查看完整版本 : <<完>> 還有下一個春天嗎?

圓碌碌的湯圓 2017-2-10 12:22 PM

<<完>> 還有下一個春天嗎?

當發現原來自己最青春美好的時間都浪費在一個賤男身上,有些人會怨天尤人, 但我卻興慶一切沒有發現得太遲.
可是一個沒有青春, 沒有學歷, 沒有事業的我還有第2個春天嗎?
這樣的我面對一個有樣貌, 有事業的你, 可以我放手再愛一次嗎??

*書睇得多,但自己寫作係第一次, 希望你地感興趣啦.
:smile_o05:

[[i] 本帖最後由 圓碌碌的湯圓 於 2017-3-8 10:43 AM 編輯 [/i]]

圓碌碌的湯圓 2017-2-10 12:25 PM

第一章 – 撞破姦情

***** 某連鎖品牌專門店 – 女更衣室
“HAILEY,今日星期5,收左工之後有咩節目呀?”年輕女售貨員CANDY一邊將又長又黑的頭髮扎起,一邊問身邊的HAILEY.

HAILEY是一個29歲,5尺4吋高,標準身材,樣子不算太出眾的女子.她的眼睛不算大,但笑起來有一雙腰果眼,是屬於很耐看的一個女子.一頭染成淺啡色的及腰卷髮,放下來令她增加點點野性.

“今晚本來放9點,宜家CANDY同我調班了,我想比我男友一個驚喜,上去佢度煲定湯.”她將剛剛換下的制服放入儲物櫃,再穿上自己的CONVERSE鞋子.

“嘩…..我真係佩服你喇,一齊都快8年啦,你仲有咁嘅心思,利害.”

“哈哈,情趣呀,你依D粗人係唔會明架喇.我話你呀,你得閒都應該比D你男友,等時刻感受到你嘅愛,咁他一定[每天愛你多一些].哈哈…..我走啦,下星期一見啦.”HAILEY拿起手袋就出門口.

***** 市內某屋
HAILEY將兩手裝得滿滿的膠袋放在門口,再打開手袋找出男友亞TIM家的鎖匙.右手插入鎖匙一轉,門就開了.

“咦...…”她很出自然地喊左一聲,因為TIM是獨居,她知道TIM今天應該收夜,所以出門上班他都會鎖上門,難道他今年忘記了鎖門.HAILEY將所以東西拿進屋後就聽到主人房有點輕微的聲音.她將膠袋輕輕放在地上就轉身向TIM的房間走去,當她愈走愈近,聲音就愈來愈清楚.

“嗯..…嗯.....等..…等等啦TIM,咪咁心急啦,我連鞋子都還未除就比你拉左入嚟.”一個女人斷斷續續在說話,然後就是一聲聲接吻聲音.

“我等得仲唔夠耐?我地已經就嚟3個星期冇見喇,妳都唔知道我有幾掛住你喺床上果個樣呀?”雖然房間門是關著的,HAILEY一聽就已經認出這一把男聲是TIM,她整個人都呆了,完全不敢想像房間內是什麼情形.

“我地今晚唔係有成晚時間咩?HAILEY今天返夜,收左工之後仲要盤點,冇11點佢都唔收得工呀.咁夜收工佢一定唔想嘈住醒你,所以佢今晚100%唔會嚟你度過夜.你話我地唔係有成晚的時間開心咩?所以你咁心急做乜呢?哈哈…..咪啦…..哈哈…..好痕呀喂…..哈哈…..”

“BABY,你知唔知道我有幾掛住你呀?好彩佢今日要開夜,如果唔係都唔知仲要等幾耐我地先夾到時間嚟開心呀.咪講咁多,我等唔切喇…..”TIM一邊脫掉自己的衣服一邊說.

女人也不再堅持,她一邊跟TIM接吻一邊將裙子的拉鍊拉下.TIM丟開自己的衣服後馬上出手幫對方脫下裙子跟黑色絲襪.

“嘻嘻…..咁其實我都好掛住你嘅.嗯…..啊…..”接著一聲聲接吻聲,和微微的呻吟聲響起.

剛剛的對話,HAILEY已經很清楚房間內正在發生什麼事情,難怪最近TIM對她的態度都似之前那麼熱情.每次她作出主動想要跟他親熱,他不是說累就是說晚一點,但往往等到晚上她上床前,他就已經先睡了.她真的以為他是加班累,壓力大,今天特別去買了烏雞鹿茸,想給他補一補.原來一切都是她自己的想法,這個她愛了8年的男人不是工作忙沒精力,他的精力都用在了另一個女人身上.HAILEY輕輕將門打開,入目的是一地的衣服,有黑色短裙,黑色絲襪,男裝恤衫,西褲,這些衣物上更有一套紅色的內衣褲及男性三角內褲.床上的2人都被突然開門的HAILEY嚇了一跳,馬上用被子蓋住他們赤裸裸的身體.

“呀…..”女人一聲尖叫.

“HAILEY….妳!”TIM腦中一片空白,只喊出了一個名字.

待續~~~~~

圓碌碌的湯圓 2017-2-10 03:26 PM

第2章 – 淚崩

“陳志添(TIM的中文名字),你對得住我嗎?”HAILEY沒有想像中的激動,可能已經被眼前所見嚇壞了.

“HAILEY,你今日唔係開夜咩? 妳幾時上嚟架??”TIM在一秒的呆滯後,很快就回魂了.他完全沒有被撞破姦情後的緊張,愧疚.有的只是一點點尷尬,就好像突然出現的只是一個普通朋友而不是相愛8年的女朋友.

“我今係本來係開夜,但我知道你最近返工太攰沒有時間返你媽屋企飲湯,我特登同個同事調班,就為左上嚟燉湯比你補下.估唔到我一入門口你反而先比我一個咁大嘅驚喜.”淚開始從眼眶落下.這一刻的HAILEY只覺得冷冰冰,為什麼一個相愛8年的男人被女朋友撞破姦情還可以這麼冷靜.她到底愛的是一個什麼男人,之前對她說的情話都是假的嗎?為什麼從他的眼中連一點點的內疚都找不到,難道他不覺得自己有錯嗎?

她愈想愈憤怒,一下衝到床邊想將被子掀開.被中的女人躲在被子底下不停的尖叫,不停的叫著“TIM”

“林珈希(HAILEY中文名字),喂,妳做乜野呀?放….放手呀.”TIM想要捉住被子卻慢了一步.

