查看完整版本 : 《完》人生若只如初見

圓碌碌的湯圓 2017-3-10 02:54 PM

《完》人生若只如初見

HELLO,又係我圓碌碌的湯圓呀.:smile_o15:
我0既第一次能夠得到大家0既支持,我真係好開心.一路構思緊個新故仔,寫左幾章,忍唔住想同大家分享,希望你地會中意啦.

序:
由不相識到相識,
由相識變成好朋友,
再由好朋友變到比朋友更多但卻未到戀人,
最後天各一方......沒想到多年後的重遇,會讓你看到這樣的一個我.
如果可以,我真希望"人生若只如初見".

[[i] 本帖最後由 圓碌碌的湯圓 於 2017-8-26 10:58 PM 編輯 [/i]]

圓碌碌的湯圓 2017-3-10 02:55 PM

第1章 -

“鈴~~~~~”午飯前最後一堂課完了,學校的校鐘響起.從身形上看就知道我是一個不能捱餓的人,一聽到課堂鐘響起,第一時間站起來,手拿上錢包就想衝出去跟以前的同學會合.

“喂!?麥芷忻(讀音:欣)”突然有人從後面捉住我的手臂.把我嚇了一跳,原來是坐在我後面的同學 – 蔣孝賢.

他是留班一年的學生,原因我都不太清楚,因為我跟他佢不熟.我只知道他是學校籃球隊隊員,不太高大概有175CM吧,樣子也不是大帥哥那種.但運動健將一定有一班FANS,他也不例外.

“呀…做咩事呀?嚇死我喇.”比我高出半個頭有多的蔣孝賢用雙手按著我肩膀,將我按坐在椅子上.

“妳條裙污漕左呀.”他指了指我的校裙.

原來是我來例假(M到)把我那條白色校裙弄臟了,這種情景相信很多女生在中學時期都應該有遇到過,而且還是被男生提醒自己,真的是要幾掉臉有幾掉臉啊!!!

我心想,死了,今天沒冇穿冷衫,就這樣走去廁所一定會被人看到我那[中原一灘紅],怎麼辦?!我坐在位子上不敢起來,課室裡的人都走得7788.

“喂,妳唔去TOILET搞搞佢呀?”李孝賢問.

“唔係我唔想去,係我宜家去唔到.”

“點解?”

“我今日冇著冷衫,冇野遮住條裙,你叫我點行去廁所喇?!”心情不好,真的懶得理他,但說到底都是有他的提醒,我才沒在人前出醜.反正我覺得醜事被一人看到也總比被很多人看到好的好.

“嗱…..”一件寶藍色長袖冷衫出現在我面前.

待續~~~~~

圓碌碌的湯圓 2017-3-10 02:56 PM

第2章 –

“妳攞去用先啦.”蔣孝賢竟然將他自己的冷衫除出來借給我用.

2個本來沒交雜的人,我沒想過佢會幫我.當時的情形,我顧不上會不會不好意思的問題了,我說了一句[唔該]就立刻衝去廁所.當我清洗乾淨的時候只剩下不到20分鐘的午飯時間,根本不夠時間讓我出去食飯了,最後我只好去小食部買了2串牛丸就回課室.

我坐在位子解決了那2串牛丸之後就見到蔣孝賢進入課室.當佢坐回位子後,我轉過頭跟他說.

“頭先唔該晒你呀.”

“哦,唔洗客氣.”不能說他態度不好,但聲線中一點起伏都沒有,感覺還是冷冰冰的.

我從書桌櫃中拿出冷衫遞給他,他沒有接反而輕推我的手.

“如果妳有需要,可以攞去用先,聽日再比返我都冇問題.”

“唔洗喇,我頭先已經洗乾淨條裙喇,冇咩大問題架喇.真係唔該晒你.”

“哦,咁OK啦.”

這就是我跟他第一次的交談,沒什麼特別.一開始,我覺得蔣孝賢這個人好COOL,但也不到討厭.或者是因為他是重讀生的原因,在班裡,他沒有一個認識的朋友,所以大多時間見到他都是自己一個人,也沒見他會跟其他同學一起.小息時他都留在課室瞓覺,有陣時都會見他到操場去打籃球.午飯他一般都會跟以前即現在升讀F.6那些同學出去食.平常他那麼COOL又不跟人說話,我還以為他不好相處,但就因為今天他的幫忙,令我重新認識這個人.

也因為今天發生的事情,我開始會主動跟他聊天,慢慢…慢慢…我們就開始熟絡.

“麥芷忻,MATHS果份功課妳做好未?借嚟抄下?”我一到課室,屁股都還沒坐暖,蔣孝賢就已經問我借功課抄了.

“你尋晚搞咩嚟呀?功課都唔做.”我在書包找出功課給他.

“尋日打完波之後太攰喇,返到屋企沖完個涼成個人都好似散晒咁,乜都冇理就攤落床瞓到今朝鬧鐘響.”

“你都得架喇你.”

“唔怕同妳講,我唔單止MATHS冇做,其他我都冇做過.妳不如幫我手做2樣?”原本忙著抄功課的他突然抬高頭問我.

“死啦你去…”我攞起他枱面那本手冊一手就拍在他頭上.

待續~~~~~

圓碌碌的湯圓 2017-3-10 02:56 PM

第3章 –

“唔幫都唔洗打人架?!妳依個人一D都唔女仔點會識到男朋友呀?”

“我識唔識到男朋友關你鬼事!再嘈比返本功課嚟.”我裝作要把功課拿回來.

“等等,等等…係我錯,我錯晒喇,唔好搶.”

“哼…再咁多咀,下次我滿青十大酷刑.”

“哈哈~~~”他笑了2聲,就繼續抄他的功課.

自從上次他幫過我之後,就好似大家中間那一道屏風拿開了.由普通的打招呼開始,之後有時他會問我借一下功課,再之後他會請我食糖或者飲料,我們的交情暫時停留在這個位置上.就是更熟絡了,但又沒到會私下出去玩的那種.

“喂,麥芷忻,今日請妳食LUNCH.GO~~~”下課鐘聲響起.

