查看完整版本 : [多圖超詳細!!!] 女仔學車3 take pass 經驗分享 懶人包!!!

Camazotz1022 2016-12-5 05:02 PM

[多圖超詳細!!!] 女仔學車3 take pass 經驗分享 懶人包!!!

:loveliness::loveliness::loveliness:
純粹為自己用左一年多時間 學車 考車 做一個紀錄。
希望資訊有用 幫到想學車/學緊車既你~
為大家節省時間同金錢。(呢一點好重要!)
希望版主置頂
---
[attach]6252013[/attach]
[b]目錄[/b][b]:[/b]
1. Timeline
2. 點報名?
3. 駕院定師傅?搵師傅學即係點?
4. 頭幾堂學啲咩?
5. 點樣主導自己既學習?
6. 點樣學先最有效率?
7. 考試攻略
8. 重考注意
9. 跟駕駛學院學係點?(借frd share)
10. 學神筆記/口訣 (editing)
11. FAQ (editing)
---
[align=left][b]1. Timeline: [/b]
2015年9月報名
2015年10月考筆試
2016年5月第一次考車 澤安道 大埔道路線 (pass窄路掉頭&泊車)
2016年8月第二次考路試 澤安道 大埔道路線
2016年11月第三次考路試 永孝街 上到葵盛圍轉右路線
---
[b]2. [/b][b]點報名?[/b]
政府合署 運輸署 牌照事務處 星期一至五 9AM-5PM 
金鐘 長沙灣 觀塘 沙田 [url=http://www.td.gov.hk/tc/public_services/licences_and_permits/vehicle_and_driving_licences/licensing_offices/]http://www.td.gov.hk/tc/public_services/licences_and_permits/vehicle_and_driving_licences/licensing_offices/[/url] 
各牌照事務處之地址。
帶[b]住址證明[/b]正本或副本(記得!要3個月之內, 銀行單, 稅單都得!)
[url=http://www.td.gov.hk/tc/public_services/licences_and_permits/proof_of_address/index.html]http://www.td.gov.hk/tc/public_services/licences_and_permits/proof_of_address/index.html[/url]
[b]STEP 1:[/b] 填form [b]申請駕駛考試[/b] ->俾考試費($510) 拎筆試期
注:只可以起 [b]金鐘&長沙灣[/b]兩個Center申請
[b]觀塘[/b] & [b]沙田[/b] 呢兩個 Center [b]不設駕駛考試申請&[/b][b]冇筆試考試中心[/b]
返去煲黃色書仔/download app 係咁操筆試題。
[b]---[/b]
[b]STEP 2: 考筆試 [/b]-> 考完筆試會拎到成績表(合格/不合格) ->拎排期紙 (上面有路試地點同日期)
---
因為排期時間耐 考完筆試到學車仲有段距離
[b]STEP 3:[/b] 到[b]學車之前[/b]先返運輸署[b]申請學牌[/b](即學習駕駛牌照, $548), 因為學牌[b]valid一年[/b]。
注:學牌就 [b]金鐘,[/b] [b]長沙灣, [/b][b]觀塘[/b] & [b]沙田 [/b]4 個 Center 都做到
即係, 如果9月報名, 10月考筆試, 考完筆試收到考路試日期係下年5月, 咁即係2或3月學車, 咁到時2或3月先申請個學牌。
因為, 大吉利是 要考第二次 第三次都唔怕學牌過期。
有一年時間學到考到為止。
==
PS:
駕駛考試輪候時間 截至21/08/2017, 輕型貨車合併試已經排到下年5月~
[attach]7241902[/attach][/align]
[align=left][url=http://www.td.gov.hk/tc/public_services/licences_and_permits/driving_test/waiting_time_of_driving_tests/index.html]http://www.td.gov.hk/tc/public_services/licences_and_permits/driving_test/waiting_time_of_driving_tests/index.html[/url][/align]
[align=left]駕駛考試輪候時間(每日UPDATE~可以自己上呢個link check)
[attach]6251325[/attach]
高度推薦呢個app~筆試無難度!
[attach]6251326[/attach]
運輸署成日都好多人排隊
盡量唔好lunchtime去啦。
[b]([/b][b]記得帶住址證明![/b][b])[/b]
當然仲可以郵寄/代辦~
---  
兩張你需要填的form: [b]駕駛考試申請表(TD82) [/b]& [b]學習駕駛執照申請表(TD555)[/b][attach]6251327[/attach][/align]
[align=left][url=http://www.td.gov.hk/filemanager/common/td82(2016.07)_e-fillable_chi.pdf]http://www.td.gov.hk/filemanager/common/td82(2016.07)_e-fillable_chi.pdf[/url]
[b]TD82: 駕駛考試申請表[/b]->報左筆試路試先[/align]
[align=left][attach]6251328[/attach][/align]
[align=left][url=http://www.td.gov.hk/filemanager/common/td555(2016.03)_e-fill_chi_.pdf]http://www.td.gov.hk/filemanager/common/td555(2016.03)_e-fill_chi_.pdf[/url]
[b]TD555: 學習駕駛執照申請表[/b]->差唔多學車之前申請學牌~

--[/align]
[b]新手應該點樣計劃自己既學車時間表?[/b]
例如22/08/2017報名,咁應該幾時學車同幾時考試?
當然睇返駕駛考試既輪候時間係幾耐,
[url=https://eapps2.td.gov.hk/repoes/td-es-app517/WaitingTimeExtPreview.do?language=zh]https://eapps2.td.gov.hk/repoes/td-es-app517/WaitingTimeExtPreview.do?language=zh[/url]
Check到港島係排[b]248日[/b], 九龍新界係排[b]268日[/b], 呢個數字係每日變既, 無話準唔準, 自己Check返
而家就當[b]港島差唔多8個月, 九龍新界就9個月[/b]。
寫條Timeline俾大家參考下:
例如2017年8月報名 拎到筆試日期(大約1個月後)
2017年9月考筆試 考完筆試pass就拎到考路試日期[b](計返輪候時間)[/b]
考港島就加返8個月, 大約2018年5月考, 2~3月開始約定師傅+申請學牌, 咁3~4月學車就差唔多。
考九龍新界就加返9個月, 大約2018年6~7月考, 3月開始約定師傅+申請學牌, 咁4~5月學車就差唔多喇。
學牌又係上運輸處填form俾錢, 佢就即刻出到俾你~
以上例子僅供參考用,每人情況都唔同,
時間表係因人而異, 睇下你想一個星期學幾次, 自己編排+夾師傅期咁樣。
下面會再詳細啲講。
[attach]7261548[/attach]
---
[b]咁筆試難唔難架?應該點樣去準備?[/b]
考完筆試既人會話俾你聽唔洗擔心:smile_30:
有啲人話考筆試都唔PASS會俾人笑。
但始終係考試, 話唔驚係呃你既。
筆試係computer test, 考[b]20條mc, 3項選擇題[/b], 考道路知識同埋睇路牌, 駕駛法例都要識少少。
20分鐘, 答o岩16題就PASS (80%)
上網同埋download app都有好多題庫。
建議:預返[b]溫書1-2日[/b]差唔多。
當你申請左駕駛考試佢就會出本黃色書仔俾你溫書。
[attach]6458665[/attach]
道路使用者守則:
[url=http://www.td.gov.hk/tc/road_safety/road_users_code/index/chapter_5_for_all_drivers/index.html]http://www.td.gov.hk/tc/road_safety/road_users_code/index/chapter_5_for_all_drivers/index.html[/url]
係咪要背書?無錯,[b]要背書[/b]!
路牌你都話可以估估下,
但[b]數字題一定要背[/b]!
例如:駕駛違例記分制中列明,假如在____內記滿15分或以上,駕駛人士需要停牌?
A. 12個月
B. 24個月
C. 36個月
記返低自己答錯既題目,考之前煲多次就無問題啦!:loveliness:
我果時就係考之前一兩日狂做APP, 入面有400幾題, 跟住答錯果啲就CAP SCREEN, 大約有30-40題
考之前就係狂睇返果30-40題, 唔明既話就查返黃色書仔。
當然呢個係好exam-oriented既做法, 大家溫書的方法都唔同:smile_34:加油喔!
[align=left]---[/align]
[align=left][attach]6819158[/attach][/align]
[align=left]去考筆試要帶筆試信 同埋HKID~