被子被掀開後,HAILEY整個人都呆了,因為被子下的女人不是別人,正正是她的同區同事CANICE NG.雖然大家不是同一家店但之前有幾次去另一分店替更時有跟其他人一起吃過飯.從剛剛聽到他們的對話,她雖然不知道小3是誰,但她好肯定一定是認識的人,否則不會那麼清楚她的工作時間和性質.

“8婆,妳明知道佢係我條仔都仲要痴埋嚟,妳知唔知羞架?”HAILEY扯著CANICE的頭髮想要將她拉下床.但TIM卻一手將CANICE抱住一手想拉開HAILEY扯著CANICE頭髮的手.

“呀,好痛呀…..TIM你快D扯開佢,我好痛呀,好痛呀…..”

“8婆,8婆,8婆,好做唔做學人做小3,仲要食自己人,賤人…..”HAILEY就像鬼上身一樣,口中大喊著“8婆”,雙手緊緊的扯著CANICE的頭髮,想要將她整頭頭髮都扯掉才放手一樣.

“林珈希,妳放手呀.喂,妳放手呀.”TIM一直都是抱住CANICE,怎麼看他都是站在小3那方.終於他受不了看著小3被打,他用力一推將HAILEY從床邊推開,額頭撞向牆壁,雖然沒有流血,但她的額頭馬上就腫了起來,紅紅紫紫的.可以想到剛剛TIM推的那一下有多用力.

“夠喇,林珈希.唔關CANICE事,係我地之間出現左問題先至會有今日咁嘅事發生.”TIM大聲向著HAILEY說.

“咩問題?有問題你唔同我傾,唔同我講?宜家係你背住我出面有第2個女人,你仲可以理直氣壯, 陳志添,你有冇羞恥心架?”

“CANICE,妳走先.返到屋企打電話比我.”TIM輕輕推開CANICE,想讓她先離開.

“妳咪走呀,今日唔講清楚妳唔好走呀…..”TIM看到HAILEY這個樣子馬上拉著她.CANICE看到HAILEY被壓制著,她快快拾起地上的衣服穿上就跑出房間.TIM聽到大門口的關門想,確定了CANICE已經離開才放開HAILEY的.

HAILEY回復了自由馬上轉過身”啪”的一巴掌打在TIM的右臉上.五隻手指印立即浮現出來.

“到底我做錯左D乜野,你要咁樣對我呀? 下!?.....呀嗚嗚……”HAILEY蹲在地上一直大喊,一直大喊,喊至聲嘶力竭,慢慢地只剩下一聲聲的哽咽.TIM只是下床穿衣服,一句話也沒有說過.

“SORRY,我地分手啦.”最後TIM只說了這麼一句說話,他不想多解釋什麼,在這個情況下被HAILEY發現他有另一女人,他已經找什麼什麼理口而且他也不想找什麼藉口.既然讓她知道了,那就分手吧.他也不想再拖拖拉拉. 拿起手機跟錢包他就出門了.


在那天見過TIM以後,他就沒有再出現過,不論電話或是短信,就好像平空消失了一樣.HAILEY嘗試過打電話給他,但每次都被掛斷,WTS的信息全部都已讀卻沒有任何回覆.這幾天HAILEY就好像失了魂一樣,因為每晚都睡不好,她每天上班都是帶著一雙熊貓眼.一天3餐又沒有好好食,只是一星期的時間,她就已經瘦了10磅.有很多朋友都勸她放棄,說這樣一個賤男沒什麼好留戀的.但她不甘心,她要問清楚為何他要這樣做,其實HAILEY自己心裡很清楚她想要的不是一個理由,她是想要再試試看這段感情還有沒有機會.

直到有一天,HAILEY不想再等了,她下午5點就站TIM的公司樓下等他.這確實是最有效的方法,因為只等了15分鐘她就看到TIM背著背包出電梯.

“TIM,可唔可以坐低飲杯咖啡?”HAILEY快步走到TIM身邊.

待續~~~~~

欣妮詩 2017-2-10 04:42 PM

😍😍

圓碌碌的湯圓 2017-2-10 04:43 PM

[quote]原帖由 [i]欣妮詩[/i] 於 2017-2-10 04:42 PM 發表 [url=http://ladies.discuss.com.hk/redirect.php?goto=findpost&pid=456156162&ptid=26436724][img]http://ladies.discuss.com.hk/images/common/back.gif[/img][/url]
😍😍 [/quote]

多謝支持, 我會繼續努力更新.:smile_o13:

圓碌碌的湯圓 2017-2-11 12:50 AM

第3章 – 不被愛就只好離開

*****CAFÉ內

“如果我今日唔嚟你公司樓下等你,你係咪諗住以後都唔再搵我?”HAILEY帶著點點哀怨的口吻.

“都已經分手仲有乜野好講?況且果日嘅情況你都見到晒.”TIM一直玩手機,沒有看過HAILEY一眼.

“我好想知道點解我地8年嘅感情會走到依一步?你話我地之間有問題,但你從來冇搵我傾過.兩個人喺埋一齊咁多年實會有D小問題架啦.不如你話我知究竟係咩原因導致你出軌,如果係我嘅問題,你話我知好唔好?.”HAILEY一直望著他,想要看清楚他對她是否真的一點感情都沒有.如果他眼中還是有情,她願意給他一點時間去理清跟CANICE的關係,再給大家一次機會.

“….. …..”

“TIM,我真係唔想放棄我地依…..依8年嘅感情…..”HAILEY說話時開始哽咽.

“對唔住呀HAILEY,我諗得好清楚喇,事到如今,好難當咩事都冇發生過,就算我得.咁你呢?你可以接受到我同另一個女人上過床咩?”

HAILEY一句話都說不出,因為即使他們和好,她的心中始終會有條刺,這是怎麼都除不掉的,但叫她現在放手,她又做不到…..怎麼辦!?

“你睇下,我宜家只係提起你都已經咁嘅樣,以後我地一定會因為依個問題嘈交.”

“8年喇…..陳志添,我地一齊8年喇,你真係恨心就咁放棄依段感情?就算我宜家留你,你都決心分手?”

“之前冇提出分手係覺得8年情就咁放手太可惜,而且你依個女朋友一直都好好,我D屋企人亦好中意你,但發生左尋晚件事之後,我地除左分手冇第2個選擇喇.HAILEY,其實我地近依1年嘅關係已經大不如前,就算成個星期都唔見一次面,我都唔覺得有咩問題.有時妳上嚟我屋企,我反而覺得煩.就連男人想同一個女人上床嘅欲望我都喺你身上搵唔到.SORRY,我地繼續落去都盞大家唔開心.況且我唔想再呃你,宜家嘅我根本放唔低CANICE.”