“好地地做咩請我食飯?”

“妳今朝幫我做功課,我點都要慰勞下妳嘅.”

“呵呵,有人請食飯,唔去果個就傻啦,係咪?”

“緊係啦,咁妳傻唔傻先?”

“你話呢?!”我確實忍不住,用了一個很不屑的眼神看了他一眼.

“行啦~~~”他用手推推我,之後我們一起出了課室.

平常我會跟以前一齊玩的同學出去食午飯,但今天因為同蔣孝賢請客,所以我到了樓下就先去找我的朋友們.蔣孝賢站在一邊等我,我跟朋友們說[我今日約左人,唔JOIN你地食LUNCH喇],大家用一個好曖昧的眼神望著我再望向蔣孝賢的方向,跟著一個個壞壞的笑容浮現在他們幾個人的面上,搞得我好尷尬.幸好那個人沒看過來,否則真的掉臉死.

“咪顛啦妳地,我幫佢做功課佢先請我食飯咋.”

“咁簡單?!”他們一副[妳呃人,妳講大話]的咀臉

“唔講住喇,BYE.”轉過頭[喂]了一聲,我和蔣孝賢就離開了學校.

出了校門,我們去了後一條街的麵檔.我叫了一碗牛肚雲吞米,他叫了一碗墨魚丸河.很快食物就來了.

“哎呀,唔記得叫佢走青.”蔣孝賢原來所有香菜都不喜歡吃.

“你唔食咪比我囉,我中意呀.”

他2話不說就將他碗中所有蔥和芫茜都轉移到我的碗去.

“咁大個人依樣唔食果樣唔食架你?!”

他沒理我,自己埋頭收拾他那碗面,3分鐘不到,他那碗面已經比佢KO了.但他還沒吃飽,舉起手叫“亞姐唔該,比多碗牛腩幼面.”

“走青喎,唔該”我對亞姐說.

“哈哈,好彩妳提一提,如果唔係我又唔記得架喇.”他拍了拍我的肩膀.

“嘻嘻…”我回了他一個皮笑肉不笑的笑容.

待續~~~~~

圓碌碌的湯圓 2017-3-10 02:57 PM

第4章 -

食完午飯,我們就回學校去.

“喂,你班同學係咪得你一個REPEAT咋?”沒話說有點無聊,我開始對他的事情八卦起來.

“唔係,仲有XXX以前都係同我同班,不過我冇同佢玩開,所以就算大家REPEAT都冇一齊玩囉.”

“係咪因為你串串貢,所以嚇親人咋?!”

“乜妳覺得我串咩?”他望著我問

“唔識你時真係覺得你串架.因為唔多見你出聲,勁COOL,又唔見你平時有同其他同學有交流喎.”

“咁我同其他人又唔熟,唔熟都唔知講咩好.”他解釋

“超,你同我舊唔熟啦,宜家咪可以一齊食飯?!有時只要踏出第一步,後面可能會有意想不到0既野發生都唔定.不過,如果唔係你果日幫左我,我諗我都未必會主動同你講野呀.”

“話人唔識話自己呀妳.一睇就知我係一個好人樣啦.”

“超…..”我忍不住對他做了一個鬼臉.

第一次和他2個人聊天,對他的了解多了.原來他在去年有段時間因為家裡的問題離開了香港,最後只讀了一個學期,所以他今年要重讀F.5.跟他熟悉的朋友都升上F.6,有些是原校升,有些是轉到其他學校,其中包括他的女朋友.講完他的事情,他問起我有沒有男朋友,我覺得沒什麼好瞞的,我就直接回答沒有.

“咁以前呢?

“冇喎.”

“一次都冇?流定堅呀?”他好像聽到什麼奇聞的樣子.

“F.5冇拍過拖好失禮人咩?洗唔洗咁嘅樣呀你!?”反正我自己不覺得有什麼問題.

“我唔係笑妳,只不過妳個樣唔似冇拍過拖啫.”

“有冇拍過拖,有樣睇架咩?咁真係要請教下你喇.”

“睇唔出,我只係覺得妳唔似冇人追果D.”

“冇啵.夠鐘喇,行快D啦.最衰都係你,如果唔係你第2碗面食得咁慢,宜家唔洗咁趕.”

“我放學仲要去打波,唔食飽D咪餓死我!?”

“咁你都可以食快D架嘛.”我用埋怨的方式演繹這句說話.

“嘩,小姐呀~~~碗面熱架.”

“第一碗唔見你話熱.”

“……”他無話可說了,大家急步走回去學校.

放學後,我們交換了電話,大家愈來愈熟.有時候會傾電話,內容都是功課,做小組PROJECT,有時候他會說說他和女朋友的事情.雖然我自己沒有戀愛的經驗,但我好喜歡看愛情小說,所以很喜歡做朋友的愛情專家.

待續~~~~~

圓碌碌的湯圓 2017-3-10 05:38 PM

第5章-

F.5開學後大概2-3個月,蔣孝賢和他的女朋友分手了,原因是女生想要專心讀書,為考大學做好準備.我眼看蔣孝賢不是太傷心,我問過他.

“喂,你啱啱同女朋友分手,點解你好似冇事人一樣嘅?”

“食之無味,棄之可惜.”這個就是他給我的答案.可能是因為他們不在同一間學校,平常又沒太多機會見面吧.

我跟蔣孝賢由不相識到大家做了朋友,再到現在無話不談的朋友,一切來得很自然.剛開始大家一齊只會說說笑笑,之後開始會講講大家的家事,他會說起跟女朋友以前的事情,拍過多少次拖,就連跟多少過女生發生了關係這個話題他也告訴我.當然我也跟他分享了以前暗戀的經歷,他問我為什麼不向他們表白,我也說不出原因,可能是我害怕被拒絕吧.

熟識了蔣孝賢這個人,我覺得他的個性跟外表很不同.他的外表給人感覺大大咧咧,什麼都很隨意.但原來他對朋友很好,很重情義,不知道是不是家庭因素影響,他對女生很照顧.有時候出入門口,他會打開門讓我先進出.買飲料或是食物會幫我預備一份.看到我拿著重物,他會主動自己提等等… 他對其他女同學都會有這些舉動,只是我跟他比較熟,接觸比較多,所以感受的機會也多一點.