[attach]6819159[/attach][/align]

[[i] 本帖最後由 Camazotz1022 於 2017-12-18 09:59 AM 編輯 [/i]]

Camazotz1022 2016-12-5 05:03 PM

[b]3. 駕院定師傅?搵師傅學即係點?[/b]
[b]學車/考車時間有咩需要注意?[/b]自己係搵師傅學既~因為輪班工作,所以多數時間係平日早上/下午學
建議1:[b]頭幾堂日頭學好啲[/b],視野良好,有助學習。
夜晚學既話都係留返學左幾堂技術比較純熟少少先,咁就可以唔洗咁雞手鴨腳
又要操縱架車,又要睇交通、路牌、行人等等。
建議2:[b]盡量就返考試果段時間學[/b],如考14:25,就學返差唔多時間,咁個車流人流狀況都差唔多~
注意:1300-1400係放lunchtime時間, 1530-1630係放學時間
好多學生哥過馬路,要特別留神呢~
---
學[b]棍波van仔[/b]係大路。因為可以渣自動波/私家車都得:loveliness:
睇返個人需要, 有啲人覺得自動波私家車(俗稱自私)就夠。
基本上而家多數車都係用自動波, 甚少係棍波, 除非係超跑果d
---
[b]駕駛學院vs私人師傅?[/b]
建議:[b]想易啲pass就搵駕院[/b]。因為佢fix左一定考駕院果條線,而沙駕同鴨駕係公認比較易同少車既~
沙駕:沙田
鴨駕:鴨脷洲
元駕:元朗
[b]想學真功夫練街 就搵師傅[/b]!
而跟出面街師傅學,就會抽到以下考車地點:
私家車:石蔭、培正道、忠義街
輕型貨車:永孝街、澤安道、天光道、忠義街、油塘
---
而選擇搵駕駛學院或私人師傅,呢個純粹係[b]個人選擇[/b]!
講真, 因為就算你駕駛學院1take pass都係要出返黎搵師傅補鐘。
因為學既鐘數好少,未有信心渣出街~
而且,駕院果條考線易啲[b]唔[/b]代表1take pass, 有好多因素/路面情況影響。
咁我倒不如一開始搵師傅學真功夫!第時出黎渣車都唔會怯。
果時第一堂就已經起九龍塘學兜圈,第二堂已經俾師父chur上3波。
哈哈我係咁諗啦~:loveliness:
---
[b]係咪要試下多啲唔同既師傅比較下?[/b]
我師傅好好,三次學都搵返佢,因為我feel到佢仲著緊過我(駕駛技術/考試方面)
當然有人話試唔同既師傅,睇下唔同既教學style,我覺得係[b]人夾人[/b],[b]個人選擇[/b]黎既~:loveliness:
---
[b]點樣搵師傅?[/b]
最好當然係[b]朋友介紹[/b],問下身邊朋友邊個最近學車考車拎師傅電話,問下師傅教得好唔好。
當然要搵信得過既朋友啦!
打去/whatsapp問下師傅 考試果日佢得唔得,佢會問你係咪第一次學?通常咩時間學車?(平日早午,平日夜晚,星期六日)
約左第一堂既時間先。通常第一堂就交左租車費($1500-1600)加第一堂既錢($230-250一課45分鐘)=$460-500 (1.5hr)=>即係大約$2000~2100
(基本上行規都係每次學1.5hr)
注:有師兄提及可以問下師傅租車費可唔可以考試果日俾, 唔同師傅有唔同規矩, 但可以商議既~
海鮮價黎架~每個師傅都有唔同既價錢。我覺得無傷大雅, 教得好就得~都係果句啦~人夾人~
師傅話你鐘意可以一次上3課(即係學2hr15min)。但我覺得都幾累哈哈。
注意:[b]可以逐堂 逐堂俾錢[/b]。(重要!)
因為你點知中途會唔會想轉師傅?
千祈唔好第一次就俾10堂/package果種。要保障自己!
咁當然每個師傅有唔同既收費方式, 要問多幾個師傅了解下。
記住:有得揀,先至係老闆!:smile_38:
建議:如果5月考試 就[b]預返考之前兩三個月之前搵師傅, [/b]大概2月尾開始約定師傅, 3月頭~3月中開始學。
當然視乎返自己既工作/時間。
多數人第一次考[b] 學20-30個鐘以上[/b]不等。
好睇你自己本身有無打開機,有無運動細胞,手腳協調,本身對車有無sense,有無搭開私家車/巴士,運氣,學習速度 各方面因素。
---
[b]當然你想學幾多堂/咩時間學係純粹個人選擇[/b],亦要同師傅夾時間。
我師傅好忙,一開始佢會不定時send timetable約時間,但到我放工收到msg時,大多數時間都俾人book左,結果我要揀啲唔多想要既時間:smile_39:
學精左之後,我就識得[b]兩個禮拜之前就會同佢約[/b],邊日咩時間學得唔得,佢會reply咩時間有學生考試唔得,佢真係好忙,好多學生,證明佢係好師傅!
建議:學既頻率當然係越密越好,因為你岩岩開始去接觸一件陌生既事物。但又睇自己時間同埋學得咁密會唔會累。
[b]一星期學兩三次就最好。[/b]
同埋[b]考試前果1-2個禮拜最關鍵[/b]!
學得越密越好,就算日日學隔日學都唔誇張,因為你需要好熟 好熟條路線,訓覺都可以背出黎。
要同師傅約埋考試之前學幾堂(2或3課),其實佢都預左你要上左堂先去考。
---
[b]係咪學得越少堂就代表越叻?學得多堂就代表資質差?[/b]
簡直係謬論。我係[b]唔同意[/b]架。
因為首先, 你要知道渣車係咩一回事。
第二, 可以睇下報紙每年每月每日有幾多車禍發生。
就知道學車考車渣車都係[b]安全第一[/b]。
安全意識, 良好的駕駛習慣同路面經驗係陪住你一世。
隨時可以救返你一命。
咁當然有人本身日日打街機/坐屋企人既私家車/返工要跟車, 由細到大耳濡目染
咁佢地學十幾個鐘1 take pass係無可厚非。
而好似我咁由細到大坐港鐵, 唔鐘意坐巴士, 就相對地對路面情況變化反應無咁快。
可能要學30+鐘+未必1 take pass到, 呢個都係無可避免。
始終,考牌官係道路安全第一把關人,佢覺得安心安全先可以放你出街。
第時製造左個道路炸彈佢都良心不安:smile_43:
[b]唔好同人地比較。[/b]
要嬴人,先要嬴自己!:smile_30:
---
[b]點樣知道自己ready去考試 ? 點知道自己要學幾多個鐘先夠?[/b]
好主觀。可以[b]問師傅意見[/b] (前堤:師傅中肯,唔係係咁鬧你谷你補鐘既)
可以[b]憑自己感覺[/b]。覺得同架車做左好朋友,了解到佢,掌握到佢,駕馭到佢。
覺得手車順左好多,犯少好多錯誤,轉彎既動作變得好自然,所有野都"自動波"。
佢開始靜左好多, 因為無咩野可以鬧, 就ready了。
建議:[b]第一次考不妨學多啲鐘[/b], 有信心先去考。:loveliness:
當買個保險, 因為計返條數, 如果不幸肥左佬, 又要去報考試($510), 又要租車($1500), 跌至少$2000~
又唔知考邊條路線, 又要再熟習新環境, 又要學唔知幾多堂, 加埋心理壓力, 自信打擊, 其實得不償失。
---
[b]師傅越惡越好?[/b]係咪街師傅都惡架?我唔鐘意俾人鬧架喎。
下,學車都要受氣?係我俾錢師傅學車架喎!
拿!呢種[b]學車態度[/b]今時今日係唔得架。
學車係一種責任。係你對自己,師傅,路人,其他道路使用者既生命既一種責任。
一定要認真處理!所以[b]師傅惡係好事[/b],因為代表佢著緊你既學習,著緊你條小命。
同埋經師傅鬧一鬧,你就唔會再犯一啲初級錯誤,考試自殺:loveliness:
---
PS:我師傅好惡架:smile_34:佢話我係女仔已經溫柔左哈哈,我心諗...佢對男仔咪...
睇返[b]考試張黃紙[/b],有啲野一做就即刻嚴重tick-立即肥佬!
而有啲野係輕微tick-兩個輕微錯誤等如一個嚴重錯誤~
初級錯誤即係衝紅燈,無擰頭,太接近前車(太接近物體)
要虛心學習,唔識就問啦~
[attach]6251355[/attach][b]點樣睇考試張黃紙?[/b]:smile_41:
遊戲規則係:[b]一有嚴重tick即肥佬[/b]~
有啲項目有兩格(輕微 嚴重) 呢啲係輕微錯誤 錯一次係輕微 錯兩次就嚴重=>肥佬
eg. 31. 駕駛意識既「太接近物體」37. 訊號的使用既「發出不正確訊號」
有啲項目得一格(嚴重) 呢啲係嚴重錯誤 錯一次即嚴重=>肥佬
---
[b]呢堆嚴重錯誤必背必記![/b] 因為無allowance, 錯一次即死。
包括以下既項目:
「駕駛意識」
27. 轉換行車線未有查看交通情況
28. 佔用迎面車輛使用之行車線
29. 在物體後急速扭軚駛出
30. 在物體後急速扭軚切入
「速度控制」
35: 超過限制速度
「駕駛技術」
40. 駕駛錯誤導致考牌主任採取行動
41. 碰及物體
42. 空波滑行
「超越物體」
56. 未有查看交通情況
57. 在不適當情況下超越物體
「交通標誌道路標記」
62. 未有遵照限制標誌道路標記的指示
「行人過路線」
66. 未有停車讓行人使用斑馬線
就咁睇都覺得好危險,好似好難明?唔緊要,邊學車邊記啦~:smile_27:
結論:得閒睇下張黃紙好重要!
提醒下自己唔好犯果啲錯!
[attach]6251356[/attach]
---
[b]4. 頭幾堂學咩架?[/b]
考澤安道,師傅安排我九龍塘上車落車,其實之後我發現[b]邊度上車落車都係自己同師傅夾[/b],之後試過深水埗落車。
所以除左考試路線(3條路線,當中有重覆)之外,我以學神身份都可以渣九龍塘往澤安,澤安往九龍塘,澤安往深水埗呢啲驚險路線
好似感覺無咁悶,同埋[b]累積實戰經驗[/b]!!:smile_40:
渣出街感覺係非常良好,好似學車係為左學車,唔係為左考試。
至於窄位掉頭同泊車起九龍仔公園果邊學。
呢個經驗好痛苦,因為時時都好多人,要排隊等。
---
頭幾堂起九龍塘學轉彎,轉90度角,轉45度角,微微轉彎,拎果種轉彎既感覺。
學入波、極力子震、後波倒後,停車。
同師傅學有少少理論課,第一堂係純玩,第二堂就係理論課,講notes。
例如扭軚手勢,轉線爬頭要點做,上斜開車停車點做,煞車點做等。
其他時間佢就當你已經熟哂啲理論,基本上佢教左一堂理論就交俾你自己自修。
[b]自修很重要[/b] 重覆一次 自修非常重要!(因為自修唔洗$) :loveliness:
每一次上完堂寫返低自己學左d咩,有咩地方可以做好d。
因為相信我,你學完一堂好快就唔記得左啲野,下次再犯師傅又會鬧:smile_34:
第3堂開始學泊車掉頭。
第5堂就去路試試場行即係第10課。
師傅話早左帶我去試場行,話我未夠班哈哈。
[attach]6251357[/attach]學掉頭泊位排隊排到傻左。