淚不停從眼眶流至下巴,乾爽的紙巾都已經被淚水浸濕了.HAILEY也顧不上再拿一張新的紙巾擦眼淚.她已經放棄了,眼淚擦乾了還是會再流.好像這段感情一樣,再努力挽留他還是會離開,妳不得不放手.如果他對她還有一點愛,她願意服軟去維持這後感情.但可惜從這個男人的眼中,她找不到一點點愛意,反而感覺到他像鬆了一口氣.既然對方不珍惜我,那為何我不為自己保留剩下的一點尊嚴呢!?

“你係幾時開始同佢一齊?”帶住濃濃的鼻音,HAILEY終於問出了她一直找不到答案的問題.兩個不認識的人怎麼會走到一起?

“半年前你時不時都要過佢間分店替更,我接過你幾次收工.有時我去到但你未走得,佢就會走埋嚟同我傾下計陪我一齊等你,就係果時識左.之後覺得幾啱傾就交換左電話.一開始我冇諗過D衰野,純粹係覺得啱咀型識多個朋友咁咋.”TIM支支吾吾的說.眼看HAILEY沒有任何反應,他就沒有再說下去.

“你地喺半年前就搭上左?”靜止了2-3秒,HAILEY再問口.

待續~~~~~

圓碌碌的湯圓 2017-2-11 12:51 AM

星期一會有新一章....:smile_o11:

diamondtips 2017-2-12 03:05 AM

謝分享

圓碌碌的湯圓 2017-2-13 11:10 AM

第4章 – 真正放手

“唔係,正式同佢一齊係依3個月嘅事.CANICE知你係我女朋友,佢唔想做第3者,所以之前我地嘅接觸都只係同普通朋友一樣食下飯,睇下戲,有時傾下電話,WTS下.直至3個月前有一日我去接你收工,你因為果日考到車牌好開心,一見到我就攬住我錫左一啖,當時佢喺舖頭見到晒.第2日佢約我出去飲野,佢話尋日見到我地咁樣佢好唔開心,佢發現對我嘅愛愈來愈深,佢知道做第3者好衰,但佢真係好想同我喺埋一齊,所以佢寧比人當做係壞女人都想同我一齊,就喺果晚我地一齊左.你唔好怪CANICE,成件事最錯嘅係我,希望你第時返工遇到佢,唔好留難佢,佢只係一個細路女.你要怪就怪我啦”

HAILEY發出一聲冷笑,心想[做左賤人都仲要立牌坊,一面話唔想破壞人幸福,一面又叉隻腳埋嚟.依D心口不一嘅人,係陳志添你先至當佢係寶].其實從他說出放不下CANICE那一刻起,她已經知道這段感情是真真正正的完了,即使她再怎麼挽留,再怎麼討好他,他都不會再留下.或者說有新人時,舊人做更多更好的事都是徒勞無功,當時人不會感激,反而會令他更加反感.相反,新人放個屁,他都覺得特別香.

“陳志添,我同你一齊8年喇,到宜家依一刻,你背住我同第2個女人上完床,你仲可以調轉頭話希望我唔好留難佢,我點解要幫你?個女人搶走我男朋友點解我仲要顧及佢嘅感受呀?你為個新相識嘅妹妹仔考慮,咁你有冇諗過我嘅感受?你係咪覺得我林珈希真係咁賤仲會幫你呀?我同你講,就算你同我道歉,我都唔會原諒你同果個女人.但我做唔到你咁絕情,既然你咁中意佢,咁我就祝你地早日結婚,白頭到老.”HAILEY拿起手袋就要起身離開.

“等等…..”TIM突然叫停她,“妳仲有D衫同埋護膚品喺我屋企,我聽日用速遞寄返比你?”

“唔洗喇,你掉晒佢啦.”HAILEY只是停下腳步,頭都沒回就掉下一句離開了CAFÉ.


HAILEY跟TIM正式分手已經差不多1個月,雖然她已經放下這個男人了,但始終多年的感情不容易忘記.每當她坐車,睡前,反正一個人獨處的時候都會想起以前相愛的時光.但她知道想盡快忘記這個負心漢,她就不應讓自己靜下來.所以她有時間就會約同事或好友出去見面,今天她約了好朋友吃飯.

*****餐廳

好友MACY一邊切著牛扒一邊聽HAILEY將她跟TIM分手的原因.再一次重提傷心事,HAILEY還是會有點點難過,但已經不會因此留淚了.

“估唔到XX店果個CANICE咁鬼死賤,明知死仔TIM係妳條仔都仲姣佢.如果當日我在場,我一定好似大陸果D大婆咁,除左隻高踭鞋用個豆令踭狂咪條死姣婆個雲精呀.”MACY一副恨鐵不成鋼的樣子看著HAILEY,心想[唔洗問亞季,你一定冇咁做啦.]

“不過最估唔到依個TIM原來都係渣男一個,之前乜節物節喺FB大曬送比你D禮物,大講愛的宣言,咩[天方愛地老,愛妳的心永不變].佢仲好意思要求返你第時見到條姣婆唔好留難佢.愛妳果時就當對妳如珠如寶,變左心之後就當妳係草.你同佢一齊8年,佢都可以咁樣呃你,依D正一係披住羊皮的狼呀.”MACY聽到自己好朋友受傷害她特別生氣,特別難過.原本以為這一對會步入教堂,但世事難料,很多意想不到的事情都會有可能發生.

“呀…..唔係,依句說話唔啱陳志添依個賤男用,因為佢披唔披住羊皮都係一樣.”

“即係點?”HAILEY一臉疑惑問.

“披左羊皮同冇披羊皮佢都係[禽獸一隻]呀.哈哈哈…..”MACY說完自己都哈哈大笑.

HAILEY聽到後都忍不住彎起2邊唇角.因為MACY爽朗的性格,樂觀的態度,HAILEY都被她感染了,慢慢都轉變了話題,開始聊聊MACY的狀況,她們本來是同一間店的同事,但之後MACY調去了另一區分店工作,基本上很少機會能一起工作,平常也不多時間聚在一起.MACY靜靜聽完HAILEY的事情再發表了她的[偉論].2個女子說說笑笑下,時間就這樣過去了.結賬後,她們在離開前去去洗手間.