由於我經常去看蔣孝賢打籃球,我和他的隊友都熟絡了,有時他們打波以後都會叫我一起去食下午茶.今天看完了他們練習,籃球隊經理把我叫住.

“芷忻…”

“E…做咩呀?”

“妳有冇時間呀?”籃球隊經理是一個讀F.3的小妹妹,她叫亞魚,她做了籃球隊經理已經有一年多了.平常如果我一個人去看球員練習,她都會叫我一齊坐,大家有個伴.

“OK呀.”

我們坐在小食部前面那排椅子上.當時已經差不多5點鐘,留在這裡的學生只剩下幾個.

“芷忻呀,嚟緊要考升班試,我屋企人要我辭左籃球隊經理依個POST.我有同過隊長商量,佢想我幫手搵個合適嘅人選.我見妳同孝賢哥咁FD,同其他隊員都熟,又成日嚟睇佢地練習,睇佢地比賽,所以想問問妳有冇興趣做依個POST呀?”

“下!!我唔掂架喎,平時我睇就OK,但講到落手落腳做,我未必HANDLE到.”

“唔會架,果D全部都係手板眼見功夫,我都搞得掂,妳點會唔得喎.同埋全部野都唔洗妳煩架,妳只要跟隊長指示就OK架喇.”

我真的沒信心做得好,所以我不敢答應亞魚,回到屋企裡我打電話給蔣孝賢.

“喂,蔣孝賢?!”我打他手機,響了好久少有人接聽.

“咩事呀,麥芷忻?”

“你又知係我?”

“小姐,有來電架嘛.”他的語氣就好像我問了一個好愚蠢的問題,但真的不能怪我.手提電話在那個年代才剛流行,而且不太普遍,我一時3刻想不起都很正常呀.

我將今日亞魚找我談的事同他說了,他說可以試一下,因為這份工作不太困難,如果我有多餘時間是可以一試的.第2日我就答應了亞魚.就這樣,開始了我在籃球隊的日子.

待續~~~~~

圓碌碌的湯圓 2017-3-10 05:46 PM

第6章

每個星期我都會有一天去籃球社看隊員練習,如果有比賽的話,我會早點到場準備,安排一下比賽著的衣服,安排一下補充隊員體力的飲品.如果要代表學校去比賽,有時更要幫他們安排校車接送,住宿等等問題.但幸好這些都不太困難,我只要按教練的指示去安排就行了.

平常我叫我那幾個朋友一齊去看籃球隊練習,她們都不太樂意,但不知道為什麼今日她們很主動的說要陪我.

我那4個好朋友分別是:陳婉兒 (亞婉),陳嘉欣 (嘉欣),黃珈宜 (珈珈),高慧苓 (龜苓膏)

“平時叫妳地都冇人SO我,咩事今日妳地個個都咁熱烈呀?”我忍不住問.

“嘻嘻,睇波我就冇興趣喇,睇戲我就啱D.”我們這一群人跟我最老死的龜苓膏回答我.

“下!?”

“有人春心動,今日嚟係想會情郎架.”珈珈望著亞婉笑著說.

“邊個呀,邊個呀?”我馬上問亞婉,但她只是笑.我再望向她旁邊的嘉欣,今次有答案了.

“妳個同班同學蔣孝賢呀.”

聽到這個名字的一刻,我有一點愕然,我沒想過亞婉會喜歡上蔣孝賢.雖然她們4個是我的好朋友,但我們都是分開玩的.所以蔣孝賢和她們4個應該沒什麼接觸才對呀.

“亞婉,妳中意佢?”我望向面都紅了的亞婉.

“……”一臉含羞答答的她只係微笑沒回答我.

“唉,妳睇佢成副含春樣就知道係真架啦.”龜苓膏取笑亞婉.

“之前唔聽妳講過,幾時開始架?”雖然開頭有點愕然,但我很快就回魂了.

“上個月有一日我坐巴士返學時,發現唔記得帶銀包,咁啱蔣孝賢排喺後面,佢幫我比左錢,之後我諗住還返錢比佢,佢唔肯收.後尾我開始留意佢平時小息會打下籃球,慢慢就咁中意左喇.”

那天之後,幾個好朋友就開始跟著我一起去看蔣孝賢打球,慢慢幾個女生跟他還有他的隊友開始熟絡.最先走在一起的不是蔣孝賢和亞婉,而是蔣孝賢一個叫亞豪的隊友,比我們小一級,他追了珈珈差不多一個月,珈珈才答應他.而本來為了接近蔣孝賢的亞婉反而沒什麼進展.

晚上亞婉打給我

“麥芷忻電話…”

“哦,嚟喇.”

“唔好講咁耐呀,我仲等緊電話.”我哥將電話交給我的時候,不忘提醒我他在等女朋友電話.

“得喇.”我覺得他真的好煩,明明2個住在樓上樓下,想見的話,下2層樓就可以見面,為什麼還整天霸著電話,真的不想理他.

“喂?!”

“芷忻”

“亞婉?!咁夜打比我做咩呀?”

“我想搵妳幫個忙呀.”

“咩事?”

“妳可唔可以幫我收下風,睇下蔣孝賢佢對我有冇FEEL呀?”她不太好意思開口.

“但妳唔係話叫我唔好透露風聲嘅咩?點解宜家又想我收風?”

“因為依個幾月嘅相處,我感覺唔到佢對我有冇想法呀.妳同佢咁熟,妳幫我收收風吖.”

“好,我聽日問問佢.”

“唔該晒,愛妳,愛妳~~~~”

“OK OK, BYE BYE”

待續~~~~~

圓碌碌的湯圓 2017-3-10 05:55 PM

第7章

第2天回到學校,蔣孝賢將他買給我的早餐放在我桌上.

“你成日買早餐比我食,我比返錢你啦.”我轉過頭跟他說.