[[i] 本帖最後由 Camazotz1022 於 2017-3-30 08:20 AM 編輯 [/i]]

Camazotz1022 2016-12-5 05:03 PM

[b]5. 點樣主導自己既學習?[/b]
鐘意練邊條路線,入閘口兜個圈,幾時學考試路線,幾時想學泊車掉頭,最好都係自己同師傅提出。
[b]建議平均啲,每學兩三次路試,練返一次掉頭泊車[/b]
因為初學唔係咁熟,好容易生疏,我明,掉頭泊車好悶,好多車排隊等學,但對路試有好大幫助
學返望鏡擰頭,打燈,扭軚呢啲基本功。
同埋考試會緊張,有考官坐你隔離,起碼表現打7折
所以學果時一定要專心做好,做足全套100分之100咁先確保自己考試唔會緊張失手。
背熟哂啲步驟。
其實泊車掉頭就係記formula。無路試咁多唔同既路面情況要tackle。

[attach]6251390[/attach]
某一日大雨中學習。
---
[b]6. 點樣學先最有效率?[/b]
建議:自己要[b]googlemap youtube[/b]熟習路線,
邊度轉左轉右,邊度靠左靠右,邊度要打燈,邊度有紅綠燈/斑馬線,紅綠燈係快定慢轉燈,邊啲係上3波既位,邊啲位有好多死車,邊啲位啲行人會亂過馬路 等等。
重覆 要[b]好熟習 好熟習 考試路線[/b]。
建議:print出黎 貼起房入面當眼位置 逼自己熟條路線 每個地方既注意點!
我睇youtube考試路線 睇左幾多次?數唔清咁多次。
好多駕駛習慣/sense靠睇片build出黎。
例如兩條線 前面有死車 迎面有大車 要起死車後兩三個車位停車 等大車過左先可以轉線爬頭 唔好做三文治。
當呢啲駕駛習慣已經auto build-in左之後 你學車時可以專注多啲突發狀況
(例如阿婆突然衝出黎過馬路、有阿叔起馬路上面推傢俬霸左一條線、有小巴突然打死火燈)
多啲腦空間諗野。
我睇好多呢位梁師傅教車video。
[url=https://www.youtube.com/watch?v=0k7833u7yWs]https://www.youtube.com/watch?v=0k7833u7yWs[/url]
睇video學左好多野 呢篇文向呢位梁師傅致敬!
你啲video拍得好pro!!:smile_40:
有時搭巴士都會企前面留意下司機大哥點渣車。
司機大哥說:小姐,好危險架企前面!後面有位你又唔坐!
[b][attach]6251391[/attach][/b]
[b][attach]6251392[/attach][/b]