“妳一陣去邊呀?”MACY搽完唇膏對著鏡子嘟起那紅紅的咀唇.

待續~~~~~

P.S下一章男主角就出場喇….. 中意依個故仔0既朋友,留個言比少少鼓勵我啦:smile_o06: . 謝謝~~~

kennytong0605 2017-2-13 11:14 AM

十卜

圓碌碌的湯圓 2017-2-13 06:00 PM

[quote]原帖由 [i]kennytong0605[/i] 於 2017-2-13 11:14 AM 發表 [url=http://ladies.discuss.com.hk/redirect.php?goto=findpost&pid=456319393&ptid=26436724][img]http://ladies.discuss.com.hk/images/common/back.gif[/img][/url]
十卜 [/quote]

多謝支持~~~~:smile_o05:
我會盡量做到每日起碼有一章更新.

圓碌碌的湯圓 2017-2-13 06:01 PM

稍後為大家送上第5章- 初次見面:smile_o11:

圓碌碌的湯圓 2017-2-13 06:05 PM

第5章 – 初次見面

“冇地方去呀,返屋企囉.”

“我一陣同文軒(MACY男朋友)約左佢班FD去唱K呀,反正妳都冇野做,不如一齊啦?”

“唔喇,我淨係識你同文軒2個,又唔識其他人,費事啦.”HAILEY免得MACY到時候還要分心陪伴自己,所以不想要影響他們尋開心了.

“冇所謂架.今晚係幫文軒個FD慶祝生日,到時都實有D人係我唔識架啦.同埋人人都好似你咁諗仲點識朋友呀?”其實MACY的用意是不想HAILEY回家後又想起那些傷心事,所以她盡量勸HAILEY一起參加生日會.

*****卡拉OK

一間容納了40人的包房內有男有女,每個人都穿得很有個性,年紀亦差不多.有些人在猜枚,有些人拿著咪高峯在唱歌,剩下的是幾個人圍在一起聊天飲酒.房門從外推開,MACY帶著HAILEY進去.大部份人都是認識MACY的,都跟她打招呼,由於人太多了,不能向每一個都介紹HAILEY.她只好先帶HAILEY走向今天的主角莫哲琛(英文名BENJAMIN)面前,將HAILEY介紹給他認識.她走到一個男生背後, 拍了肩膀一下,男生轉過身來.

“亞琛,HAPPY BIRTHDAY呀.嗱…..生日禮物.”MACY接著就將禮物送到他的面前.

“多謝呀,大美人…..”亞琛笑著答謝.

BENJAMIN年紀約26-27歲,1.8米身高,眼睛單眼皮但卻不少,鼻高高,笑起來有2顆酒粒在唇角邊,正正一個[小鮮肉].身著黑色T-SHIRT,修身牛仔褲外加一件修腰西裝外套,看起來正經又不會老土.

“你中意就OK啦.真乖仔,仲記得姐姐講嘅野.”MACY摸了摸亞琛的頭,像對待小孩子一樣.

“緊係,妳話過唔叫妳[大美人]妳唔會應我架嘛.”亞琛放下禮物後望了望MACY身邊的HAILEY.

“同你介紹,依個我好姊妹HAILEY,頭先同佢食完飯,特登帶多個靚女嚟同你慶祝生日呀,你係咪好開心呢?”MACY攬住HAILEY,頭靠向她的肩膀上.

“妳帶多個美人嚟同我慶祝我緊係開心啦.HELLO HAILEY,我叫BENJAMIN,妳可以叫我BENJAMIN或者亞BEN,再唔係,可以好似MACY同埋文軒佢地叫我亞琛都得.”

“HELLO亞BEN,生日快樂.唔好意思,啱啱先知你生日,好多舖頭都收晒,我買唔切生日禮物,SORRY.”HAILEY一臉尷尬的看著BENJAMIN.

“唔緊要,妳一陣唱首歌當生日禮物送比我都係一樣啫.”BENJAMIN一點都不介意有沒有禮物,只要大家玩得開心就行了,而且有心出席,送不送禮物一點都不重要. 他指了指接近洗手間那邊的一桌“唔好企喺度喇,文軒喺果邊猜緊枚,你地過去坐下,我一陣再過嚟同你地玩.”

“好,一陣再傾.”MACY帶著HAILEY往文軒那桌走,沿途有跟其他朋友打招呼.

“親愛的~~~”MACY靜靜的走向一個背向她們坐著的男生,從後圈著他的脖子.

“BABY,妳嚟啦…”真是人如其名,文軒的外表跟他的名字一樣斯文,穿著深藍色恤衫,卡奇色西褲.將2邊手袖挽起至臂彎,領口最上的2顆鈕扣也沒扣上,有點潇灑.他輕撫著MACY圈著他脖子的手.

“嗯,啱啱同HAILEY食完飯就叫埋佢一齊嚟玩啦.”MACY先跟其他幾個男生女生笑笑點點頭.再小聲的在文軒耳邊說“你都知HAILEY發生咩事,我想陪佢多D,費事佢自己一個人又諗埋D唔開心嘅事.”文軒表示理解,續點點頭,向HAILEY打了聲招呼,叫她們坐下來並幫她們倒飲料.

待續~~~~~

圓碌碌的湯圓 2017-2-14 11:32 AM

冇留言係咪大家覺得唔0岩睇??:smile_o08: :smile_o08:

siufooktau 2017-2-14 12:54 PM

Support

鬼屋消失的神 2017-2-14 01:10 PM

好鐘意呢個故事,期待下一章:smile_o15:

圓碌碌的湯圓 2017-2-14 02:27 PM

[quote]原帖由 [i]siufooktau[/i] 於 2017-2-14 12:54 PM 發表 [url=http://ladies.discuss.com.hk/redirect.php?goto=findpost&pid=456378135&ptid=26436724][img]http://ladies.discuss.com.hk/images/common/back.gif[/img][/url]
Support [/quote]

多謝支持,我會努力作好個故仔:smile_o05:

圓碌碌的湯圓 2017-2-14 02:28 PM

[quote]原帖由 [i]鬼屋消失的神[/i] 於 2017-2-14 01:10 PM 發表 [url=http://ladies.discuss.com.hk/redirect.php?goto=findpost&pid=456378958&ptid=26436724][img]http://ladies.discuss.com.hk/images/common/back.gif[/img][/url]
好鐘意呢個故事,期待下一章:smile_o15: [/quote]

好中意聽到你話"好中意"... 感激你0既支持:smile_o09:

圓碌碌的湯圓 2017-2-14 02:29 PM

轉個頭就放第6章, 大家咪走開喇. 如果真係要行開下, 真係轉一個頭就好返0黎啦.:smile_o13:

圓碌碌的湯圓 2017-2-14 02:44 PM

第6章 – 生日會

對於猜枚飲酒HAILEY不太熱衷,一般她跟朋友去酒吧都是放著舒情音樂,大家坐著聊天的那種[清吧].她不喜歡猜枚的原因也是因為她不精於猜枚,每次玩都輸,所以她就不玩了,而且她比較喜歡跟朋友靜靜的聊天.就像此時,雖然HAILEY還跟其他人不熟,但她就靜靜的坐在旁邊,大家開玩笑時,她會跟著小聲的笑,不時拿著雞尾酒杯一小口,一小口的喝.