“有得佢啦,又唔係多.我對朋友不嬲都好慷慨.”我知道他家裡有點錢,爸爸開公司,上有2個姐姐,他是最小的.他爸爸媽媽在他讀F.1的時候離婚了,他們幾姐弟都是跟爸爸長大.

“1日$10,10日都$100喇.你冇所謂,但我唔好意思呢.”我將錢遞給佢.

“唔洗呀.”他很MAN的推開我了的手.

“你唔收,咁以後都唔好買喇,買左我都唔會要.”無功不受祿嘛.

“哎呀,怕左妳呀.”

他將錢收起,我開始食我的腸仔包,想起昨晚亞婉的電話.

“喂,你同以前個女朋友仲有冇聯絡呀?”

“都分左手咯仲搵嚟做咩?”

“咁潇灑嘅?!”

“人地同得你分手就即係唔中意你啦,糾纏落去都冇意思.”

“真係糾纏落去都冇意思定係你已經對另一個人有意思呀?”我試探一下他會不會有了新目標.

“冇喎.”

“你地都分左手幾個月,你唔會覺得身體同埋心靈都好空虛架咩?”

“咁拍拖唔係為左要做D咩先去拍拖架嘛.明明唔中意,但為左咩咩格硬一齊呀?妳覺得我係D咁嘅人咩?”

“冇D咁嘅事呀.咁我想問如果宜家有個斯斯文文,眼大大都幾靚嘅女仔向你表白,你會唔會接受呀?”

“都係要睇下有冇FEEL啦.”

“哦~~~明解.咁我又問下你對我果幾個金蘭姊妹有咩睇法呢?”

“麥芷忻,妳畫公仔都真係畫出腸架喎.”蔣孝賢也不是傻子,前幾個問題開始他就已經知道我想要說什麼.

“嘻嘻,你覺得亞婉點呀?”我決定直搗黃龍.

待續~~~~~

圓碌碌的湯圓 2017-3-10 06:04 PM

第8章

“亞婉?講真,我平時同佢唔多交流,所以唔多清楚佢份人係點.如果妳問我龜苓膏我可能仲多D野講.”佢想了一想才回我.

“亞婉做女朋友,你點睇?”

“要相處下先知架喎.不過學妳話齋,佢斯斯文文,都幾靚女.”

“哦~~~明解.”

午飯時間,我馬上將今早問到的資料告訴亞婉,她聽到之後很開心,起碼蔣孝賢知道亞婉對他有好感,他沒有反感,這已經是一個好開始了.

亞婉覺得自己有機會的,她比以前主動,和蔣孝賢的接觸也愈來愈多,每個星期的籃球訓練,亞婉會跟我一齊留在學校看他們打籃球.她會主動買野飲品給蔣孝賢,打波以後她會主動將毛巾遞給他,有時會買一些糖或SNACK BAR給他打完球吃.2個星期後亞婉和蔣孝賢正式拍拖了.

聽亞婉說,那天是她主動向蔣孝賢表白.籃球隊練波後,因為要留下安排即將舉行的區際比賽,所以我沒和他們一起走.亞婉和蔣孝賢住在附近,大家都坐同一部巴士.那天他們到了巴士站後,亞婉踢到路上面一個不平的地方,失去重心跌倒了.

“A,小心!!!”當蔣孝賢意識到,想去扶她的時候已經太遲了.

“呀…”亞婉手踭落地,擦破皮流血了.

“有冇事呀?”蔣孝賢馬上扶起她.

“嘶…”

“SORRY,妳仲行唔行到?”他不小心碰到亞婉受傷的地方,聽到亞婉痛得叫出聲,他忙收起了手.

“隻腳有D痛,不過應該仲行到.”

“比個袋我幫妳攞,妳慢慢行.”蔣孝賢一手拿起亞婉的書包就背在身上.走了幾步,他發現亞婉不見了,望了望才見到她還在後面,轉過頭往回走.

“不如妳撓住我行啦,妳咁樣(拮)法都唔知幾時先返到去屋企呀.”將手臂彎起伸向她.

見到蔣孝賢這樣的舉動,亞婉其實好開心,她覺得蔣孝賢好有風度,本來已經喜歡他,宜家更喜歡了,亞婉馬上挽住他的手臂.

上了巴士,蔣孝賢自己將2人的車錢都付了,亞婉想還他錢,他拒絕了.他們坐在巴士下層的最後面,由於不是繁忙時間,巴士上面不是太多人.亞婉坐在裡面,而蔣孝賢就坐在外面,佢將2個人的書包都放在自己腿上.

“妳真係唔洗睇醫生呀?”蔣孝賢問

“唔洗喇,返屋企攞鐵打酒捽下就冇事架喇.你比返個書包,等我自己攞啦.”

“妳隻手咁樣郁嚟郁去唔痛咩?一陣我送妳返屋企先.”

聽到蔣孝賢要送她回家,亞婉比考身一更開心,她覺得這是上天給她的機會,她要好好珍惜.她一手捉住蔣孝賢抱著書包的右手.

“蔣孝賢,我中意你,可唔可以做我男朋友呀?”鼓起勇氣將心中所想說出來後,實在太緊張了,亞婉害羞得不行,低著頭.

待續~~~~~

chunchunche 2017-3-11 01:33 AM

樓主有新故事啦!😄😄😄
令我諗起以前讀書時候,即時後生晒,加油喔!

kakakachacha 2017-3-11 07:33 AM

嘩!咁快已經有,讚揚下先:lDD_003:

kakakachacha 2017-3-11 07:50 AM

學生年代故事~啱晒我口味

圓碌碌的湯圓 2017-3-11 08:24 PM

第9章 
 
其實蔣孝賢不是第一次被人暗戀,對方大部份都是比他小1-2年級的學妹,而且她們都只是寫一下情信,送一下朱古力給他.正式向他表白的女生,亞婉暫時第一個.
 
表白了之後,亞婉低著頭,她覺得很矛盾,想要知道他的回答,但又怕答案是否定,隔了一陣子都沒聽到任何回答的她抬起頭望向蔣孝賢.見到他也望住自己笑,亞婉呆著了.
 
