查看完整版本 : 《每個人點都要食一次檸檬》

趕故書生 2016-8-28 05:40 PM

《每個人點都要食一次檸檬》

鐘意我既故事可以去我既facebook page俾個like:loveliness:
你地既支持會係我繼續寫落去既動力:)

facebook page:
[url]https://www.facebook.com/scholar.story/[/url]

與此同時我個故有係高登同埋紙言連載


高登:[url]http://forum7.>>><<</view.aspx?type=SY&[/url];message=6515289&highlight_id=0&page=1&authorOnly=False

紙言:[url]https://www.shikoto.com/i/z3Z[/url]

歡迎大家俾多d意見俾我:D

趕故書生 2016-8-28 05:43 PM

[img]https://scontent-hkg3-1.xx.fbcdn.net/v/t1.0-9/14045990_604547746394107_6618954475481815520_n.jpg?oh=f77d4ff8ba1d95c40807f70d0d7cba78&oe=5855D0E0[/img]


第一章【相遇】

呢個係一個中學雞既故事,我就係果個中學雞。

我叫林迪一,班朋友仔成日都叫我做迪迪仔。

果一年,我係中一仔,岩岩升上中學,乜都唔識。第一個識既,唔好話識,係知道既人,係叫彥雄既男仔。

因為我小學完全無fd入到呢間中學,反而對面果間中學就有成20個人入左去。

有時放學會見到好多小學同學一齊放學,可能唔同學校,身份唔同左,佢地無搵我,我都無搵佢地。

所以我一入黎就無咩朋友,雄仔係我當然唯一既朋友。

我地係銜接課程度識既,基本上暑假果一個月我地都一齊返學放學。

果陣時我地都無諗過,一識落一fd落,就fd足咁多年。

到左開學啦,我地分開左唔同班,銜接課程係一齊上,但估唔到會到唔同班。

我又變左無朋友,係自己果班度。

但係原來我地班好多人都係咁,因為大家無fd,所以同某一班人好快就熟左。

果陣時班主任會幫我地排位,但就幫我排左個我唔熟既人。

而坐係我隔離既人,卻對我黎講,曾經係如此咁重要。

坐係我隔黎果個,係一個叫西西既女仔。

佢姓西,單名一個西,唔知係咪佢老豆老母覺得打孖咁叫得意d,所以要叫西西。如果唔係一定係玩勁佢,唔講我仲以為呢個係佢花名。

但係西西呢個名係由班主任把口講出黎,無得你唔信。

因為我地班有40人,21女,19男,所以班主任就要男女男女咁坐,最後一個組合係女女咁坐。

而且仲要按高度咁坐,我一入黎既時候身高算高,所以都排係中後面,所以西西都有返咁上下,係果陣時黎講。

西西係個幾活潑既女仔黎架,呢d都係我後面先知。

當時既我亦都不以為然,係小學既時候,已經識睇邊d係靚,邊d唔靚。

依家諗返起都覺得自己人細鬼大,小五既時候就已經講邊個靚,邊個正啦,上到中學就更加唔洗講啦。

西西佢個樣唔差既,得得意意咁,剪左個清爽既短頭髮。

整體黎講就係普普通通咁啦,行出街就係普通既學生妹,一睇就知佢係岩岩升上中學既小學雞,未有中學生應有既青澀,遺留住小學生既稚氣。

我地安排坐埋一齊,一開始真係無咩計傾,同普通中學生一樣。

最容易熟,一定係坐埋一齊朝夕相對,日久生情。

但果陣時既我,諗既係,點都唔會係佢囉,因為我睇上既班上面最靚既晶婷。

柔順既長髮,綁左條長長既馬尾,嬌小玲瓏既身材,柔和既聲線,笑起上黎既迷人笑容。

晶婷係當時所有男仔所J既對象。

我自問條件都唔差,天生好動既我,各位運動都精通,足球籃球羽毛球甚至乒乓波,都曾經代表學校出去比賽,雖然最後都係落敗而回,但小學都受唔少女仔歡迎。

所以我都幾有把握溝呀晶婷返黎。

晶婷佢就坐係我左手邊再左手邊,而我左手邊就係西西!