“做乜自己一個人坐喺度飲酒咁悶呀?唔同佢地一齊玩?”突然有個人坐在她的旁邊,轉頭一看,原來是今天的主角BENJAMIN.

“唔喇,我正宗係屎枚爛猜唔飲得,猜得又渣又唔係好飲過人,費事飲醉左失禮人呀.”HAILEY笑著對他搖搖頭.她舉起酒杯說“再一次祝你生日快樂…..”也許是當時大家玩鬧的笑聲又或是喝了酒的關係,HAILEY的心情不錯.她跟BENJAMIN祝賀後展開了一個燦爛的笑容.HAILEY不是一個很嬌美的人,在一群人中,不是最突出的.但她有一雙腰果眼,笑起來樣子很甜,屬於很耐看,愈看你會愈被她吸引,這也是BENJAMIN剛剛驚呆了2秒的原因.

“THANK YOU”他也向笑著道謝.

“妳係MACY嘅同事?”BENJAMIN喝了一口紅酒後問HAILEY.

“嗯,都算係嘅.我識佢果時係喺同一間SHOP,但宜家佢調左去另一區分店,雖然都係喺同一間公司但基本上都唔會一齊做野,係除左公司ANNUAL DINNER先至會有機會碰面囉.咁你呢,你係文軒D同事定朋友?”

“我同文軒係中學同學,但F.5之後我去左三藩市讀書,讀完大學就留左喺果邊做野,我都係半年前先返嚟香港.”

“唔怪之得之前果幾年文軒生日PARTY都冇見過你啦.加拿大生活唔好咩?宜家人人都想移民,點解你會想返嚟嘅?”

“UM.....始終自己嘅家人都係喺依度,父母年紀又大喇,可以嘅話都想陪喺佢地身邊囉.同埋香港嘅生活始終都係多資多彩D.我之前都係新年先會返嚟香港7-10日,唔好講話未見過你啦,我連MACY都係前過2次咋.”

“哈哈…..咁真係睇唔出喎,頭先見你同MACY講笑,我仲以為你地已經好熟.”

“咁我同MACY雖然只係見過2次,但我地班中學同學有個WTS GP,有幾個都會ADD埋佢地嘅另一半入GP,所以我平時都會喺個GP度同MACY佢地幾個傾計,所以都熟熟地啦.”BENJAMIN是一個很健談的人,不是肌肉型,但感覺很陽光.HAILEY第一次見他,對他的感覺不錯.這2個人就好像被一個汽球包著,外界即使多嘈吵對他們也沒有影響.

“HAILEY,你首歌呀.”MACY將咪高峯遞給她.

“UM….依首歌係咪送比我架先?”聊了一會,BENJAMIN會跟HAILEY開玩笑了,已經不像剛開始時那樣拘謹.

“好,生日禮物.”她接過咪高峯,悅耳的歌聲便響起.

如痛心 你都盡力控制
讓結疤後的一些傷勢 永久藏於心底
談笑間 痛哭是一百個浪費
若我喧鬧中暗地呆滯 請體諒如此失禮

誰又純淨如白紙 始終有些探險不敢試
若是妄想瘋多一次 可算是無知

想與你開始 從頭開始 彼此的痛 遙遠但相似
狂熱夢想的一串日子 匯集熱淚成詩
想與你開始 仍難開始 誰亦充滿著故事
想交上真心 兩步又停止 如擦痛我掌心倒刺

一曲完了,生日歌便響起接著服務員就捧著生日蛋糕進來.切蛋糕後,BENJAMIN繼續跟其他同學朋友把酒狂歡.而他再未能分身跟HAILEY聊天了,MACY亦坐回HAILEY的身邊一起唱歌,不時會說說笑.

這一晚是BENJAMIN跟HAILEY認識的第一個晚上,他們都以為大家只是萍水相逢,但原來只是個開始.

待續~~~~~

圓碌碌的湯圓 2017-2-15 10:36 AM

GOOD MORNING~~~~
尋日講過我會盡可能每日更新一章,更新時間我會定0係星期2-5下午6點,但星期6,日就暫停.而依2日0既章節我會0係星期1下午12點前放上0黎.咁樣有追故仔0既朋友就唔洗成日睇下有更新未喇,如果依個安排未夠妥善,我再睇睇點樣做會更好.0係度,再一次多謝有追開依個故仔0既朋友們~~~:smile_o09:

圓碌碌的湯圓 2017-2-15 05:46 PM

第7章 – 偽善

*****公司

“HAILEY,聽日妳過去XX店頂一頂.”下班前,店長叫停了HAILEY.

“可唔可以叫ANGEL頂?”HAILEY面有難色.

“ANGEL一早攞左假喇,佢話聽日要參加朋友婚禮做姊妹,返唔到工.得妳同ANGEL係SUPER,佢唔得就唯有搵妳頂喇.乖啦…..妳幫幫忙頂一頂啦.”

雖然HAILEY已經放低了過去那段情,但不代表見到那2個人她不會有介蒂,而且上次見面TIM更為了這個女的向她提出要求,她心底始終會不舒服,現在只希望那個女的明天剛好休假就好了.但往往妳所希望的,上天就硬是不配合.


隔天,某大品牌XX分店

昨天HAILEY冀求今天不會遇到那女人,但現實就好像跟她作對,她不要的,卻硬要來.既來之,則安之,反正捱過今天就行了.