“妳中意我D咩?妳對我一D都唔了解.”蔣孝賢沒收起被亞婉捉著的右手,他反而問.
 
“我了解你架,平時我會問芷忻關於你嘅野,我覺得你對人品好好.”
 
“就算我人品唔差,都唔代表我係一個好嘅男朋友嚟架.”蔣孝賢第一次這麼近望著亞婉,覺得這個平常不多話的女生,現在因為表白而害羞得快要連脖子都紅起來的她挺可愛.
 
“我都唔知點解,就係中意你.”
 
“妳唔怕同我拍拖之後發現我好多缺點,到時妳會好難過?”
 
“如果連一個嘗試嘅機會都冇,果D先叫難過.”亞婉小聲的說.
 
“既然係咁,我地都可以試一試嘅.”蔣孝賢將本來被亞婉捉著的手收起,反過來著住亞婉的手.
 
這是亞婉在她跟蔣孝賢確認關係的當晚打電話跟我分享的,她知道我每朝早都會打電話叫醒蔣孝賢,所以她說從明天開始這個任務就交給她這個女朋友吧.我心想,不用特別早起打給蔣孝賢也好,自己可以睡晚一點.平常也不用像湊孩子一樣時間想著要為他著想…
 
但原來我並沒有自己想像中那麼沒所謂.不知道什麼時候開始,我已經不知不覺間喜歡上他.自從他跟亞婉拍拖以後,我跟他的接觸少了,除了在課室跟籃球隊會一起之外,我們很少時間會接觸.就算在籃球隊練習時,亞婉都會一起.以前蔣孝賢偶然會約我去吃午飯,但現在已經沒有了,就算吃午飯也只是他跟亞婉2個自己去.這些都是應該的,因為他們是戀人關係.
 
雖然我明白,但心裡多多少少也會有點不舒服.我不敢將這件事告訴任何人,因為我的好朋友也是亞婉的好朋友,我沒想過要表白或其他的,我只想要將這份暗戀收起,希望可以慢慢退出來.
 
待續~~~~~

圓碌碌的湯圓 2017-3-11 08:35 PM

[quote]原帖由 [i]chunchunche[/i] 於 2017-3-11 01:33 AM 發表 [url=http://www.discuss.com.hk/redirect.php?goto=findpost&pid=457758283&ptid=26502469][img]http://www.discuss.com.hk/images/common/back.gif[/img][/url]
樓主有新故事啦!😄😄😄
令我諗起以前讀書時候,即時後生晒,加油喔! [/quote]


你係第一個喺依邊留言架,多謝你。
依次會順應民意寫長d,所以會由讀書時期開始講起。
可以令你覺得年輕d我都覺得高興:smile_o12:

chunchunche 2017-3-11 08:36 PM

多謝分享👏👏👏👏

圓碌碌的湯圓 2017-3-11 08:37 PM

[quote]原帖由 [i]kakakachacha[/i] 於 2017-3-11 07:33 AM 發表 [url=http://www.discuss.com.hk/redirect.php?goto=findpost&pid=457764016&ptid=26502469][img]http://www.discuss.com.hk/images/common/back.gif[/img][/url]
嘩!咁快已經有,讚揚下先:lDD_003: [/quote]


哈哈,多謝。見到你同其他朋友仔咁捧場,我都好心急將新故仔同你地分享呀。
要繼續捧場呀:smile_o09:

圓碌碌的湯圓 2017-3-13 09:40 AM

第10章

在課室和在籃球隊的時候,我與蔣孝賢的相處和以前沒什麼不同,還是會聊天,說笑.但有些地方確實變了,比如他多數會跟我打聽亞婉的事情,問亞婉以前的愛情史,她喜歡吃什麼,看什麼電影,有什麼興趣等等……我知道的,通通都會告訴他除了她的戀愛史.這些太私人了,而且我不知道他了解多少,為免發生什麼誤會,這個問題我沒有回答.

一邊解答他的同時,我卻要裝作沒事人一樣笑著回答他,有時候我真的覺得自己在找虐.

我們這個圈愈來愈熱鬧,珈珈和亞豪拍拖已經將原來的5人幫變成6人幫,現在亞婉跟蔣孝賢的戀人關係令6人幫再升級為7人幫.聽說了學校附近開了一家新的甜品店,現在做買3送1推廣,龜苓膏提議放學後一起去試試.

下課了,我到禮堂門口等她們幾個,我先看到嘉欣跟龜苓膏,接著珈珈也來了,最後是亞婉,她後面跟著蔣孝賢,原來他一下課便走是去找亞婉.珈珈看到亞婉叫了蔣孝賢她也把亞豪叫來,原來我們的5人行又變了7人行.

2對情侶理所當然是一雙一對的一起走,剩下的我,嘉欣和龜苓膏就走在後面.從後面望著走在前方的蔣孝賢,他一隻手幫亞婉提著書包,另一隻手搭在她的肩上,而亞婉就用手圈著他的腰身,他們一邊走一邊打情罵俏.走著走著,不知道蔣孝賢說了什麼,亞婉像是撒嬌般捶了他一下,然後蔣孝賢笑著又搭上她的肩膀,低下頭親吻亞婉臉頰.

“嘖嘖嘖嘖…前面2個無恥之徒, 喺光天化日之下做埋D咁嘅行為真係唔怕遇到亞SIR.”龜苓膏說.

“咪就係囉,想虐死我地D單身狗咩?!”嘉欣付和.

“A…你咋,我唔係架.”龜苓膏耍手道.

“咩呀,妳唔係單身?妳有拖拍咩?”嘉欣問

“我係單身呀,但我唔係狗.所以妳唔應該講[想虐死我地D單身狗].”

“妖,咁妳都要拗,得架喇妳.”嘉欣豎起拇指做了一個讚的手勢.

“哼,洗乜講~~~~”龜苓膏抬了抬下巴.

“芷忻…芷忻…喂!!!麥芷忻”

“下?!”我自己想事情想到連龜苓膏叫我都聽不到.

