查看完整版本 : call of duty: Black OPS 3 玩後感(劇透注意)

ronau 2015-11-15 09:38 PM

call of duty: Black OPS 3 玩後感(劇透注意)

首先放左最後一關既片段俾大家睇先.

[url=http://www.twitch.tv/ronnieayys234/v/25845768]http://www.twitch.tv/ronnieayys234/v/25845768[/url]

如果想由頭開始睇就click哩個啦

[url=http://www.twitch.tv/ronnieayys234/profile/highlights]http://www.twitch.tv/ronnieayys234/profile/highlights[/url]

斷斷續續用左一個星期終於都打爆左啦.咁我就簡單地就有既模式講下有咩感想啦.

劇情模式:

今集好特別既因為係有中文版所以d劇情都叫睇得明最多係唔理解架姐.佢哩一代做得唔錯既,

劇情簡單直接,又緊湊.佢既戰鬥同劇情之間既轉場位係無blank screen既令到我好似身歷其境咁.

亦都因為咁玩個時令到我唔敢放鬆因為唔知幾時又要打過啦真係好鬼緊張但哩種感覺好正.我

覺得咁先似槍game.關數就11關基本上我當自己拍緊咁.

咁好玩之處當然唔止咁啦.佢其他野都做得唔錯如有得買槍,改槍同學技,學天賦令到戰鬥時可以有更多

既途徑去殺敵從而節省時間同降低難度.而天賦就分左3種既,每種都佢獨特既用法同優缺點.用邊個玩可以

睇任務總覽黎分析下.不得不提既就係佢個模擬訓練.如果你對槍械或天賦等等有咩疑問可以透過哩樣野去

試一試咁就唔會買錯野啦.仲有一點就係今集係用自創角的所以玩得好有feeting.

多人連線:

有追開cod既一定唔會陌生架啦什至可能會玩到厭.講真我都係除左科技比上一代進步之外基本上

玩法千篇一律.唔知係咪因為咁今集係唔同哂.無錯個底其都係咁架啦,唔係鬥殺就搶旗啦.之後連殺幾多人就

call乜call乜咁.咁變左d咩呢??變左既就係唔似之前咁只得改槍同整連殺or被連殺技能.今集佢玩到好似destiny

咁可以揀職業,而且每個職業都有絕招的.隨住你既lv越高就可以開到更多既職業出黎.仲要有排名玩所以刺激左既

講真整埋防護罩就成隻destiny咁

喪屍模式:

講真哩集既喪屍模式係我玩過cod系列喪屍模式中畫質最靚,功能最多同敵人種類最多既一代啦.

除左以往喪屍模式都有既之外今次仲多左被動技可以裝備,而且有陷阱係地圖上俾你殺怪.


你仲可以吸火盤變怪獸打怪.怪方面除左主角怪喪屍之外仲多左識飛天既虫呀自爆怪仲有大隻佬(唔知點叫)令到難度更高.


夢魘:哩個就好特別既,要爆左劇情模式先會開放.基本可以話係劇情模式既喪屍版.玩家要借助希洛絲既力量阻止


提摩斯既喪屍計劃從而令地球唔會變成喪屍世界.


基本上可以話係神話化既哩個mode.由於故事一開始就講玩家已經死左啦.


所以唔會好似劇情模式咁有咁多野比大家試.所以建議大家用新手難度玩就ok啦.


總結:講左咁耐其實就想同大家講今集COD真係值得買既.因為佢係每個mode都下左唔少功夫.睇得出佢係有心整哩隻game.

所以我會推薦大家玩的.


小提示:今代既COD係咩模式都係可以連機既.所以劇情模式不妨較難小小.老手都無所謂.


同埋仲要有技能用其實真係唔難.我建議大家可以用多d 6連發個支重機同半自動狙.

[[i] 本帖最後由 ronau 於 2015-11-15 10:56 PM 編輯 [/i]]

灰灰小子 2015-11-16 12:50 PM

玩後感 個個意見唔同 有人話好玩 有人話唔好玩
冇所謂 自己喜歡就ok



[url=http://m.discuss.com.hk][img=100,23]http://n2.hk/d/images/r10/mobile.jpg[/img][/url]
頁: [1]
查看完整版本: call of duty: Black OPS 3 玩後感(劇透注意)