[[i] 本帖最後由 Camazotz1022 於 2018-9-21 08:56 AM 編輯 [/i]]

Camazotz1022 2016-12-5 05:06 PM

[b]7. 考試攻略[/b]
[b]平常心。淡定有錢淨![/b]
Dress code: 斯文 尊重考試場合 你去公開試點樣著 應該差唔多。
裇衫 長褲實無死。斷估你唔會背心短褲踢拖去考?:smile_41:
First impression!
考試流程:報到(考試信,身份證,學牌)
拎兩個牌掛車頭車尾,寫住[b]「駕駛考試」[/b]
上車等考官入黎, 乜都唔好做, 千祈唔好玩手機,
做last minute silent review, 起腦海重溫一次考試路線, 有咩要注意,
最後一次提醒自己唔好緊張!
---
阿sir上車就問候左阿sir先:「阿sir你好/午安你好」 (無理由叫師傅早晨啦)
放身份證,學牌係司機位旁邊等考官check。
等佢check的同時 做少少門面功夫 [b]凳 鏡 波~[/b]
凳:調校返張凳係平時學車舒服果個位置
鏡:後鏡~適合自己高度既
波:check空波~
做視力測試 考官說:幫我讀一讀做緊掉頭果架車既車牌號碼。
考官表示:如果你準備好,就可以開車喇。
[b]動作要誇張![/b]每一次擰頭擰120度。左中右鏡!擰頭!每個動作都做到足。
記住:起呢一刻你係一個臨時演員!:smile_30:
考官說:前面路口轉左
回答:係!前面路口轉左!
[b]緊記:考完試,熄匙入一波![/b]
---
[b]8. 重考注意[/b]
不幸重考左兩次。所以希望其他有心學車既人唔好好似我咁浪費金錢時間啦~
主要衰[b]扭軚姿態不正確[/b] :一定 一定要[b]扭豬腸[/b]!第1,2堂就會學扭軚轉彎,千祈唔好學啲車神咁單手扭軚或交叉手
師傅話:考到牌你就係神仙!你而家同我扭豬腸!:smile_27:
[b]轉線無留意路面情況[/b]:考果時要轉線,衰緊張心急,以為後面的士讓我,所以好快就cut左過去(大埔道入隧道之前)一tick即死(嚴重)
師傅教渣車切忌心浮氣燥,要耐心忍讓~
[b]轉彎位置不正確[/b]:師傅會教你轉左同轉右果個轉彎reference point唔同
同埋轉幾多個圈, 轉得快又唔得轉得慢又唔得, Timing要好準確, 力度要好Balance.
[b]腳掣控制不正確[/b]-超速?(大埔道入隧道)有時過左40km/hr,所以轉彎落斜要小心控制,輕踩腳掣,唔好過40km/hr
師傅都係果句:考到車你就係神仙!頭文字D都有得你渣!你而家同我睇住個速度錶做人!
(當然 唔好超速啦:smile_38:)
---
重考都係去返運輸署填FORM排隊報考試=>TD82 駕駛考試申請表, 報返fail左果part
可能你會問, 要學幾多堂再去考過?
呢樣野好個人姐, 我覺得第二次考返同一條路線。學返5堂好保險。
第三次考係新路線所以我又學多左6堂去熟習條路線。
排快期都得。
[url=http://www.td.gov.hk/filemanager/sc/content_110/repeater_early_test_appointment_booking_service_notes_to_candidates_chi.pdf]http://www.td.gov.hk/filemanager/sc/content_110/repeater_early_test_appointment_booking_service_notes_to_candidates_chi.pdf[/url]
重考生快期預約須知
每朝早7:30am爭空缺,先到先得,申請7日後至30日內的快期空缺~
[attach]6251400[/attach]
起九龍塘學車,好多家長車~
[attach]6251401[/attach]
學掉頭泊車既時候會俾人插隊小心:smile_34:

[[i] 本帖最後由 Camazotz1022 於 2017-4-10 12:08 AM 編輯 [/i]]