可能前一天CANICE已經知道今天來替更的人是HAILEY,所以今早她們遇上時,CANICE一點驚訝都沒有.同時亦不得不提她的反應,像是忘記了上個月被捉姦在床的人是她.雖然HAILEY跟CANICE不是很熟,但平常的相處也不太差,基本上大家都是有禮的.但今天CANICE看她的眼神跟以前不同,說不出有何不同但就是有點怪怪的.但想一想被另一個女人看到自己脫光光在床上,任何一個人都會覺得尷尬吧.HAILEY沒有深究原因,因為不想自那件事之後,她已經對CANICE這個人的品德大扣分了.

開店前,各售貨員換好黑色套裝制服準備時間一到就開店.門前已經有很多遊客排隊等著開店進來撒錢了.

“CANICE,今朝見妳揹左個新手袋喎.”某女同事站在CANICE身邊小聲問.

“嗯,男朋友送.”CANICE笑著回答.

“依個牌子嘅袋冇3萬蚊都唔洗指意落樓呀.”

“個袋尋晚佢同我食完飯之後過專門店買架.”

“嘩…..妳依個新BF好似同妳一齊冇耐就已經咁大手筆啦.”女同事一臉羨慕.

“我都叫左佢唔好送架喇,但佢話慶祝一齊3個月過左PROBATION要賀一賀佢喎.”CANICE說起男友時也沾沾自喜.

“妳依個新男友做咩工架?搵好多架?咁有錢嘅?”女人的心態就是自己沒能得到,八卦一下也會有滿足感.

“咁又唔係,佢喺一間日本料理度做經理,佢人工一個月有幾多錢就唔知喇,不過一定多過我依個SALES仔囉.”聽到別人讚賞自己的男朋友,CANICE當然比誰都開心.

“佢搵幾多都唔緊要啦,最緊要佢捨得洗喺妳身上嘛.唔通好似亞YAN咁咩,佢男友自己開糖水舖生意都好好架,但平時只聽到話YAN買野比佢,好少會聽到佢講話有咩野係佢男友送嘅.”相信如果不是開店時間已經到了,這位八卦同事還會繼續說下去.

雖然她們說話的聲音不大,但HAILEY只站在後方的收銀櫃之內,距離就差2米多,所以她聽得很清楚說話的內容.聽著聽著她有點感慨,曾經的自己也會在節日或紀念日收到這些禮物.真心話,雖然TIM是一個負心漢,但不可否認的是這個男人對女朋友很大方即使他的收入不是特別的高.

時間一到,外面一早排隊的客人陸陸進來.因為要工作HAILEY也沒有再時間懷勉過去,她收拾心情就開始接待客人.一心想著快點下班,快點遠離那個女人,卻不想讓她最難過的時間就是下班後.亦是今天她才知道CANICE NG這個女人有多偽善.

忙碌一天,最後一位客人也離開了,HAILEY向著更衣室走去,準備換了衣服就離開.她正要推開更衣室的門,門就從內打開,她剛好跟出來的人撞在一起,而出來的人正是已經換下制服了的CANICE.面對CANICE的時候,HAILEY很自然會板著一張臉,換做任何一個人也做不到對著一個破壞自己感情的小3和藹可親吧!? 她一個側身繞開了CANICE就往裡走.

“咩人0黎架,一D禮貌都冇,抵妳冇人要架.”看到HAILEY這個態度,CANICE有些不憤.

“妳講咩呀?”HAILEY也是一個有脾氣的人,被人這樣子挑釁,她真的忍不了.

“我話妳做女人都算失敗喇,連一個男人都留唔住.平時妳0黎頂更成日[敦]起個款已經夠乞人憎架喇,主動同妳講野你又COOL到死.返工都算喇,原來妳連喺床上面都係咁,難怪亞TIM都怕左妳啦.”CANICE也放下她一貫甜美可人的面孔,一臉不屑的向著HAILEY說.

氣死她了,原來這一張輕挑,自大討人厭的樣子才是CANICE NG的真臉孔.HAILEY心想[你亞爸亞媽知唔知自己生左個咁偽善嘅死女?]

待續 ~~~~~

圓碌碌的湯圓 2017-2-15 05:50 PM

今日已經更新左喇,我宜家每日就係攪盡腦汁去作故仔:smile_o02:
想了解下, 唔知中意依個愛情故事0既你地係男士多一D定女士多一D呢??:smile_o10:

幫幫忙睇完古仔留個言呢:smile_o03:
再次多謝大家支持:smile_o09:

圓碌碌的湯圓 2017-2-16 05:45 PM

第8章 – 拾了個劈腿男也還好意思炫耀??

“我同佢以前係點,妳冇資格咁多野講.”HAILEY保持住一種語調說話.令人以為她們對話中的主角是另有其人,而不是她.

“哼,唔係我想知架,係亞TIM自己同我講咋.我未同佢開始前,佢已經話頂妳依個人唔順喇. 喺床上想同妳試下其他新花樣,妳唔係話怕羞就係話驚,咁多年嚟都係一個樣,妳唔悶佢都厭啦.有時喺街佢想攬下妳錫下妳,妳又話唔好,一D情趣都冇.又成日自己走上佢屋企煲湯煮飯,其實亞TIM佢中意出街食多過留喺屋企食架.妳同佢一齊8年喇,我依個同亞TIM只係識左半年嘅人都比妳更清楚佢中意D乜,唔中意D乜呀.所以妳都唔可以怪亞TIM選擇同我一齊囉.”CANICE帶著輕挑的眼神睨著HAILEY說.

知道小3都是賤女人,但想不到自己遇到的這一個賤得這麼徹底.做了小3還可以這麼理直氣壯的,HAILEY也是第一次見識到.她對TIM說不出狠話是因為當時對他還有愛,但面對這個賤得徹底的狐狸精,不需要給她好面色.

“做人小3妳都應該係做得最賤果個喇.咁後生就誤入歧途,幾時得嚟到老呀.佢可以因為一個妳而劈腿,他朝有一日,佢都可以因為第2個女人放棄妳.”HAILEY很生氣,但她仍然堅持用一個平淡的態度,因為她知道大吼大叫罵回去只會令自己更失禮,正因為她是被拋棄的那個,所以她不能讓自己再成為他人的笑話.

