查看完整版本 : 我和她的短暫戀愛

qqqqq1111111111 2016-6-27 03:37 AM

我和她的短暫戀愛

我和她在14歲時候相識,當時年紀小,只拍拖大概一個月就分手。分手後斷斷續續都有聯絡,但到大概20歲的時候,就失去聯絡。之後我們大家都各自結婚,生仔,之後大家都經歷婚姻失敗。好幸運,喺分手23年後,今年3月我喺fb撞返見佢,我鼓起勇氣向佢say hi,跟住我都有一直keep住同佢聯絡。喺大家一直信息嘅時候,我發覺自己原來對佢仲有感覺,跟住就鼓起勇氣向她表白,但係因為某d原因,她拒絕咗我,說我只係佢一個好重要的朋友。之後我曾經同佢嘈過一場好大嘅交,差d令到我地連朋友都無得做,幸好最後都和好如初。之後我都一直用對待朋友嘅方式去對待佢,大家亦都相處得好開心。到咗5月28號,因為某d原因,佢去咗我屋企幫我整d嘢,整完之後我地都有傾吓計,到佢要走嘅時候因為落大雨,咁我就送佢去地鐵站,可能因為大雨嘅關係,佢就kiu住我隻手,講咗句“唔洗負責任㗎呵”,咁我當時就無答佢任何嘢。之後一直都好似朋友咁無任何嘢發生,到咗6月4號,亦都即係我生日,嗰日本來約咗佢喺荃灣,因為佢陪我睇醫生,但嗰朝早佢忽然早咗出嚟,仲上咗我屋企揾我,跟住突然間攬住我,鍚咗我個咀一啖,同我講生日快樂,我當時好開心,但亦都未明白佢呢個舉動係因為我地係好朋友,定係接受我。之後落到街佢主動kiu住我,我亦有主動拖返住佢,之後我地就好似一般男女朋友咁去街。之後相處下去,我地亦都有好似一般人拍拖咁,亦有爭吵過,但最終都無事。到咗6月10號晚,佢約咗我食飯,佢出到嚟從見到我之後,就不停覆佢d朋友信息,無論係行緊街,食緊飯,食完飯返到我屋企,都係不停覆信息,我連想同佢傾吓計嘅機會都唔多,畢竟我地唔可以日日見面(因佢有兩個囡要照顧),我當時好想發脾氣,但我唔想破壞大家嘅感情,就忍住。到送咗佢走之後,我亦都有提出,剛才有呢個情況出現,大家亦都嘈咗幾句,但之後又無嘢。到咗6月12號,因為我唔舒服,佢一早就出咗嚟睇我,買嘢食比我,當日我地又為咗一d小事爭吵過,到她走了之後,我地再喺電話嘈咗一次大獲嘅,大概意思就係我唔信任佢,比唔到空間佢,但我自問我唔會管佢去邊,我只想佢去邊都同我講聲,因為我唔可以陪伴喺佢身邊,我只係擔心佢,同埋回家後打比我或信息我就可以。佢話佢做唔到每次去邊之前都同我講,覺得我管住佢好辛苦。嗰晚我地嘈得好利害,到訓醒之後,即係6月13號早上,我地又喺微信嘈(因為佢要返工,唔方便講電話),到佢放工後,我同佢喺電話又嘈,佢終於都同我講頂唔順我管住佢,迫得佢太緊,我地亦都隨之結束短短10日嘅愛情。之後呢兩個星期裡,我發覺自己根本放不低佢,我後侮,我後悔自己無做好本份,去好好愛佢,反而去傷害咗佢!我傷心,並唔係因為失去咗佢,而係傷害咗自己愛嘅人!呢兩個星期,我每日都食唔落,訓唔著,唯有不停飲酒,希望飲多d會訓得著,但原來係唔得㗎!每日都不停心跳,透唔到氣,個心又好怯!我知道我而家後悔已經太遲,但我會遵守我自己對佢嘅承諾,我會愛佢一世,永遠都守護在佢身邊,那怕我地再無機會喺返埋一齊!我分享我自己嘅故事,係希望大家都永遠記住,要珍惜眼前人!

[[i] 本帖最後由 qqqqq1111111111 於 2016-6-27 03:57 AM [url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg [/img][/url] 編輯 [/i]]

peace12 2016-7-6 03:40 PM

傻的嗎,你們都近40了還咁好火,你要知道每人都是個體,和你結婚都不是屬於你的,每人都有自由做任何野,拿出你的耐性和量度吧,反正結了婚都不能保証對方唔會暗地同人上床,隨緣吧不要給對方知道便可.
到了50便會定下來一起面對生活,到時咩都玩夠.

ca1004 2016-7-8 04:36 PM

[quote]原帖由 [i]qqqqq1111111111[/i] 於 2016-6-27 03:37 AM 發表 [url=http://www.discuss.com.hk/redirect.php?goto=findpost&pid=443658899&ptid=25896115][img]http://www.discuss.com.hk/images/common/back.gif[/img][/url]
我和她在14歲時候相識,當時年紀小,只拍拖大概一個月就分手。分手後斷斷續續都有聯絡,但到大概20歲的時候,就失去聯絡。之後我們大家都各自結婚,生仔,之後大家都經歷婚姻失敗。好幸運,喺分手23年後,今年 ... [/quote]
往事只能回味,向前睇啦!



[url=http://www.discuss.com.hk/iphone][img=100,23]http://i.discuss.com.hk/d/images/r10/iphoneD.jpg[/img][/url]

今天狂野的貓奴 2016-8-22 02:02 AM

成熟d啦老友!:smile_45:

pingping33 2016-9-11 10:00 PM

多謝分享

gogsdeng 2016-9-12 07:16 AM

*** 作者被禁止或刪除 內容自動屏蔽 ***

香土真係無得頂 2016-9-12 09:17 AM

感謝分享:smile_44:

Nickas 2016-9-30 07:05 PM

Oh
頁: [1]
查看完整版本: 我和她的短暫戀愛