Camazotz1022 2016-12-5 05:07 PM

[b]9. 跟駕駛學院學係點?(借frd share)[/b]
因為我淨係跟師傅學過, 為左大家有少少比較, 大概知道跟駕院學係點樣一回事,
我搵左frd A 幫手引用佢篇學車總結~俾大家參考下啦哈哈:loveliness:
以下:
「[font=標楷體][學車總結(長文慎入)]
話說我係沙田學院報棍波客貨van,變左冤大頭,冇做功課去到學第五、六堂先發覺比左成皮野但[b]d堂數唔夠用[/b],根本冇可能揸得好。[/font]
[align=left][font=標楷體]跟開阿sir係年輕暴躁果type成日都鬧我,雖然我都跟佢學左好多野。後來阿sir有個學生改左期,好多時間剩就問我加唔加堂。小弟屈指一算成500蚊一節當場就想黎句「哪有錢你____」,我拒絕左幾次阿sir就放棄左,仲有少少面左左,之後果堂就病左揾左第二個師傅代一堂課。[/font][/align]
[align=left][font=標楷體]第二個師傅係老師傅(三柴),開始有d唔慣但慢慢發現佢[b]指示好清晰[/b],7成order都係一隻字。跟完老師傅上一日就突飛猛進,糾正我好多毛病[/font][/align]
[align=left][font=標楷體]因此[b]堅係覺得要試多d唔同師傅[/b][/font][/align]
[align=left][font=標楷體]之後我就約左街外面師傅上左兩節。第一次揸駕院以外ge車感覺好唔同。[b]外面師傅好爽快[/b],平時駕院兩節行兩圈,跟街外師傅兩節行左四圈,因為冇交車問題。上完整體感覺唔錯,就開始有返d信心。[/font][/align]
[align=left][font=標楷體]臨考前分別去左[b]獨立訓練[/b]、[b]模擬考試[/b]同上晒佢d[b]理論堂[/b]。依部分好關鍵。模擬考試阿sir對我好好(咁岩果日要填問卷),比我揀路線我二話不說揀左最難ge河畔線。當然做得麻麻地,但阿sir好好咁教我點處理,變相免費多左一堂。理論堂我覺得最關鍵,周師傅講解得超正又好笑,一口氣上左六個鐘堂都完全唔覺得攰。[/font][/align]
[align=left][font=標楷體]考前其實打定輸數,[b]平常心去考[/b]。畢竟駕駛時間得14個鐘左右完全唔夠,失敗就預左。咁本身年輕阿sir叫我早40分鐘到學校,比我渣一圈先開考。點知我返到去,佢原來約左第二個學生上緊堂,分明報復我冇加堂考前練車,結果車都冇得試就考。[/font][/align]
[align=left][font=標楷體]阿sir暗裡同我講,考官好人,已贏一半,但認真冇咩信心。因為冇試車,開始有d雞手鴨腳,泊得太入,掉頭回少一圈,考官有望後有冇撞。本身冇諗過中期試都做唔好,唯有真係豁出去。[/font][/align]
[align=left][font=標楷體]路試,最「易」嘅銀城線。但好不幸,e個鐘數好多長拖車同巴士學緊車,因為要避開長長死車有兩次行左唔應該行ge右線又唔記得cut返左,好彩其他司機高抬貴手我先cut得切返左線再左轉。對我黎講最嚴峻嘅考驗係一架停左係左線近路口嘅洗地車。離遠見到佢以為死車諗住爬佢頭。點知係我cut右線果陣佢又開始郁,我唯有死死氣dum慢再cut返入左線跟佢尾。我心諗cut黎cut去咁多動作死硬。過左路口轉左我就唔理三七二十一爬佢頭。[/font][/align]
[align=left][font=標楷體]之後工廠區,勁多巴士同勁長貨車,但自己慶幸自己處理得幾好,阿sir成日話我反應慢揸唔到車,但事實上[b]謹慎處理複雜路面情況同樣重要[/b]。[/font][/align]
[align=left][font=標楷體]完左考試,等result果陣同阿sir講返,都預左死緊。但結果出黎果下真係喜出望外,極之僥倖,汗顏。堅係要多謝考牌官手鬆,唔洗一窮二白的我再破費。雖然阿sir教得一般,但其實都令我學左唔少野。[/font][/align]
[align=left][font=標楷體]考完阿sir又sell另一個課程。我知我有排都未夠資格揸出街,但500蚊一堂揾笨就免了。謝絕後我拿起黃紙,瀟灑絕塵而去。[/font][/align]
[align=left][font=標楷體]最後洗左12750 (學院+街+雜費)[/font][/align]
[align=left][font=標楷體]不建議駕駛學院除非你好有錢[/font][/align]
[align=left][font=標楷體]PS. 唔會揸出街住有自知之明[/font]」[/align]
[align=left]---[/align]
另注:有師姐推薦駕院一個自費(~$400)跟車睇三柴師傅邊開車邊講解考線既班, 真心幫助好大, 大家可以留意下。
如果自己跟師傅學, 建議:搵frd 渣車行一次條考線, 或者自己拎本筆記簿行個圈做下[b]實地視察[/b]...(好old school:P)
或者其實平時學車留意多啲, 邊d位有阿婆無聲聲走出黎, 邊d位小巴落客, 邊d燈位好快轉燈etc
補充:當然駕院都有其優點, 有比較好既customer service, 可以網上/電話預約上堂, 似一間學校。
跟師傅, 佢就係1 man band黎:smile_30: 基本上你就係同師傅聯絡, 約堂, 似私人補習。
無論你跟駕駛學院/ 駕駛學校/ 跟街師傅, 最緊要係跟一個[b]好師傅[/b]!:smile_30:
---
[b]點樣為之一個好師傅?[/b]
當然每一個人對好師傅既定義都唔同, 但以我學車一年經驗黎做少少分享。
一個好師傅係:
首先要朋友學過覺得好, 講解清楚, 學到野, 盡責準時, 唔呃鐘, 見到你錯會鬧爆既
點解佢要鬧爆?要記住:渣車係可以隨時撞死人/自己架!佢唔鬧你先驚...
佢除左會教你渣車技術/技巧之外,仲會教埋你駕駛態度/做人道理:smile_30:
我師傅一開始果幾堂成日拎啲剪報出黎講啲車禍點解會發生。心諗...:funk:
[b]仲有最重要既係:佢真心希望你pass[/b]:smile_30: (講得夠唔夠隱悔?)
呢樣野係憑感覺, 人夾人。
當然亦會有人prefer 好脾氣啲既師傅, 以理服人, 以德服眾, [b]個人選擇[/b]。
作為一個精明的消費者就要做好功課:P
希望大家都跟到個好師傅!!
切記:你係有[b]權利[/b]換/揀師傅架!!
合則來,不合則去。
---
之前提過[b]學車態度[/b]:
當然你係消費者,但同時都係一個學徒。
[b]「錯就要認,鬧要企定」[/b]
好簡單,做錯就認,就算無做錯,我都會照認:smile_30:
心諗我尊重你, 因為你有幾十年渣車經驗。
駁咀又如何??鬧交對我無好處, 錢每一分鐘都燃燒緊:smile_30:
師傅:喂!頭先無擰頭喎!
我:唔好意思,下次做返。
師傅:喂!頭先無擰頭喎!
我:x!我咪擰左囉!你做乜屈x我!
->最多下次做誇張啲囉啲動作, 無蝕架。
---
多謝好友的友情客串!
歡迎大家將駕駛學院學車經驗加入本文!
[attach]6255071[/attach]


學車時小心的士會隨時上落客。

[[i] 本帖最後由 Camazotz1022 於 2017-3-30 09:02 AM 編輯 [/i]]

Camazotz1022 2016-12-5 05:08 PM

以下俾大家參考下駕院package:
[attach]7261611[/attach]
UPDATED: 27/08/2017
[url=http://www.meghongkong.com/meg/index.php/app/index/HKSM_LGV]http://www.meghongkong.com/meg/index.php/app/index/HKSM_LGV[/url]
跟得駕駛學院學棍波van仔, [b]最平package[/b] 預返$10410(課程)+$548(學牌)+$510(考試)+$1500(租車)=[b]$12968賣單[/b]
包括以下內容:
16節 路面實習 =>一節係55分鐘, 有數得計即係上8堂, 每堂1hr50min = [b]Around 14.5 hour[/b]
自助網上編課
· 「理論課系列」四單元包括七主題
· 加送考試攻略包括:基礎訓練一套共三節、獨立訓練一節、模擬考試一節
· 代辦運輸署文件及考試排期報考人士須繳付$548學習駕駛執照費、$510運輸署考試表格費用及考試租車費$1500
· 可選擇鴨脷洲、沙田或元朗考線
· 全程使用 TOYOTA HIACE 棍波輕型貨車練習及考試
· 上課時間選擇限定於星期一至六18:30 - 22:30及 星期日及公眾假期08:30 - 17:30
· 以廣東話授課(Language of instruction: Cantonese)
---
以我平心分析, 14.5hr路面實習係唔足夠應付考試, 一定係要加堂/出去搵師傅補習
我覺得駕院係[b]側重理論課([/b]呢一part可以自修唔洗錢), 理論呢part我都同意好重要既~
而且之前提過駕駛學院係[b]唔[/b]guarantee 1 take pass
只係考線係比較少車同埋相對地易
但相對貴!
唔係幫駕院賣廣告/踩低佢地
而咁貴買咁少堂值唔值得,你地可以自己衡量一下~
---
幫大家計下盤數先!
比較:[b]搵師傅學30hr[/b], 即係20堂, 每堂1.5hr, 係20*$460 = $9200(實習)+$548(學牌)+$510(考試)+$1500(租車) = [b]$11758[/b]
乾淨俐落 輕鬆學左30個鐘:smile_14:~仲要係堂堂渣街車學真功夫!方為大師傅!
(路政署建議初次學車人士考車前要學30hr以上駕駛訓練)
---
[attach]6251464[/attach]
用的車係Toyota Hiace!
---
[b]後記:[/b]
呢篇文向我師傅~伍師傅致敬!多謝您狠狠地鬧 循循善誘地教!:smile_40:
以上資訊如有錯漏 敬請各路高手不吝賜教!
以上資訊係本人以學車考車經驗加少少網上資訊綜合而成。
祝各位學神 學車快樂 考牌成功!
Good Luck!:smile_30:
學車考車過程係有挫折有困難既,但考完之後覺得[b]一切痛苦都係值得[/b]哈哈!
1 take pass 固然係最理想,有邊個唔想1 take pass呢?
只係如果咁不幸肥佬左, 都要重拾鬥志, 再接再厲, 屢敗屢戰!
不。要。放。棄。:smile_34:唔得就考到得為止。
希望幫到你地啦~
希望鼓勵多啲女仔學車!!
我覺得[b]考車係人生必經階段[/b]黎架!同游水一樣,係一種生存技巧!
有啲人一到18歲就學~
有啲人到30幾歲事業有成有車先學~
有無車我覺得都可以學左車先~:loveliness:
而且越後生學越好!
好後悔果時無18歲就即刻學哈哈!
最後,你的回覆是我的動力!
覺得有用就share俾frd啦~
[b][attach]6251465[/attach][/b]
[b][attach]6251466[/attach][/b]
:loveliness::loveliness:

[[i] 本帖最後由 Camazotz1022 於 2017-8-27 09:09 AM 編輯 [/i]]

Camazotz1022 2016-12-5 05:09 PM

[b]附錄:[/b]
[b]10. 學神筆記/口訣(editing)[/b]
[url=https://www.youtube.com/watch?v=ysm4VRghNwI]https://www.youtube.com/watch?v=ysm4VRghNwI[/url]
from InitialPhk
呢段片學到好多, 多謝InitialPhk~
[url=http://hk.apple.nextmedia.com/news/art/20050228/4698011]http://hk.apple.nextmedia.com/news/art/20050228/4698011[/url]
運輸署揭「必肥」六大錯 考車牌肥佬七成「冇擰頭」 蘋果日報
[attach]6251473[/attach]
私家車試合格率跌至25% 2016年02月27日蘋果日報
[url=http://hk.apple.nextmedia.com/news/art/20160227/19507761]http://hk.apple.nextmedia.com/news/art/20160227/19507761[/url][attach]6675565[/attach]
路試排期快師傅加價 港島學車貴20%
運輸署稱九龍 新界 考牌需求高 2016年02月27日 蘋果日報
[url=http://hk.apple.nextmedia.com/news/art/20160227/19507757]http://hk.apple.nextmedia.com/news/art/20160227/19507757[/url]
---
[url=https://www.hk01.com/%E6%B8%AF%E8%81%9E/98036/-%E6%B6%88%E5%A7%94%E6%9C%83-%E4%B8%8D%E5%90%8C%E9%A7%95%E9%A7%9B%E5%AD%B8%E9%99%A2%E5%AD%B8%E8%B2%BB%E5%B7%AE%E8%B7%9D%E6%9C%80%E5%A4%9A1-8%E8%90%AC%E5%85%83-%E4%B8%8A%E8%AA%B2%E5%9C%B0%E9%BB%9E%E5%BD%B1%E9%9F%BF%E5%AD%B8%E8%B2%BB]https://www.hk01.com/%E6%B8%AF%E8%81%9E/98036/-%E6%B6%88%E5%A7%94%E6%9C%83-%E4%B8%8D%E5%90%8C%E9%A7%95%E9%A7%9B%E5%AD%B8%E9%99%A2%E5%AD%B8%E8%B2%BB%E5%B7%AE%E8%B7%9D%E6%9C%80%E5%A4%9A1-8%E8%90%AC%E5%85%83-%E4%B8%8A%E8%AA%B2%E5%9C%B0%E9%BB%9E%E5%BD%B1%E9%9F%BF%E5%AD%B8%E8%B2%BB[/url]
【消委會】不同駕駛學院學費差距最多1.8萬元 上課地點影響學費 香港01  2017-06-15
---
[b]11. FAQ(editing)[/b]
#1. 考牌官真係咁得人驚?
#2. 女仔學車有咩難處?
#3. 駕院同跟街師傅學車合格率差幾遠?(以數據說服我)
---
[b]#1. 考牌官真係咁得人驚?[/b]
正所謂「知彼知己,百戰百勝」
[attach]6251474[/attach]
幫大家認下樣先!:smile_30:
頭號敵人:考牌官killer1號!!!:smile_34:
特徵:中國藉男子, 身高170+, 身材中等, 身穿白色裇衫, 綠色褲
習慣:戴黑超, 扮cool, 成日密密寫寫寫
武器, 絕技:tick你張黃紙, 無聲無色kill左你
性格:外剛內柔, 安全第一!
---
[b]#2. 女仔學車有咩難處?[/b]
相信大家身邊都不乏女仔frd考到車牌, 我覺得男仔同女仔學車係無乜分別。
可能男仔由細到大打開機做開運動手腳協調叻d!
但而家都好多女仔打機同做運動啦:loveliness:
隻腳可能短d, 但張凳可以拉前拉後。
可能成日要吊住極力子隻腳會累~
貼士: 平時學車同考車要著同一對鞋最好係著cons, 貪佢薄底+型仔
feel到吊極力子果個位(磨擦點)會易啲。
[attach]7241870[/attach]
---
[b]#3. 駕院同跟街師傅學車合格率差幾遠?(以數據說服我)[/b]

同大家一齊睇運輸署資料:smile_44:
一目了然。
[url=http://www.td.gov.hk/mini_site/atd/2016/tc/section3_19.html]http://www.td.gov.hk/mini_site/atd/2016/tc/section3_19.html[/url]
[2016年運輸署既運輸年報]
[attach]7261638[/attach]
注: *包括指定駕駛學校的數字(即係包埋沙駕元駕鴨駕)
** 不包括駕駛學校的數字, 即係私人出面搵師傅學
注: 乙部即係窄路掉頭泊車, 丙部係路試
---
好難睇? 經過我長時間既消化之後, 簡略同大家報告一下:loveliness:
2016年駕駛考試結果:
以[b]輕型貨車合併試[/b]為例,
計埋3間駕院有43200人報左合併試。
乙丙部都合格既有9289人 (合格率:25%)
淨係乙部合格有18112人 (48%) -> 即係淨係泊車掉頭合格~
淨係丙部合格有950人 (3%) -> 即係淨係路試合格~
乙同丙部都唔合格有9444 (25%)
注:報左合併試既人包括第一次考既人, 同埋第一次考肥哂乙丙部既人, 佢地要再報多次合併試
所以合理分析[b]1 take pass既人少於25%[/b], 亦都係點解佢地咁神。:smile_34:
---
唔計3間駕院有33495人報左合併試。
即係佢地自己起出面搵師傅學車(43200-33495=9705, 即係有9705人[b](~22%)[/b]係起3間駕院學車考車)