“做咩呀妳,叫妳幾聲都冇反應,諗咩諗到咁入神呀?”

“下,冇呀,諗緊我哥叫我返屋企前幫佢買野.”我馬上收回看向亞婉她們的眼光,扮若無其事一樣.

“哦,行快D啦,佢地都入左去喇.”龜苓膏拉起我的手追上他們幾個.

其實我真的找虐,明知道亞婉跟蔣孝賢拍拖而且2個人又正值熱戀階段,親蜜行為是少不了的,我跟著一起,看到了只是自己難受,那不是找虐是什麼?!

待續~~~~~

圓碌碌的湯圓 2017-3-13 10:06 AM

第11章

原來暗戀真的很辛苦,暗戀一個已經有戀人的他更辛苦.蔣孝賢跟亞婉的每一個親蜜舉動就如一支幼細的針刺在我身上,雖然不會鮮血淋漓,但確確實實會痛在身上.

食物送上以後,大家一邊吃一邊聊天.

“嘩…D芒果好酸呀,食到牙都軟.”嘉欣將她點的芒果拿玻崙上的芒果都挑開了.

“咦~~~係喎,真係好酸呀.”亞婉嘗了口她自己的芒果涼粉.

“咁唔好食喇,妳比我啦.”蔣孝賢將她碗中的芒果挑到自己碗裡,再將他自己碗中的蜜瓜轉到她的碗中.

“有男朋友係唔同D嘅,唔好食嘅第一時間有人幫妳食,再將D好食嘅都比晒妳.唉…我嘅MR.RIGHT幾時先會出現呀?”嘉欣一臉羨慕.

“嘉欣,妳有冇目標呀?我地籃球隊好多好仔架.”蔣孝賢說.

“你一定話你地籃球隊D人好架啦,一D公信性都冇.”嘉欣望向我.

“芷忻,妳覺得有邊個好仔呀?”

“最緊要合妳眼緣架啫,就算幾好仔,妳冇FEEL都係唔洗講野.”我如實所說.

“咁又係.”嘉欣點點頭.

“哎呀…咬到呀”亞婉按著咀,一臉痛苦.

“我睇下,慢慢食呀嘛,咁心急做乜?!”蔣孝賢抬起她的下巴去看她的咀唇.雖然咀上責罵她,但那語氣卻包含了不少心痛.

“嗯,下次小心D.”聽著蔣孝賢的關心,即使咬傷流血了,亞婉也是甘之如飴.

這一幕幕的都刺痛著我的心,眼眶不自覺的浮上水氣.

“喂,芷忻.做咩眼濕源呀妳?”旁邊的龜苓膏撞了撞我的手臂.

整桌的人都望向我.

“D芒果酸到我眼淚水都出埋.”說完,我再吃了一塊芒果,雖然很酸,卻神奇地舒緩了我心坎上的痛.亞婉吃芒果涼粉,我也吃芒果涼粉.她有男朋友幫忙把酸的都換成甜的,而我卻只能夠自己一個承擔所有的酸楚.

“妳食唔到不如比埋我啦.”蔣孝賢提議.

“唔洗喇,食唔晒咪有得佢囉.”我拒絕了,換著以前,我會2話不說將芒果都挑到他碗裡.但現在我以什麼身份去接受這一切?!

他沒堅持,繼續吃那碗芒果和蜜瓜混合的西米露.我感覺到一股個視線從亞婉的方向射來,但我裝作沒看到,低下頭繼續吃我的甜品.

“喂,考完會考之後,不如搞返轉離島遊,大家去玩返晚吖?”

待續~~~~~

kakakachacha 2017-3-13 01:21 PM

very good

圓碌碌的湯圓 2017-3-13 04:05 PM

[quote]原帖由 [i]kakakachacha[/i] 於 2017-3-13 01:21 PM 發表 [url=http://ladies.discuss.com.hk/redirect.php?goto=findpost&pid=457893639&ptid=26502469][img]http://ladies.discuss.com.hk/images/common/back.gif[/img][/url]
very good [/quote]

多謝你0既留言
快D話我知你想唔想我今日再POST多一章呢?:smile_o10:

kakakachacha 2017-3-13 04:07 PM

[quote]原帖由 [i]圓碌碌的湯圓[/i] 於 2017-3-13 04:05 PM 發表 [url=http://www.discuss.com.hk/redirect.php?goto=findpost&pid=457901554&ptid=26502469][img]http://www.discuss.com.hk/images/common/back.gif[/img][/url]


多謝你0既留言
快D話我知你想唔想我今日再POST多一章呢?:smile_o10: [/quote]


我想有兩篇:lDD_001:

圓碌碌的湯圓 2017-3-13 05:18 PM

[quote]原帖由 [i]kakakachacha[/i] 於 2017-3-13 04:07 PM 發表 [url=http://ladies.discuss.com.hk/redirect.php?goto=findpost&pid=457901646&ptid=26502469][img]http://ladies.discuss.com.hk/images/common/back.gif[/img][/url]



我想有兩篇:lDD_001: [/quote]

收到.... 稍後為你送上.

圓碌碌的湯圓 2017-3-13 05:18 PM

第12章

“咦!?好喎,我贊成.”

“好呀,我地都好耐冇去過宿營喇,對上果個次都應該係2年前喇.”

珈珈和嘉欣都對龜苓膏的提議很感興趣.

“亞婉,芷忻妳地2個呢?”龜苓膏問.

“我OK呀,你地2個男仔一唔一齊呀?”亞婉說.

“妳去我就緊係去啦,唔係邊個保護妳呀?”蔣孝賢答.

亞婉望著他甜甜一笑,整個人倚向他臂膀.

“我又要去保護我珈珈.”亞豪也參加.

“妳呢?”龜苓膏望著我.

“我未必得,要睇下屋企比唔比先.”

“妳同伯母講話去我屋企玩咪得囉,佢聽到一定比架啦,依個唔成問題.”龜苓膏已經幫我找到藉口.

