查看完整版本 : 【Eric市長練成記】Chapter.1 市長的前言

eric6a01 2014-10-21 10:25 PM

【Eric市長練成記】Chapter.1 市長的前言

好耐無玩過呢個經典嘅SimCity 4!雖然自己都係有玩SimCity 5,可惜到而家官方仲未有修正檔解決SimCity 5塞車問題,發展到某個地步就一大堆車排到人地個城…真係完全玩唔成啊!所以Eric決定回歸模擬城市4,等到修正檔出左、穩定左之後再玩。

言歸正傳!首先我認為要建立一個城市,除咗土地,更加需要有河流同埋海,不係因為水塔要起o係水邊先運作到,而係運輸!除了最最最基本嘅道路用作「通勤」之外,如果o係海邊有鬧市區域,旁邊起一個碼頭,你可以看到一大群人湧過去搭,切換到去交通圖表可以見到流量變藍(如果有裝NAM mod就係變紅)。因此,我一定會選擇有大片海洋嘅地方做城市發展。

o係地圖方面,一直以黎都係打算用遊戲預設個幾張,如果根據上面文字,我真係第一個揀廷巴克圖,不過非常可惜,遊戲將佢整咗做教學地圖,每次見到個箭嘴點下點下,完全不想玩呢張了!於是我選擇紐約地圖,除咗有廣闊平地,亦有大片海洋作運輸用途(上堂地理堂先!)

[attach]3770251[/attach]

︽ 紐約地圖,地形睇落真係唔錯!

至於mod方面,有幾個一定要下載嘅!有時候為咗美化而用(外國玩家有D玩得好癲!)如果海岸美化mod我都打算用;特別想指出「道路增強mod」Network Addon Mod,除咗替換遊戲內置道路嘅不足,例如道路容量太細,最重要係美化道路,當你將條路畫成圓圈,佢會自動變成一個迴旋處:

[attach]3770252[/attach]

Eric市長的前言到此為止!下一個章節會開始新城市,同埋一路分享一D技巧,例如將市民失業的機會降至最低!
頁: [1]
查看完整版本: 【Eric市長練成記】Chapter.1 市長的前言