乙丙部都合格既有6537人 (合格率: 23%)
淨係乙部合格有12790人 (45%) -> 即係淨係泊車掉頭合格~
淨係丙部合格有820人 (3%) -> 即係淨係路試合格~
乙同丙部都唔合格有8278 (29%)
---
幫大家畫張簡單table了解下:
[attach]7261665[/attach]
咁比較兩項資料:
計埋駕院vs唔計駕院:
乙丙部都合格係高2%
淨係乙部係高3%
淨係丙部係一樣都係3%
乙丙部都唔合格係低4%
---
而詳細想知道直接駕院考VS non-駕院考可以參考呢個。
[color=#003080][b][u]http://www.td.gov.hk/filemanager/en/content_4856/table53.pdf[/u][/b][/color]
月內按考試類別劃分之計劃及已進行的駕駛考試次數 (二零一七年五月)
---
[b]點樣搵最新運輸處合格率既資料?[/b]
[url=http://www.td.gov.hk/tc/transport_in_hong_kong/transport_figures/index.html]http://www.td.gov.hk/tc/transport_in_hong_kong/transport_figures/index.html[/url]
交通運輸資料月報->你想睇既月份->第五組 : 駕駛執照、違例駕駛及檢控數字->表5.2 月內按考試類別劃分之計劃及已進行的駕駛考試次數
咁樣就會搵到以上既數字作為參考指標,
終於明白到考車係無想像中咁容易!:smile_o04:
師傅!我明白了!
---
我起呢度都唔方便討論得咁詳細:smile_30:
而大眾話既駕院合格率高啲係不無道理,
睇返你自己既[b]學車需要[/b], 係為左考牌, 定係為左學真功夫?
---
[b]即係駕院完勝? [/b]未必。
其實發現合格率差別都唔係好多同埋考試果個人係你。1個人。
呢個報告係講緊general picture講緊全港幾萬人考車。
而考唔考得成都係睇天時地利人和同埋閣下既駕駛技術。
廢話哈哈
以上。

[[i] 本帖最後由 Camazotz1022 於 2017-8-27 09:04 AM 編輯 [/i]]

cz95123 2016-12-5 06:38 PM

有心機文👍🏻👍🏻
香港學車同埋考車係咪有車速限制?
係元朗成日見到啲學神係50既路渣20-30😞(even前面冇車,綠燈,道路暢通)



仲有聽過咩最少要上一次3波,😱咁咪差唔多2波渣全程? 上4波會fail?🙈😂

葉孝禮 2016-12-5 07:07 PM

:lct_30
:smile_o12:强

Camazotz1022 2016-12-5 07:20 PM

[quote]原帖由 [i]cz95123[/i] 於 2016-12-5 06:38 PM 發表 [url=http://www.discuss.com.hk/redirect.php?goto=findpost&pid=452718349&ptid=26290971][img]http://www.discuss.com.hk/images/common/back.gif[/img][/url]
有心機文👍🏻👍🏻
香港學車同埋考車係咪有車速限制?
係元朗成日見到啲學神係50既路渣20-30😞(even前面冇車,綠燈,道路暢通)



仲有聽過咩最少要上一次3波,😱 ... [/quote]

多謝鼓勵:loveliness:

師傅教 唔可以過40km/hr, 要搵1-3個位上3波(show俾考官睇你有能力上3波, 唔係全程2波行哂)
邊d位上3波, 師傅會教/上網睇片/自己判斷~ 好多時要[b]睇路面情況[/b]~
總之 正路 [b]路面暢順 [/b]前面未咁快有紅綠燈//斑馬線//巴士站//小巴站 就可以上3波
學車果時成日俾師傅chur 上3波, 落2波 ... 所以功多藝熟:smile_34::smile_34:

大奸樂 2016-12-5 07:25 PM

師姐好有心機的分享:smile_13:

吉列玉子 2016-12-5 07:39 PM

好有心機呀 支持

kk9ghost 2016-12-5 08:05 PM

[quote]原帖由 [i]cz95123[/i] 於 2016-12-5 06:38 PM 發表 [url=http://www.discuss.com.hk/redirect.php?goto=findpost&pid=452718349&ptid=26290971][img]http://www.discuss.com.hk/images/common/back.gif[/img][/url]
有心機文👍🏻👍🏻
香港學車同埋考車係咪有車速限制?
係元朗成日見到啲學神係50既路渣20-30😞(even前面冇車,綠燈,道路暢通)



仲有聽過咩最少要上一次3波,😱 ... [/quote]


學車行得慢,主要係因為考車要做足步驟,好似爬死車頭,考試你要幾個車位前就打燈望鏡擰頭,如果你行得快,係爬頭前做唔遲而突然扭出去爬嘅咁就已經肥左
而且學神手車唔熟,要慢先有時間應付突發情況,例如死車中間突然有人行出黎,你慢唔遲又肥

至於波段,考試指引講明唔可以單用1或2波行,所以學車會教你邊啲路段易啲上到3波,至於4波唔係唔用得,只係上邊都講左,考車無需要快,而3波已經夠你踩到四五十km/h

[[i] 本帖最後由 kk9ghost 於 2016-12-5 08:18 PM 編輯 [/i]]

cz95123 2016-12-5 08:36 PM

[quote]原帖由 [i]kk9ghost[/i] 於 2016-12-5 08:05 PM 發表 [url=http://www.discuss.com.hk/redirect.php?goto=findpost&pid=452723682&ptid=26290971][img]http://www.discuss.com.hk/images/common/back.gif[/img][/url]



學車行得慢,主要係因為考車要做足步驟,好似爬死車頭,考試你要幾個車位前就打燈望鏡擰頭,如果你行得快,係爬頭前做唔遲而突然扭出去爬嘅咁就已經肥左
而且學神手車唔熟,要慢先有時間應付突發情況,例如死 ... [/quote]
我唔係香港考所以好奇問下唔同既野姐
🙈🙈
因為我呢邊個呀sir同我講路面暢通既話唔該你踩到去限制速度果到,限30英里就踩30,50既就50,唔超速就可,因為前面冇野又行得慢搞到有車龍既考官會大tick即fail🙈
咁當然見到路面情況有變咁都係要收油準備同埋比其他反應啦

thanks解答

Camazotz1022 2016-12-5 08:51 PM

[quote]原帖由 [i]葉孝禮[/i] 於 2016-12-5 07:07 PM 發表 [url=http://www.discuss.com.hk/redirect.php?goto=findpost&pid=452719870&ptid=26290971][img]http://www.discuss.com.hk/images/common/back.gif[/img][/url]
:lct_30
:smile_o12:强 [/quote]
多謝支持:loveliness:

Camazotz1022 2016-12-5 08:53 PM

[quote]原帖由 [i]大奸樂[/i] 於 2016-12-5 07:25 PM 發表 [url=http://www.discuss.com.hk/redirect.php?goto=findpost&pid=452721007&ptid=26290971][img]http://www.discuss.com.hk/images/common/back.gif[/img][/url]
師姐好有心機的分享:smile_13: [/quote]
多謝您 :loveliness: 唔知幫唔幫到你呢 ~

Camazotz1022 2016-12-5 08:54 PM

[quote]原帖由 [i]吉列玉子[/i] 於 2016-12-5 07:39 PM 發表 [url=http://www.discuss.com.hk/redirect.php?goto=findpost&pid=452721997&ptid=26290971][img]http://www.discuss.com.hk/images/common/back.gif[/img][/url]
好有心機呀 支持 [/quote]
多謝鼓勵:smile_40:會繼續努力update