“妳做店長又點啫,到最後咪又係做左我手下敗仗.宜家妳青春又冇,男人又冇.妳咪好好捉實自己依份工囉.”CANICE仍在挑釁對方,因為她覺得HAILEY明明被拋棄為什麼還端起一副高高在上的樣子.愈想她就愈不憤“妳知唔知道TIM最中意喺邊度搞?不過睇你都唔知架喇,佢最中意喺廳果張梳化呀.每次我上到去佢屋企,佢就逼不及待將我推落梳化,有時完事之後我去沖涼,佢又會忍唔住走埋入嚟一齊沖,之後會點我諗唔洗我講妳都估到架啦呵?哈哈~~~”CANICE成功了,她將HAILEY的怒氣激起了,不止怒氣一下飆升,她眼內的水氣也同事升起.

HAILEY閉上眼,靜止了2秒,再睜開眼時眼中的水氣已經被她忍回去.HAILEY一般很少端架子,雖然平常她跟同事間不會太熱烈或主動閒談,這是因為她的性格跟不相熟的人很難放開懷抱說笑.這一刻,她真的要端起架子才不會令自己太難看.

“哈,我真係唔明妳執到個咁嘅渣男有咩值得妳出嚟曬?妳自己好自為知啦.”HAILEY已經不想再跟她多說,因為她也不敢保證再聽到更多他們一起的事情,她還能否忍住眼淚.拿起手袋便急步離開了更衣室.

這一天是繼[捉姦在床]之後令HAILEY最為難過的一天.離開公司後,她自己一個走到海傍,坐在旁邊的椅子上,沒有呼天搶地的哭聲,只有淚水在眼眶內飄浮,當眼淚快要落下時,她會抬起頭看向剛剛升起的月亮,一顆晶瑩的淚珠慢慢滑向耳垂.

待續~~~~~

圓碌碌的湯圓 2017-2-16 05:57 PM

今日產量好,加多一更:smile_o13:

圓碌碌的湯圓 2017-2-16 05:59 PM

第9章 – 再遇

從手袋拿起電話,現在急需找朋友陪她好好發洩一下.撥了号,等待對方接聽.

“HAILEY小姐,掛住我呀?”電話傳出MACY歡快的語調.

“嗯,妳...宜...宜家得...唔得閒?”

“做咩事?妳宜家喺邊?我嚟搵妳.”聽到HAILEY帶著哭腔的聲音MACY馬上收起開玩笑的語氣,認真的問.

“妳喺街我唔阻住妳喇,妳返到屋企再打比我啦”從MACY背後的聲響,HAILEY知道她不在家,心想還是不要打擾她了.

“妳咁嘅樣叫我點收線呀?收左線咪盞我成晚都唔安心,我同文軒成班FD一齊燒緊野食,我宜家出嚟搵妳啦.”

“妳地邊度燒?不如我過嚟搵你?”要MACY為她放下一班朋友及愛人HAILEY又不想,不如她過去找她們好了.

“我喺大尾督呀,我仲有朋友一陣入嚟,我叫佢兜埋妳啦.妳轉頭WTS妳宜家位置比我,我叫佢去果度接妳.”

“好”

20分鐘過去,電話再次響起,來電顯示只出現了一個号碼沒有聯絡人名稱.

“喂,HAILEY?”一道爽朗的男音傳出.

“我係”

“我係BENJAMIN,MACY叫我過嚟接埋妳去BARBECUE,我就到尖沙咀喇,妳可唔可以行過去INTERCONTINENTAL呀?我喺果度等妳.”

“好,我宜家行過去.”沒想到來接她的人會是BENJAMIN,還以為上次唱K之後不會再見面,始終她跟MACY聚會的時間不多.就算有,可能也只是2個人吃個飯,逛逛街.

“我架車紅色,車牌NO.係PPXXXX.如果妳搵唔到再打比我.”

掛線後,HAILEY朝著酒店方向走,看到酒店大門旁邊停著一輛紅色的TELSA MODEL X,再看看車牌号碼,確定是BENJAMIN的車.她人還沒到車旁,駕駛位置的車門已經打開,BENJAMIN從車上下來.

“到啦?上車先.”BENJAMIN幫HAILEY拉開後座車門,待她坐好後才關上車門,回到駕駛位置,繫上安全帶便出發.

HAILEY上車後才發現前方乘客位置坐著一個女生,年齡大約23-24歲,一頭及肩頭髮染成紫紅色,很潮.她轉過頭來跟HAILEY打了聲招呼就繼續低頭玩手機.

“係咪行左好遠呀? 唔好意思呀,我唔知海傍果邊邊度有得停車.”出發不久,BENJAMIN問後方的HAILEY.

“唔係呀,行左一陣之嘛.我唔好意思至真,麻煩你特登過嚟依邊兜我.”

“唔緊要,反正我都要過嚟依邊接佢.”他指向身側的女生. “未介紹,HAILEY妳可以叫佢小雲.”

“喂,講左好多次咪鬼叫我[小雲]咯.”女生苦著一張面,向他抱怨.

“咁妳叫[徐彩雲],唔叫妳[小雲]唔通妳想我叫妳[彩雲]?”BENJAMIN沒有理會她的抱怨,繼續取笑她的名字.

“HAILEY,妳唔好理佢.妳叫我WENDY好D.嘻嘻…..”面對HAILEY時,WENDY是帶著笑容的,因為苦瓜臉是留給BENJAMIN.

“OK呀,WENDY”HAILEY微微一笑回應她之後靜靜的看著窗外風景.BENJAMIN跟WENDY接著聊些什麼她也沒聽到,不是他們說悄悄話而是她的腦子還在沉思CANICE所講的事.

BENJAMIN不時都會從倒後鏡看看HAILEY,只看到她將臉轉向窗外,一句話也沒說,對於他們說的笑話也沒任何反應,看得出來今天的她心情很不好,.紅紅的眼眶有哭過的痕跡.

沉浸在自己世界中的HAILEY沒有注意已經到達燒烤場,BENJAMIN跟WENDY已經下車了,她自己還坐在車上.BENJAMIN走出幾步才發現她沒有跟著下車,只好叫WENDY先進埸找文軒他們,他自己則往回走.

“HAILEY!?落車喇.”BENJAMIN輕敲了2下車窗才打開車門.

“下!?哦,哦…SORRY,顧住諗野冇為意.”邊下車HAILEY邊向BENJAMIN道歉.

“又唔係咩大事,唔洗SORRY喎.”[咇]一聲,用搖控器鎖上車門後就領著她走向入處.

“E…你女朋友呢?”HAILEY發現少了一個人.

“我宜家都冇拍拖."

"頭先果個年輕貌美嘅女仔唔係你女朋友咩?"