如果我要偷望晶婷,我就實會望到西西。

但問題係我又唔想俾西西知道我會目及婷婷呀嘛。

我心入面會好親切咁叫佢婷婷,叫晶婷好生外呀嘛。

所以平時我J波多野結衣,為左親切d,我都會叫佢做衣衣。

利申:中一既時候唔知有bb呢個親暱既名,所以依家會叫返衣衣bb。

「Hi,你好呀,你讀邊間小學架?」我撩佢講野。

係我撩佢果陣,我將個視線好快咁轉左一轉,轉落婷婷度。

西西佢有d愕然,好似覺得我突如其來咁問佢野,會尷尬咁啦。

女仔係怕羞架啦。

「我讀XXXX小學架,你呢?」哇,間小學都幾出名喔。

「我讀XX小學,你果間小學都幾出名喔。」

「係咩?最後咪又係大家一齊入呢間中學,都無咩分別啦。」佢言語間帶點嘲諷,姐係帶骨。但又駁唔到。

「唔緊要啦,最緊要之後多多指教。」搞到我都唔知點接落去。

佢無應到我,估唔到佢份人如此冷漠。

我地熟左果班邊會咁架,傾兩傾就已經好傾得埋啦。

「係呢,你叫咩名?」我唔想咁Seven,無啦啦搞到靜左。

「西西。」佢又以簡短既文字黎回答我。

「呢個係你花名?」

「唔係,我姓西名西。」佢好似唔多想同人提起個名咁。

佢無言咁用眼神望住我,我就知,佢個名係大忌。

「我叫林迪一呀,你可以叫我迪迪仔。」我對住佢笑一笑。

順便望下隔離位既婷婷,婷婷隔離都係坐左個男仔。

而個男仔同我就相反既,音樂好叻,自細就鐘意音樂,鋼琴吉他咩都識,而佢係運動白痴,我就係音樂白痴。

佢份人都好風趣,見佢同婷婷傾得咁開心就知啦,係度有講有笑咁。

而我就同個西口西面既人坐!

唉…諗起都心酸。

本身仲諗住話同隔離果個fd d,之後係班度都會好玩d,點知原來咁難搞...

自從果次對話之後,我地呢幾日都無再講過野。

有好幾次我見佢好似都欲言又止咁,好似想同我講野咁,但又無開到口。

開左學差唔多一個禮拜,但差唔多我每日放學都同雄仔一齊放學。

開學都放早,無咩好擔心,未上堂,日日就係玩,其實時間過得好快,但又好開心。

「喂,雄仔,你隔離同邊個坐呀?」我同佢係學校附近食埋野先返屋企。

小學雞升上中學既lunch,都係老M架啦。

「無呀,同個女仔坐囉。」佢一邊咬住條薯條一邊講。

「點呀點呀?同個女仔相處成點?」我好好奇咁追問佢。

「佢幾nice呀,同我又幾岩傾,我地成日都吹水既。」佢憶起佢地既回憶,好似好開心咁。

我都想同隔離果個咁樣。

我唔明囉﹗明明我小學既時候,坐我隔離既女仔,都同我好投契架,點解依個會咁搞架!?

「你呢迪迪仔?」雄仔佢食完包薯條啦,開始食盒脆香雞翼。

真係識食一定係食脆香雞翼,因為我超鐘意食呢個餐,我都食緊。

「唉...」我嘆一口氣,開始吐我既苦水,「呢條女好難搞呀,唔理我咁,都唔知搞咩。」

「下?」佢有點驚訝,「識左無耐炸喎,佢會唔會係怕羞炸?鐘意你炸掛?」

「點會呀?」我一臉懷疑,但係又唔排除呢個可能喎。

「正唔正既先?」佢講到重點啦,無非都係想知呢d野既姐。

「唔算啦,正正常常咁啦。」

「但係婷婷就正啦!!!!講起都扯扯地。」

果陣時既男仔,好多小五小六就打飛機啦。

第二日,返到學已經係要上堂。

一到上堂,d氣氛已經唔同曬,同之前輕鬆既氣氛唔同左,變得嚴肅得多。

大家都好認真咁上堂,聽書既聽書,抄筆記既抄筆記。

就連婷婷都無同隔果個俊鋒傾計,全神貫注咁聽書。

都係一件好事黎既,等我有動力咁讀下書。

西西就同之前無咩分別,無咩點理我。

咁既然上緊堂囉,就無謂撩人地傾計啦。

到左小息啦喎,更加唔洗講,因為我會走去揾其他人玩,而唔會理佢。

我諗緊點樣先可以接觸下婷婷,但我見佢已經同一班女玩得好埋,但班女一睇就知係八婆。

通常靚女身邊,總有一個八婆係左近。

你唔覺係因為你唔知,但唔代表呢條八婆唔存在。

趕故書生 2016-8-28 05:46 PM

[img]https://scontent-hkg3-1.xx.fbcdn.net/v/t1.0-9/14079662_605534219628793_515759090261252956_n.jpg?oh=f11c9bc4adc423ef1f472273788cb56f&oe=58857AED[/img]