疾之癲 2016-12-5 09:30 PM

多謝樓主既分享~
另外想問你係跟伍X富師傅學既嗎?:smile_13:

大奸樂 2016-12-5 09:37 PM

[quote]原帖由 [i]Camazotz1022[/i] 於 2016-12-5 08:53 PM 發表 [url=http://www.discuss.com.hk/redirect.php?goto=findpost&pid=452726275&ptid=26290971][img]http://www.discuss.com.hk/images/common/back.gif[/img][/url]

多謝您 :loveliness: 唔知幫唔幫到你呢 ~ [/quote]


其實妳個帖似廣告多d:loveliness:
不過都係誠意十足:smile_38:
資料充足的帖:smile_o12:
不過幫唔到我,我肥左:smile_27:
我租車錢都係考試個日俾。
唔駛一次過俾。我租車$1300:smile_53:

kk9ghost 2016-12-5 09:57 PM

[quote]原帖由 [i]cz95123[/i] 於 2016-12-5 08:36 PM 發表 [url=http://www.discuss.com.hk/redirect.php?goto=findpost&pid=452725363&ptid=26290971][img]http://www.discuss.com.hk/images/common/back.gif[/img][/url]

我唔係香港考所以好奇問下唔同既野姐
🙈🙈
因為我呢邊個呀sir同我講路面暢通既話唔該你踩到去限制速度果到,限30英里就踩30,50既就50,唔超速就可,因為前面冇野又行得慢搞到有車龍既考官會大tick即 ... [/quote]


當然啦,太慢係香港一樣會肥
至於考車速度又好難同其他地方直接比較嘅,始終香港路面人多車多,又有好多車/人唔守交通規例

CYANNH 2016-12-5 11:16 PM

雖然好長但都畀我睇哂~
呢篇好有用,唔置頂好曬

P.S 下年2月中考 忠義

631250312 2016-12-5 11:33 PM

太厲害了,朕資質咁都要柒次

Titanium3 2016-12-5 11:38 PM

[b]補充返 "[/b][b]2. [/b][b]點報名" [/b][b]果部份[/b]

[b]STEP 1[/b]: 填form [b]申請駕駛考試[/b] 報筆試 俾考試費($510) 拎筆試期
只可以響 [b]金鐘[/b] & [b]長沙灣[/b] 兩個 Center 做
[b]觀塘[/b] & [b]沙田[/b] 呢兩個 Center [b][u]不設駕駛考試申請[/u][/b]
[b]觀塘[/b] & [b]沙田 [/b]呢兩個 Center 係[b][u]冇筆試考試中心[/u][/b]
[b][/b]
[b]STEP 2[/b]: 到學車之前先返運輸署[b]申請學牌[/b](即學習駕駛牌照, $548), 因為學牌valid一年。
學牌就 [b]金鐘,[/b] [b]長沙灣, [/b][b]觀塘[/b] & [b]沙田 [/b]4 個 Center 都做到

Camazotz1022 2016-12-6 12:33 AM

[quote]原帖由 [i]疾之癲[/i] 於 2016-12-5 09:30 PM 發表 [url=http://www.discuss.com.hk/redirect.php?goto=findpost&pid=452728088&ptid=26290971][img]http://www.discuss.com.hk/images/common/back.gif[/img][/url]
多謝樓主既分享~
另外想問你係跟伍X富師傅學既嗎?:smile_13: [/quote]

多謝你支持:loveliness:
可以開名既咩呢度?:funk:
你想知就PM我啦:smile_30:

Camazotz1022 2016-12-6 12:36 AM

[quote]原帖由 [i]大奸樂[/i] 於 2016-12-5 09:37 PM 發表 [url=http://www.discuss.com.hk/redirect.php?goto=findpost&pid=452728448&ptid=26290971][img]http://www.discuss.com.hk/images/common/back.gif[/img][/url]



其實妳個帖似廣告多d:loveliness:
不過都係誠意十足:smile_38:
資料充足的帖:smile_o12:
不過幫唔到我,我肥左:smile_27:
我租車錢都係考試個日俾。
唔駛一次過俾。我租車$1300:smile_53: [/quote]
我都覺得自己似賣廣告:smile_30:多謝支持!
咁你幾時再考過啊?
呀,係啊,師傅話[b]租車費都可以考試果日俾[/b],大家夾左點樣俾先。[補充返先]
$1300咁平?:smile_27: 我考左3次 租左3次 講真幾肉赤:smile_27:

Camazotz1022 2016-12-6 12:40 AM

[quote]原帖由 [i]kk9ghost[/i] 於 2016-12-5 09:57 PM 發表 [url=http://www.discuss.com.hk/redirect.php?goto=findpost&pid=452729483&ptid=26290971][img]http://www.discuss.com.hk/images/common/back.gif[/img][/url]



當然啦,太慢係香港一樣會肥
至於考車速度又好難同其他地方直接比較嘅,始終香港路面人多車多,又有好多車/人唔守交通規例 [/quote]

多謝c hing補充:loveliness:
其他地方原來學車咁chur架:smile_41:
真係唔多清楚其他地方點樣
但我每次過左40km/hr就會俾師傅鬧爆:smile_30::smile_30:
速度的快感?留返你拎左個牌先啦!!

Camazotz1022 2016-12-6 12:42 AM

[quote]原帖由 [i]CYANNH[/i] 於 2016-12-5 11:16 PM 發表 [url=http://www.discuss.com.hk/redirect.php?goto=findpost&pid=452734101&ptid=26290971][img]http://www.discuss.com.hk/images/common/back.gif[/img][/url]
雖然好長但都畀我睇哂~
呢篇好有用,唔置頂好曬

P.S 下年2月中考 忠義 [/quote]

多謝你睇曬:smile_40:多謝鼓勵!
本身無咁長架,係越打越多野:smile_30:
想將自己由一開始0 concept到考過3次既經驗share出黎
睇下幫唔幫到人
加油!:loveliness:祝你1take。

Camazotz1022 2016-12-6 12:43 AM

[quote]原帖由 [i]631250312[/i] 於 2016-12-5 11:33 PM 發表 [url=http://www.discuss.com.hk/redirect.php?goto=findpost&pid=452734908&ptid=26290971][img]http://www.discuss.com.hk/images/common/back.gif[/img][/url]
太厲害了,朕資質咁都要柒次 [/quote]
:smile_41::smile_41::smile_41:
多謝支持。

Camazotz1022 2016-12-6 12:53 AM

[quote]原帖由 [i]Titanium3[/i] 於 2016-12-5 11:38 PM 發表 [url=http://www.discuss.com.hk/redirect.php?goto=findpost&pid=452735151&ptid=26290971][img]http://www.discuss.com.hk/images/common/back.gif[/img][/url]
補充返 "2. 點報名" 果部份

STEP 1: 填form 申請駕駛考試 報筆試 俾考試費($510) 拎筆試期
只可以響 金鐘 & 長沙灣 兩個 Center 做
觀塘 & 沙田 呢兩個 Center 不設駕駛考試申請
觀塘 & 沙田 呢兩個 Center 係 ... [/quote]
多謝c hing補充:loveliness:已經改好左

johnathanmak 2016-12-6 12:57 AM

pushhj
頁: [1] 2 3 4 5 6 7 8 9 10
查看完整版本: [多圖超詳細!!!] 女仔學車3 take pass 經驗分享 懶人包!!!