試關係再也沒有留意過這位同事,甚至在兩、三日後俊榮問過同事Ice,Janet做野掂唔掂,因為如果唔掂可以七日內叫佢走的。直至九月份考完試又正值公司業績低迷開始栽員,俊榮因為人工高所以被裁,幸好老細知道佢做到嘢,幫佢搞咗個外判位,亦因為這樣俊榮終日忙於與新外判商傾談合約條件,根本完全沒有在意過這位坐在他右前方的新同事,最後俊榮終於與外判商逹成協議,工作與人工不變繼續留任。當職位穏定下來時已經九月中了,這時俊榮終於有點時間及發現了Janet的存在,而且開始產生了微妙的感覺,一種從來未試過咁愛一個人嘅感覺,不自覺地俊榮就將一切與Janet有關事在微博記錄下來。以下為簡化了的節錄(因好多時俊榮都係寫上不能停止的思念,在此不再重覆了)

[語錄]第一次見到妳的時候,我從來沒想過,有一天會那麼的愛妳。

utooclose88 2017-6-21 10:56 AM

第十四章

2014年9月16日:八號風球,風球大約在上午十時就除下,我好早就返到公司了,還記得當天大約下午一時三十分Janet就返到公司,我剛好和她在走廊相遇,但大家也只是㸃下頭並沒有說話,當日大家也並不熟悉。
2014年9月17日至10月26日:呢段時間俊榮都只是默默地傾暮着Janet, 因為俊榮愈來愈發覺Janet就是他心目中的女神而且散發出無比的魅力,俊榮想盡力控制自已的想法,恐防一發不可收拾,但結果也是始終難敵Janet的吸引力。
[語錄]我想妳,好想好想妳,非常非常想妳,不過我不會跟誰說,我只會放心底。
2014年10月17日:今天行過Janet的坐位時,「請你食吖」Janet主動請我食TimTam朱古力餅,喺呢個時候我至發現Janet係擁有松田聖子年青時的虎牙,好cutie呀!我又邊捨得食果塊朱古力餅呢(果塊朱古力餅一直保存至今)之後收工前Janet仲開了個WhatsApp chat group 同我及Ice chat, 好開心呀。
[語錄]只要妳快樂,就算我只能在一旁觀看,也沒有關係。

utooclose88 2017-6-21 10:57 AM

[attach]6997990[/attach] [attach]6997991[/attach] [attach]6997993[/attach] [attach]6997992[/attach] [attach]6997994[/attach]

utooclose88 2017-6-21 11:33 PM

第十五章

2014年10月20日:今日一路在想究竟自已追求啲乜?一想到Janet時常笑真係好有魅力可以令我好開心,同佢傾下偈就可以開心半天,佢真係我心目中的dream girl女神。
[語錄]暗戀不會開心,也不會難過,只會難受。
2014年10月24日:開始發現了一種從來都沒有的感覺,愛的感覺,同以前果啲係完全唔同嘅!
[語錄]我喜歡過很多人,但我愛的人只有妳一個。
2014年10月27日:近日都係好失落,好掛念Janet感覺愈來愈強烈,從來未有過如此思念一個人的感覺。
[語錄]我很想念妳,妳不知道而已。
[attach]7000554[/attach] [attach]7000555[/attach] [attach]7000556[/attach]

utooclose88 2017-6-22 06:34 AM

第十五章

2014年10月31日:今天又去跑步,明知到不可能但又控制唔到,好難遇到一個咁適合自己嘅人,唯有跑步減壓,加上一個幼稚嘅諗法,如果我跑步減埋個小肚腩Janet就會鐘意我,所以我隔天就會去跑7-10km.

[語錄]其實我很愛妳,你沒發現而已。

2014年11月3日:今日臨收工嘅時候,見到Janet啲頭髮短左,於是問佢係咪剪咗髪,佢話:「我收埋咗咋」,然後從耳後夾住的頭髮撥返出來,這個簡單的動作已經令我十分迷醉了,真係好正,呢啲就正正係自己一路追求的快樂,但感覺又是這麼近卻又那麼的遠。

[語錄]我喜歡妳,妳也可以剛剛好喜歡我嗎?