第二章(上)【不知不覺】

不過我未接觸佢,我仲未會落定論既。

佢身邊果d八婆我都係事後先至知,不過婷婷就唔覺得有咩問題,呢下先死。


好唔容易黎到中午,12點20分放飯,12點40分就可以出課室,周圍去玩。

我就同班fd 40分已經沖左落去打下排球呀籃球咁。

但中午落去打波真係好向左走向右走熱,烈日當空,曬到頭頂都熟埋,水煮龜頭咁款。

我後尾頂唔順返左去課室,去涼冷氣。

一返到去,課室空空如也,無咩人咁制,應該都係出曬去啦。

西西又唔係度,婷婷同果班女就圍埋係度吹水。

咁又係既,西西未融入度,應該成日都自己一個。

依家諗落又覺得佢幾可憐下,我份人鋤強扶弱既,我都唔想佢咁可憐。

但依家又搵唔到佢,一陣撩下佢傾計先得。

Hi,課室既冷氣仲慘過d風扇,一d都唔涼。

於是我沖上去圖書館度涼冷氣。

去到圖書館,要簽名,簽完名就經過d圖書櫃呀之類既,因為係入面有沙發坐,好舒服。

一去到個沙發,發覺俾人坐左。

無錯,無第二個,正是西西。

西西見到我,有點愕然。

但愕然完就繼續睇佢既書,完全無打算理我既理由。

「喂!乜你份人咁無禮貌架?見到人都唔打聲招呼既?」我扮嬲咁講。

「噓!」佢比左個叫我收聲既手勢,「呢度圖書館黎架,有咩咪返去講囉。」

可能我大聲得制,我自己講野大聲左自己都唔覺架。

但佢見到咁大聲同佢講野,對我都柔弱返,態度唔再強硬。

「做咩上左黎既?」我調低返個聲線同佢講。

「反正我都無咩野做,咪上黎hea下囉。」言語間,都感到佢孤單既心酸。

佢繼續睇佢手頭上既果本書。

唔知點解,我就係唔想佢再孤單一個。

我偷睇下佢睇咩書啦。

《三分球神射手》?佢會睇呢d咁既書?我忍唔住,細細聲咁笑左下。

「喂!笑咩姐!」佢啤一啤我,擺明係話俾我知,『有咩好笑呀?』既意思啦。

「無,我估唔到你會睇d咁既書姐。」我輕鬆咁帶過嚴肅既moment。

「咁...如果唔係你覺得我會睇咩書呀?」佢反問我。

以我果陣時知識,對書既認知實在有限。

「Um....Q版特工啦,又或者係君比既叛逆歲月囉。」我正係識呢d炸。

「我先唔會睇呢d無營養既野,呢本好睇呀!」佢對眼好似發光咁,呢本書真係咁好睇?

睇書?估唔到佢會鐘意睇書,而且又咁岩鐘意我果類,打波既書。

搞到我都有d興趣想睇下添,但我見佢係睇緊第三集,於是我就問,「第一集呢?」

「下?你又想睇?」佢嘟起個咀問我,我都唔明點解要嘟咀,可能無意啦,但咁睇落的確係幾可愛幾吸引。

「係呀,我都鐘意運動既,咪睇下囉。」

「點呀,係邊姐?」我見佢微微咁笑左一下,睇黎佢係開心左既。

唔知點解見到佢開心,我又會開心,可能覺得自己幫左人咁啦。

「係你前面果兩個書架姐,自己去揾啦。」佢指俾我睇。

跟住我就走去揾果本書,其間我都會望下佢,睇下佢有無望下我咁。

雖然係好低能,但始終都係忍唔住,睇下係咪好似呀雄咁講,佢係鐘意我。

我見到佢好專心咁睇緊書,一眼都無望落我度。

不過由佢既,遲下仲有機會證明既。

定還是只係我諗多左呢?我又唔想承認呢個事實。

揾到啦!揾到第一集。

佢既封面殘殘舊舊咁,確係幾難令人望得上眼,如果唔係佢介紹我睇,我都未必會睇。

跟住我就返去佢隔離坐,我地無傾計,好專心咁睇書。

估唔到一睇就上左癮,因為佢寫到打波好似打功夫咁,好鬼過癮,我完全俾佢吸引住,一邊睇文字,一邊幻想到果個畫面,好似睇緊電影咁。

唔經唔覺,我地睇到鐘聲起。

「返去上堂啦。」我摺一摺隻書角,合埋本書。

「喂,唔好摺埋個書角呀,咁樣會好傷本書架。」佢不滿我呢個行為。

「下?」呢樣野我真係第一次聽。

「咁唔摺既話,應該點呀?」

佢拎起佢本書,打開俾我睇,入面有張書籤。

佢對我笑一笑,露出佢既牙cool,的確笑起上黎唔係咁好睇,所以呢次我都係第一次見佢露齒笑。

估唔到佢之前都係微微咁笑,依家笑就唔同曬?

因為我一直盯住佢個牙cool,佢先意識到d野。

佢即刻合返埋。

然後就走左去借書。

我地一齊行返去課室,沿路我都有同佢講下野既。

「頭先唔該曬,我之後會用返書籤架啦。」

「唔洗客氣。」佢又回覆返頭先既冷淡。

十成九係尷尬啦覺得。

「但我又無書籤喎,咁點算呀?」

預左俾佢串架啦。

果然﹗「自己去買囉﹗」佢望都無望到我。

趕故書生 2016-8-28 08:41 PM

有意見都可以講出黎:smile_o06:

pingping33 2016-9-11 09:59 PM

多謝分享

gogsdeng 2016-9-12 07:17 AM

*** 作者被禁止或刪除 內容自動屏蔽 ***

香土真係無得頂 2016-9-12 09:15 AM

感謝分享:smile_44:
頁: [1]
查看完整版本: 《每個人點都要食一次檸檬》