"哈哈,我幾時同妳講過小雲係我女朋友?”BENJAMIN彷似聽到一個大笑話.

“我見你地好CLOSE咁樣所以就以為你地係情侶.”發現自己擺了個大烏龍,HAILEY面上一熱,覺得很尷尬.

“緊係唔係啦,佢係我表妹嚟架.中學果時同文軒佢地打波,有時會帶埋佢出嚟,玩下玩下佢同我班同學都熟晒,之後我返親嚟香港約文軒佢地食飯,都會叫埋小雲.上次我生日佢咁啱去左旅行,所以先至冇去唱K.同埋妳比小雲嘅外表呃左喇,佢年紀一D都唔細呀,過埋生日就28歲啦.同埋邊個話男人一定中意後生女架?”

HAILEY心口一悶,不是嗎?在愛情方面她就是輸給了一個比她年輕的22歲女生.

待續~~~~~

圓碌碌的湯圓 2017-2-17 06:00 PM

第10章 – 這樣的她,讓他心疼

“唔係男人都中意D年輕貌女嘅女仔架咩?”HAILEY苦笑了一下.

“其他人我唔知,我自己就唔係喇.年齡對於我嚟講唔係關鍵嘅一點,我唔會話一定要搵個後生嘅做女朋友,只要大家夾,一齊開心的話,就算個女仔大過我,我都唔會介意.”

“係咩,咁可能係我運氣差啦.”HAILEY喃喃自語,心情又再沉下來.

“妳講咩話?”BENJAMIN聽不清楚她說了什麼.

“哦,冇野.”她苦笑了下,當腦海中飄盪著CANICE的說話,水氣又漸漸浮現上來.

“妳冇事呀嘛?”見到HAILEY整個眼眶都紅了,他馬上停下腳步,從外套袋內找出紙巾,拿出一張遞給她. “我見妳今日心情唔係咁好,頭先喺車已經發現妳眼紅紅架喇.如果妳想,要唔要喺度陪妳一陣先再入去?”

強忍的淚水終於滴下來了,淚水一發不可收拾.HAILEY一句話也沒辦法說出口,只是不停的哭.看到哭泣不止的她,又不清楚發生何事的BENJAMIN已經急得要死了.先讓她發洩一下再說,所以他安靜的站在一旁等待.在這個充滿歡笑聲的地方,HAILEY的哭聲特別刺耳.站在燒烤場入口的他們就如動物園籠內的動物,每個入場的人經過他們都會多看幾眼.

哭聲慢慢收細,連哽咽聲音都沒有了.他才敢開口.

“好D未?”BENJAMIN有些擔心,因為他和HAILEY始終不太熟識,不知道應否通知MACY出來.

“嗯,好…好…多喇,累到…你都…比人當怪獸係咁望.”

“望2眼又唔會少忽肉,冇緊要.喊完舒服D未?要唔要陪妳一陣,等妳心情平伏返D我地先入去?”

“嗯.”

BENJAMIN見她不想多講,他便沒有多問,這一點讓HAILEY感到很舒服.有時候一個人傷心難過,身邊需要的其實只是一個陪伴者,他不用跟妳說什麼[別傷心,不要哭]等等字句,他只需要靜靜的在妳身旁,讓妳知道身邊有個人伴著妳,不讓妳孤單這便足夠了.

“其實我今日真係好唔開心,因為我今日遇到插足我同我男朋友感情果個小3.佢同我係一間公司,但大家喺唔同嘅分店,所以唔多會遇到,除非咁啱要過舖頂更.今日係我發現佢地姦情之後第一次見到佢.我一心想收工就閃人,點知收工之後我喺更衣室遇到佢,佢講左D好難聽嘅說話,令我好難堪.為左面子,我同自己講點都要忍住,唔可以喺佢面前喊.我同佢頂左2句後我就走,之後去左海傍喊.頭先你講起後生女依個問題令我又再諗起個小3,因為我前男友就係中意佢後生女,有朝氣,覺得我悶.”哭過的她,聲音還是有點鼻音.

“妳同果個男仔拍左拖好耐啦?”既然HAILEY主動提起,他便順著她的話讓她找到傾訴的出口.

“差唔多8年喇.其實近依1年我已經覺得佢對我開始冷淡,以前佢會諗下有咩地方特別,會陪我去行下,食下飯.但依1年內佢已經冇依D行為,咁唯有我主動去搵節目啦,不過同親佢講,佢都唔係好樂意咁.就算出街食完飯,我提意行下街,拍下拖先返屋企,佢都會話[返工都企左成日喇,仲去行咩街,妳唔攰我都攰啦].我知佢做餐廳冇得坐仲要行嚟行去會好辛苦,所以我都唔想逼佢.其實我做SALES,我返工都要企全日,我都會攰,但2個人喺埋一齊實要有一方遷就多D.既然佢咁攰,為左等佢有多D時間喺屋企休息,我會買[送]上佢煲湯,煮飯比佢食.放假唔會要求話去街,喺屋企陪佢休息下都係開心嘅.但原來我做咁多野,佢一D都唔會感動,相反佢仲嫌我煩.佢唔係攰到唔想出街,佢只係唔想同我出街.如果唔係果個女人今日喺我面前要攞威乜都講晒出嚟,我真係唔知我喺果個男人心目中係咁討人厭,咁一文不值.”

“我21歲就同佢一齊,佢大我一年,佢以前對我好好,一到節日喜慶佢都會送D小禮物比我,唔在乎價錢,有時親手整張卡,整個蛋糕果D,佢有咁嘅心我已經好開心.一齊左咁多年,我以為我地會結婚,大家亦有傾過要去邊度影婚紗相,婚禮要點搞點搞.勢估唔到捱過左[7年之癢]後我地反而會分手.”說起跟TIM一起的點點滴滴,HAILEY又開始哽咽.

這樣一個一心只為愉悅自己愛人的小女人,付出了最美好的年華,以為可以開花結果,誰知道最後換來的只是愛人的背叛和流不乾的淚水,這樣的她,讓他心疼.

待續~~~~~

圓碌碌的湯圓 2017-2-18 04:41 PM

我要,我要,我要你。。。我要你留言~~~
比d推動力我去繼作老作好啵:fst_008:

kennytong0605 2017-2-18 07:26 PM

支持 :smile_o07:

鬼屋消失的神 2017-2-18 07:26 PM

樓主加油:smile_o06::smile_o06:
頁: [1] 2 3
查看完整版本: <<完>> 還有下一個春天嗎?