2014年11月4日:今日Ice話有啲相比我搞resize, 我話唔做,除非Janet叫我就做啦,咁Janet又真係攞咗Ice啲file然後一路笑住遞比我叫我做,我就係要呢一種笑容同笑聲,我又沉醉了,最簡單的笑聲與笑臉,帶比我最深刻的感覺和快樂,當然Ice就嬲到爆了。

[語錄]世界上的事物,都比不上妳,因為我就是只愛妳一個人。

[attach]7001216[/attach] [attach]7001217[/attach] [attach]7001218[/attach]

utooclose88 2017-6-22 10:13 AM

第十七章

2014年11月7日:我開工從來都唔會出街食午飯,因為怕麻煩,日日都喺公司canteen攪掂就算,今日我決定借Ice過橋,約咗Ice同Janet一齊出去食午飯,Ice揀嘅係日本餐廳,但感覺Janet好靜無乜講嘢,可能同我唔熟,根本無從入手,食完飯重有時間,大家就一齊去了附近一個大商埸行下,我已經感到很開心了,另一方面我好像對其他事物失去了興趣,好像以住最愛聽不同種類嘅歌曲(用DAC駁Hi-Fi, 有兩個2TB HDD分别裝満中英文歌WAV file), 又最愛看電影,所有電影都會下載1080p或Blu-ray檔案,駁40吋Sony大電視用Onkyo TX-NR818享受環迴立體聲,但現在也提不起勁去玩了,每刻每秒內心只想著我的女神Janet。

[語錄]只要能看到妳,就算不說話,我也覺得很開心。

2014年11月8日:尋晚發夢見到Janet,一齊拍戲,劇情係發展到大家不能在一起,大家都好唔開心,到最後Janet還kiss了我......(真係發夢,這些機會不是我的。)

[語錄]睜開眼睛想的是妳,閉上眼睛想的也是妳。

2014年11月9日:我去了下屬阿John屋苑會所做Gym (因果處係新落成大屋苑,會所健身室又大又少人亦很近我家)做完Gym就同阿John去飲茶,由於阿John係我最信任的下屬及好友,我將我愛上Janet的秘密告訴了他,而我亦深知自已沒有機會,因為我與Janet年紀實在相差太遠了,這點我是完全明白的,所以我同阿John講我並唔係想溝Janet, 不過Janet係我一生中遇到過最愛的女仔,我只係想時常可以見到佢,保護佢,同佢傾下偈已經心滿意足了,因Janet睇落去細細粒粒咁,我同阿John起了個花名比佢叫𡃁妹。阿John話覺得𡃁妹個人好單純,我同阿John講我做過警察閱人無數,雖然我重未摸清𡃁妹嘅性格,但我覺得佢有啲古惑唔係好似阿John諗得咁簡單。

[語錄]我愛妳,沒有什麼目的,只是愛妳。

[語錄]我喜歡妳,我不是不敢告訴妳,只是我想默默地守護妳。

[attach]7001621[/attach] [attach]7001622[/attach] [attach]7001623[/attach] [attach]7001624[/attach]

utooclose88 2017-6-23 03:07 AM

第十八章

2014年11月10日:今日阿King(我對上的經理,再之上有一個大Sir) ,大Sir都出咗去做野,咁就有機會可以同𡃁妹傾下偈(因大Sir同阿King喺office,係唔比我地同事間吹水的)我同𡃁妹鳩吹咗一陣已經好開心了,收工時,Ice同𡃁妹走先,由於我正在忙所以我無為意,Ice向我話乜同你講bye bye都唔覆人嘅,我講笑話Janet同我講我就覆,𡃁妹又真係笑住咁同我講bye bye, 咁我就同𡃁妹bye bye激死Ice.

2014年11月11日:因𡃁妹工作上會處理 CCTV(Close Circuit Tele Vision閉路電視的簡稱)片段的交收及文件,好多時都會有警察致電公司聯絡,咁差人就梗係粗聲粗氣,講嘢又聲大大,今日𡃁妹就走來請教我一的Search Warrent(搜查令)同埋警方術語及部門簡寫 (如CAPO就是Complaints Against Police Office投訴警察科)的問題,我好用心教佢,咁我又好開心了,佢話乜唔係個個差人都好似你咁好人嘅?我比佢吹脹!

