查看完整版本 : 重要!!!! 九龍城無良狗主出沒注意!!!!!!!!!!!

iamsleepybear 2011-8-9 10:52 PM

重要!!!! 九龍城無良狗主出沒注意!!!!!!!!!!!

九龍城城寨公園係放狗熱點, 尤其早晚特別多人放狗; 今晚七點幾, 我帶我隻1歲半既爹利女女, 如常沿著城寨公園散步。我隻女一向好友善, 一見到其他狗, 無論大小都好樂意打招呼, 聞幾聞就say bye果種。 點知今晚見到隻黑色大狼狗, 離遠見佢跑埋黎, 以為佢都係熱情果type, 佢主人係個中女, 拎住狗帶但冇綁住隻狗, 隻狗快到一跑埋黎就咬, 發晒顛咁, 我隻狗有綁狗帶, 忙亂之際唔夠隻顛狗快, 想拉開都拉唔切, 好彩我最後都趕及抱起我隻女。果條中女淨係係度喝隻狗, 完全冇介入。我叫佢綁返好隻狗, 因為前面有另一隻狗仔散步緊, 佢好似唔x識聽廣東話咁, 完全冇理我。我望返轉頭, 見佢狂用條狗帶打隻狗, 打到隻狗大叫....途中我同個街坊講返件事, 原來果條中女同隻大狼狗出名好x惡, 奉旨唔綁狗帶, 又唔帶口罩; 隻狗又出名咬其他狗。
返到屋企, 先發現我隻女被隻狼狗咬傷左, 即刻仆去搵獸醫, 真係心痛死~~
大家下次見到黑色狼狗真係要十萬分小心, 呢d 無良狗主明知自己隻狗咁易發顛就綁好狗帶加埋口罩啦, 咁都唔肯, 真係比隻狗更需要人道毀滅囉!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
頁: [1]
查看完整版本: 重要!!!! 九龍城無良狗主出沒注意!!!!!!!!!!!