“我要再睇睇呀,嚟緊又有區制比賽,籃球隊好多野搞,妳地唔好預我先喇.”現在只是跟亞婉和蔣孝賢同場一陣子,我已經那麼難受了,如果跟她們一起相處2日1夜的時間,我怕會死在離島.

“一兩日啫,唔緊要啦,同埋有林SIR喺度,妳都唔會好忙,一齊去玩左先啦.”蔣孝賢勸我.

“係囉,係囉.個個都去,差妳一個邊成事架?!”

“一齊啦,芷忻.”其他人都加入勸說中.

“咁好啦.”想不了還有什麼理由拒絕她們,唯有答應.


會考前一星期的某個上學日,蔣孝賢胃痛發作,他痛得趴在桌上.

“你點呀?痛成咁不如早退去睇醫生啦?”我看到他痛成這樣子,真的想代替他痛.

“時不時都會咁,可能係今朝遲左起身冇食早餐,所以先會胃痛.”他痛得連冷汗都出來了,汗水都把他的校服裇衫弄濕了.

“但你痛到咁點頂落去呀?”

“妳可唔可以幫我去買胃藥呀?他的頭從桌面上抬起.

“好,有冇指定要邊隻?”

“妳幫我買一隻叫善X得嘅胃藥,我係食依隻先有效.”

“嗯,好.我宜家即刻去買,你休息一陣先.”我從書包內找出錢包就馬上出去.

這一種從英國進口的藥並不是每一間藥房都有得賣,我跑著去學校附近的藥房,第1間沒有,第2間沒有,第3間賣完,終於讓我在距離學校15分鐘路程的第4間藥房買到這款藥.我馬上跑回學校,因為小息時間快要完了.

回到學校,我先在小食部買了一支水才回去課室,沒看見蔣孝賢在位子上,我問坐在他隔離的同學,她說他剛下去醫療室,我又拿著藥和水跑去醫療室.我太心急了,跑進醫療室後我沒有仔細看裡面會否有其他人.

左右2張床,只有右邊那張拉了遮布,我很自然地認為裡面的就是蔣孝賢,一手便將遮布拉開.裡面真的是蔣孝賢,但還有亞婉,他們在……

待續~~~~~

圓碌碌的湯圓 2017-3-13 05:19 PM

第13章

蔣孝賢坐在床上,他的頭靠在站於床邊的亞婉懷中,手圈著她的纖腰,而她雙手抱著靠在她胸口上的頭,手掌撫弄他的頭髮.

沒想過進來後會看到這個畫面,整個人都呆站在床尾.他們聽到遮布被打開的聲音,都轉過頭來,看到來人是我.

“麥芷忻妳返嚟嗱?”蔣孝賢退出亞婉的胸懷.

“嗱…你,你,快…快D食…食左先啦.”我喘著氣將藥遞給他.

“唔該晒妳.”他接過藥,衷心感激道.

“妳喺邊度買架?我頭先過左學校隔離果間藥房,佢地話冇依隻藥.”亞婉望著我問.

“隔離…果…果間冇呀…我…我去左…另…另外一間買.”還沒緩過來的我,想幫他先將水瓶蓋子打開.

“等我嚟啦.”亞婉向我伸出手,我只好將還沒開封的水交給她.

“我…我返…返去先喇.”我留下來好像有點多餘,便想離開.

“芷忻,頭先咁辛苦妳去幫忙買藥,下次我地請妳食飯補數.”亞婉在我踏出醫療室前跟我說.

“好,搵日我地一齊請你食LUNCH.”蔣孝賢也和議.

“嗯.拜拜.”不想停留多一秒,我急步離開,出門後,腳步開始放緩,心情也慢慢沉下來.我不知道自己還瞞得了多久,每次看到他們2個人在一起,我都會很難受,有時更會有想哭的衝動,我感覺自己快要裝不下去了.

最近看了一編文章大概意思是,暗戀者是一個很好的演員,明明愛著一個人卻要裝作若無其事,不能表現出一分一毫的愛意,否則可能連原來的朋友關係也失去.
這一編文對我來說真的很大感觸.


時間真的一眨眼就過去了,由於要準備會考,我們在會考前的時間都沒有見面,直到會考尾聲,大家都放下心頭大石後,才有心情出來見面,順帶補祝亞婉16歲生日.

咖啡廳內*****

“妳地尋日考中史識唔識呀?”嘉欣問

“識鬼識馬咩,佢識我我唔識佢呀.”

“我只係答左PART 1嘅M/C题咋.”我在龜苓膏回答後也回答了.

“唔洗望住我,依科我挺揸兜都得喇.”珈珈打定輸數這一科會拿[U].

“咁亞婉妳呢?”

“我後面1題冇答到,都唔夠時間.”亞婉是我們幾個之中最用心讀書的那個,相信她應該可以順利升上F.6.

“亞婉妳平時讀書咁好,升F.6,升大學一定冇問題啦.”珈珈羨慕的說.

“其實我想去外國讀書呀.”亞婉回答.

我們聽到她所說的都有點驚訝,因為之前沒有聽說過她有這個想法.

“之前妳話想入港大架,點解咁突然有依個諗法嘅?”我問她.

“之前係咁諗嘅,但上星期亞賢同我慶祝生日時,提起佢有可能會去外國讀書,所以我都想去.”

待續~~~~~

kakakachacha 2017-3-13 07:39 PM

非常感謝,要兩篇有兩篇,讚!

圓碌碌的湯圓 2017-3-13 08:47 PM

[quote]原帖由 [i]kakakachacha[/i] 於 2017-3-13 07:39 PM 發表 [url=http://www.discuss.com.hk/redirect.php?goto=findpost&pid=457911448&ptid=26502469][img]http://www.discuss.com.hk/images/common/back.gif[/img][/url]
非常感謝,要兩篇有兩篇,讚! [/quote]


有咩意見都可以話我知架

kakakachacha 2017-3-13 09:02 PM

創作嘅嘢要原汁原味先好:lDD_003:

圓碌碌的湯圓 2017-3-13 11:21 PM

[quote]原帖由 [i]kakakachacha[/i] 於 2017-3-13 09:02 PM 發表 [url=http://www.discuss.com.hk/redirect.php?goto=findpost&pid=457915465&ptid=26502469][img]http://www.discuss.com.hk/images/common/back.gif[/img][/url]
創作嘅嘢要原汁原味先好:lDD_003: [/quote]


好,我會努力作野
:smile_o13:

圓碌碌的湯圓 2017-3-14 12:03 PM

第14章

“佢唔洗幫屋企打理生意咩?”龜苓膏問亞婉.