2014年11月12日:今日我收到另一個部門的女同事Karry送來的一盒匙羮型朱古力,睇個樣都係貴嘢,因為我都感覺到Karry係鐘意我嘅,但我就對佢無乜興趣,之後打電話比Karry講聲多謝(佢應該都feel到我好hea咁敷衍佢,所以好無㽼咁)之後我重送左盒朱古力比𡃁妹,佢問我點解唔食,我話我減緊肥唔食啦(其實在開始對𡃁妹有興趣之後,我已開始减肥,隔日跑7-8km, 小食多餐,晚餐多數食燕麥,戒糖戒肥戒雞皮.....因為我好天真咁覺得雖然我身材中等,但有個小肚腩,如果減走肚腩睇落比較年輕,𡃁妹就會喜歡,就這様用了半個月就減了十三磅,之後keep住跑步,保持住呢個體重同身型)跟住我就出左去交易廣場做野,𡃁妹重WhatsApp啲相比我睇用微波爐叮牛古力匙羹加鮮奶話好好味😊

2014年11月13日:今日兩個阿Sir都出咗去,突然間𡃁妹大聲嗌:「激死人,我啲錢比人搶晒」同時間雙腳不停dum地,原來佢玩緊手機game "Pirate King", 但佢呢個舉動我真係覺得好cutie! 好鐘意! 之後我要去亞州區總裁屋企幫手搞party, 離開寫字樓經過𡃁妹個位我就同佢講bye bye, 佢又好似比較冷淡咁,之後整晚在工作時我都在想著她。

[語錄]喜歡妳,喜歡到忘不了妳。

[attach]7004162[/attach]

utooclose88 2017-6-23 07:35 AM

第十九章

2014年11月14日:今日去行下走火警路線,完咗之後同Ice及𡃁妹去食飯路過一座甲級商廈原來裏面轉角位有間高級西餐廳(同區計)好cyber feel 分子料理果啲,大約每位二百五十元一個午餐,咁呢期我又出左成五千蚊OT錢,咁我就提議搵日同佢地去食呢間我請,當係聖誕大餐,當時𡃁妹都話好(但呢單嘢最後不了了之,我估𡃁妹怕貴,需然我話我請,但因當時同我唔係好熟)之後我地去了茶餐㕔食飯,我坐𡃁妹對面,望住佢真係好靚好天真好鐘意好開心。

[語錄]我喜歡妳,是因為妳能給予我,別人不能給予的。

2014年11月17日:見到𡃁妹整咗頭髮,之前係有小小金色,而家就孌咗有啲紫紅色,之後佢有點發脾氣咁,因為佢話佢個iphone4成日無電,之前先至去先達整換過電都唔得,咁𡃁妹係咪有男朋友呢?女仔通常唔會自已去先達整電話噃,但佢從來無提起過,不過呢個唔係重點啫,我又無諗住追佢。

[語錄]有一種喜歡,叫默默關心不打擾,只要看到妳上線下線,還存在我的朋友名單𥚃面就好。

2014年11月20日:今日食飯時間,𡃁妹做手勢問我一唔一齊去,但我實在太忙所以去唔到,直到下畫我要出去做野,佢同我講bye bye我內心已經好開心了。

2014年11月21日:今日𡃁妹著咗條橙紅色薄紗裙配黑皮䄛黑𢇁加三吋高跟鞋,真係靚到爆燈,原來佢今晚要去大學同學攪的一個party, 收工時見佢已畫了眼線,咁我同Ice已去到lift口,見佢走去厠所,咁我話重未走咩?原來Ice話佢要去厠所戴con去,跟住Ice重寸九我話叫我不如跟埋Janet去,Ice真係麻煩,其實當時真係唔知佢有無男朋友,一來佢從來無提過,二來見佢著得咁衡,好似要去識男仔咁。之後我約左人去食飯,呢個Ice重跟住我去坐地鐡(佢平時坐巴士的)煩到爆所以我呃佢話去深水埗,佢又跟住話去深水埗,有無咁啱呀?所以我就喺太子站突然落咗車激到佢死撇甩咗佢。

2014年11月24日:今日又係三人行(Ice, 𡃁妹,我)出去食午飯,點知去到果間餐廳只得長枱長櫈,我地三個唯有排排坐,呢個Ice重好唔識趣坐在我與𡃁妹之間,等我想傾偈都好困難,我認為佢係故意既。飯後突然Ice話要去銀行攞form轉頭見,剩低我同𡃁妹喺商埸等,第一次同𡃁妹單獨相處,感覺實在太奇妙了,之後Ice攞完form返來join,我地就喺商場四處逛逛搵禮物準備喺公司聖誕party交換,但都無乜發現,行緊果時𡃁妹重捉住我手臂唔知問乜,能夠咁接近𡃁妹實在太開心了,之後在公司見聖誕party個email話dress code 係紅色, 我就同𡃁妹講不如著返果日條裙,佢笑笑口話唔制(真係好靚好cute)。

[語錄]我好喜歡妳,妳知道嗎?

2014年11月25日:今日我出咗街做野,𡃁妹突然WhatsApp問我有無iphone4义電線,咁我返到去就借咗比佢,因為佢重用緊舊款同唔記得帶條線,佢又猛問我點解有(因為我用緊iphone5) 其實條缐係由4S轉5剩返嘅。之後佢在燒碟(CCTV片段要錄制成DVD)嘅時候同佢吹水,笑咗好耐啲笑容同虎牙真係好正,收工嘅時候見佢揸住之熊本熊酒去搭地鐵,咁我地一齊行佢話今晚約左人食飯支酒送比人,唔知送比邊個呢?

2014年11月26日:今日𡃁妹走埋嚟用卡通聲講:「我後日生日可唔可以送咗條線比我當做生日禮物」,梗係得啦.....之後我話橫掂大家都無去過飲茶,不如天日我去攞位飲茶當同佢慶祝生日。(因為正日28號咁啱係靚妺畢業禮所以佢攞咗假)

2014年11月27日:今日我就提早去茶樓攞位飲茶,咁三個人(𡃁妹,Ice, 我)就去了附近的茶樓飲茶,望住佢真開心,但佢又好似發現咗我成日偷望佢咁。

2014年11月28日:今日𡃁妹請左假,但喺10點半度我就WhatsApp咗張自制有佢個名嘅生日web卡比佢,佢覆返我「thanks」就無再答,但我已經好開心了。

2014年12月1日:今日𡃁妹都攞埋假(因為生日正日係星期五,我地星期六、日係放假的,所以攞埋星期一連住落一啲都唔奇,不過唔知佢去咗邊度玩呢?

2014年12月2日:今日我問𡃁妹放假去左邊玩,佢話無去只係喺屋企hea, (你信唔信吖?)真係唔明佢點解要講大話。

[attach]7004396[/attach] [attach]7004397[/attach] [attach]7004398[/attach]

utooclose88 2017-6-23 09:23 PM

第二十章

2014年12月4日:今日天氣好涷,𡃁妹又有點病,所以我地又三人行在公司canteen一齊食,我又好開心了,點知食完飯阿King就同我講公司將會cut咗𡃁妹個位,聽完內心忐忑不安,一直往下沉十分不開心,不過我無講比𡃁妹聽,因為我諗緊辦法保住佢。

2014年12月5日:出去做完嘢返來原本好忙,但係𡃁妹又摟我出去食飯,見到佢我就即時心軟,出到去食中菜,呢條Ice夾餸比我,我話唔駛自已嚟,佢已夾硬放了落來,我嬲嬲地係咁不停夾餸比𡃁妹食,𡃁妹又只係唔該又無乜表情,心想其實佢知唔知道我鐘意佢呢?

[語錄]是我感動不到妳,還是我不如別人?

2014年12月8日:今晚係聖誕party,其實之前已問過阿King,  Ice 同𡃁妹係唔駛去,咁今日𡃁妹見我無著紅色衫就話我點解唔著紅色,其實我果件係紅色直條裇衫囉,今日𡃁妹有啲病,但佢話今晚要去影畢業袍相,佢今日著白冷衫淺籃牛仔布長身裇衫(當裙著)黒𢇁加boot真係好正,而我就喺聖誕party交換禮物用一盒書形朱古力換左一個史迪仔USB電䁔板返來。

2014年12月9日:今日Ice遲咗返,所以我就可以同𡃁妹單獨傾下偈(因為其實我估Ice係鐘意我,所以每㳄我同𡃁妹傾偈佢就會搭嗲窒頭窒勢,務求「义喎」我同𡃁妹)又講下尋晚聖誕party抽獎嘅嘢,我又問佢病成點,佢話無乜嘢了,只係有幾聲咳,所以就買左支咸柑桔來飲,但今日好凍枝嘢飲又好凍,咁我就借左尋日換返來個史迪仔暖板比佢坐熱支咸甘桔,用完佢還比我果時重用卡通聲講唔該,真係冧死人。之後又三人行食午飯,又坐佢對面,望住佢個様就已經甜在心頭。收工時佢話要去油塘大本營因為約左人食飯,但未去過,咁就教佢去順便一齊行去巴士站(我返家巴士站在往地鐵站途中的)又可以單獨同佢一齊,即使行呢一小段路,我已經好開心了。

[語錄]我愛妳,不是因為,你是一個怎樣的人,而是因為,我喜歡與你在一起時的,感覺。

[attach]7007055[/attach] [attach]7007056[/attach]

utooclose88 2017-6-23 09:27 PM

[attach]7007069[/attach]
頁: [1] 2 3 4
查看完整版本: 《翻江蛟龍 - 沉淪之519日》