“佢自己覺得讀唔上,早D出嚟做野都好嘅.但佢媽咪話一定要佢讀埋大學,如果香港讀唔到就過去佢果邊,喺澳洲讀.依件事佢媽咪同佢亞爸商量過,大家都贊成,所以佢好有機會去外國讀喇.”

“咁妳點呀?”嘉欣問

“我緊係唔想同佢分開啦,LONG D真係好易會出問題架.所以我想同埋佢一齊過去呀.”

“咁就緊係啦,邊捨得喎.但妳屋企肯咩?”珈珈心想,如果要她跟亞豪分開,她一定會哭死.

“唔知呀.我尋晚同我媽提起過,佢話等我會考成績出嚟先再同亞爸商量.所以我都未知成數有幾大,或者放榜時再問下佢地囉,希望去得成啦.”亞婉真的很擔心她父母否決她這個提議,但現階段真的沒什麼可以做,唯有等待.

我已經記不起有多久沒有跟蔣孝賢2個聊天了,在學校的時候,都是一大班人在一起,從會考前放假開始,我們就沒再見了.林SIR也因為我要應付會考,所以暫時不需要我到籃球隊幫忙.關於蔣孝賢的近況,我現在是一無所知的,如果亞婉今天沒有說出這個事情,我根本不會知道他會離開香港.

“唉,既然宜家乜都係未知之數,諗咁多都冇用啦.不如傾下我地個離島遊啦.”說起玩,龜苓膏永遠是最熱衷的那一個.

“不如去大嶼山啦?”

“好呀,好呀.我地之前去長洲,今次就去大嶼山啦.”

“日期定幾時呀?”

“就下星期3,4啦,冇踩5,6,日,租屋唔洗咁貴呀.”

“我地幾個OK啫,唔知蔣孝賢同埋亞豪得唔得喎.”嘉欣問

“亞賢等我問啦.”亞婉當然包辦她男朋友的一切事項啦.

“OK,咁亞豪果度就珈珈妳去問啦?”龜苓膏望著珈珈.

“冇問題吖.”


最後我們一行7人在即將到來的星期3早上相約在尖沙咀碼頭.我到達碼頭時只看到亞豪,珈珈和蔣孝賢,其他人還沒到.亞豪和珈珈這一對坐在一旁吃早餐,你一口我一口,好不甜蜜.蔣孝賢在講電話,相信是打給亞婉看看她什麼時候到吧.

我自己走到海傍邊倚在欄柵上,一邊飲我的麥精,一邊看旁聽亞伯在釣魚.

“喂,麥芷忻?!”右邊肩膀被人拍了一下.

“吖?講完電話啦?”原來是蔣孝賢.

“嗯,問下亞婉去到邊,睇下要唔要買定早餐比佢.”我猜對了,他真的是打給亞婉.

“你依個廿四孝男友.”面上,我在取笑他.但心中的酸又有誰知道.

待續~~~~~

圓碌碌的湯圓 2017-3-14 05:27 PM

第15章

“你宜家同亞婉都幾好吖,我見你好開心.”

“我都冇諗過我地會咁好,雖然亞婉同我表白時,我只算得上係對佢有好感,亦抱住一試嘅諗法,但估唔到一齊左之後會咁開心,佢真係好好嘅一個女仔.”蔣孝賢也望著海,跟我說起他的感情生活.

“咁咪幾好囉,既然搵到個自己咁中意嘅女仔,而佢又咁好,你要好好珍惜.”第一次聽他親口說起對亞婉的感情,對我來說真的不容易.

“我知道,所以我會對佢好好,只係怕事與願違.”

“你係指你要去外國讀書?”

“妳知道?”他一臉驚訝的看著我.

“嗯,亞婉上星期同我地飲野時有提起過,佢好想同埋你一齊去.”

“佢話同屋企提過,但未知得唔得.如果佢真係過唔到去,我會試下同我爸講留返喺香港讀.”

“為左佢,你都願意放棄出國讀書依個機會,睇得出你真係好在乎亞婉.”自己好朋友找到一個那麼愛她,珍惜她的男生,我是應該為她高興才對,但現在的我真的笑不出.

蔣孝賢沒有接話,只是笑.隔了一會,他開始關心起我

“咁妳呢?之後諗住點呀?

“我?!我仲可以點?書我又唔係讀得叻,F.6我就唔洗指意升到架喇,如果要REPEAT嘅話,我都唔諗住讀喇.自己咩料我自己好清楚,與其浪費時間喺學校,不如早D出去做野搵錢.”

“但出面社會競爭咁大,我係男人都話讀唔成書可以去做苦力.妳唔讀第時生活可能冇咁輕鬆.”

“你個太子爺就算宜家唔讀,你亞爸都仲有間廠留比你啦,洗鬼做苦力呀?”
因為亞婉的到來,這個話題沒有繼續下去,之後其他人也陸續到來.我們買了上層的豪華位船票,將行李袋放下後,亞婉和蔣孝賢,珈珈和亞豪這2對情侶便去露天船艙,剩下我們3個單身的在裡面玩啤牌.

大約一個小時的時間,我們到達了大嶼山梅窩碼頭,再轉坐巴士去龜苓膏租的渡假屋.我們一進去,第一時間就選房間.這一間渡假屋大概700呎,只有2個房間,一間小的有一張雙人床,另一間大的有一張雙人床跟一張碌架床.最近決定2個男生睡少的那一間,我們5個女生擠在大的那一間.

待續~~~~~
頁: [1] 2 3 4 5 6 7 8 9 10
查看完整版本: 《完》人生若只如初見