查看完整版本 : 工程版自傳

roytwh 2010-1-30 05:21 PM

工程版自傳

希望大家分享一下
入行/未入行的事
用心分享可得到5-30分不等
視乎內容而定

[[i] 本帖最後由 LOK88 於 2012-3-12 12:07 AM 編輯 [/i]]

rinao9645 2010-1-30 09:36 PM

本人不才
由小到大都冇乜強項, 讀書唔叻, 只有一股衝勁
結果讀書處處碰壁, 是一個反例子
可是永不低頭, 多做習題, 讀好d 書
即使沒有個人才華, 只依靠努力搭救
有清晰目標, 為自己找到生存空間

萬事起頭難, 我相信只要有不屈的鬥志
持有八十後的一腔熱血
即使得不到所有人的認同, 還是可以有一番作為
昨天看見的, 就在今天收割, 大家加油 (不論在香港或是在異地)!

jafferdlee 2010-1-31 08:16 PM

入尼掃下地
老人家暫時冇乜野分享, 係有d感慨, 睇下第時有也可以答下咀 :smile_53:

繪圖小姐 2010-1-31 10:12 PM

我係剛入行既畫圖小妹...做機電既...

um...有咩分享?有架! 舊年讀完cita既短期課程(3個月),後尾學校安排公司俾我地見...我好好彩,見第一份就已經有人請...同期有5個同學去in,後尾請左我同另一個同學,不過果個同學而家冇做喇~

係公司過左試用期(3個月),春節請左假返大陸過年(哈哈,題外話)...

但係我覺得果個試用期唔係咁容易過囉...>.<...果陣時好鬼驚架...始終我冇經驗,好白痴咁,哇哈哈...

返工已經要接手一份project黎做...哎呀,學校教既野根本用唔著...咩水管冷氣喉呀,又要畫電既schem,媽呀...果陣時成日俾個叔叔督住黎畫呀...555,不過個叔叔其實好好人...

問我點解要做畫圖?因為緣份囉! 其實係我有一次去行d咩展覽,跟住俾個姐姐捉住問我要唔要讀繪圖員課程...咁果時我冇野做,咪去囉 - -!

(當時我好白痴咁問...乜cita唔係剩係請男仔起樓既咩? 個姐姐話:女仔都得架!都可以入行做起樓野架!不過要讀5年囉..  咁我就話:哎,姐姐,我讀完都成30歲喇!30先入行好似太遲~~~ 姐姐就笑:呀,咁呀,咁讀畫圖啦...3個月之後就入得行架喇!)

課程完左,阿蛇問我想入邊行,我話:是但啦!總之有圖俾我畫(或抄)就得架喇!

我果陣根本咩都唔知,咩都唔明,剩係識得開個cad畫下畫下咁...

後尾發覺我所有同學都唔鍾意做機電,個個都想入建築.........咁我又唔知有咩分別喎~哈哈,哈哈,滴汗中...(又離題)


入咗行,先知原來畫圖d要求好高架...好彩我個大佬都幾肯教我...而家識既野真係好少好少,不過我又真係enjoy畫圖 :)  .....(我d圖都係抄呀大佬以前畫好既,hehe...)

之前報左個短期course,聽日就要返學lu...~~ 我真係好有heart架(哈哈~讚自己),不過以後既路就以後再算...做好自己本份先...

...........應該差唔多喇 :)

tttlo 2010-2-1 04:47 PM

點解入行

話說1974年,工業剛起步,香港嚴重缺乏受正統訓練的技工,當時勞工處一名官員,horace hright黎澤鑾先生大膽向政府建議,引入學徒制,希望於3-4年內培養出大批各工種既技工,以促進工業發展,由木工,電工至機械工,統統納入學徒制度,凡15歲至18歲的青年人,若有公司聘任他做學徒,除有薪金外,每星期需提供一天假期給予學徒到工業學院接受實務及理論訓練,即為ptdr課程.
當時香港大工業及機構均紛紛響應,如飛機工程,祟佳,震雄,中電,中巴,港燈,聯合船塢......等等均大量聘請各工種學徒,我也是當時的學徒中的一份子,便開始了飛機工程的生涯,返5日半,實得4日,因公司每星期6有公司自己提供既在職訓練,一日工業學院,返8放5半,都幾過引架.這就是我第一份踏入工程界既工,合約受訓期為期3年!

brotherE 2010-2-22 10:47 PM

on9 engineer

讀電機工程....無前途, 知唔知道香港有幾多人有電牌.....
我degree畢業, 加c,加十年經驗.....都得萬幾蚊......證明香港d老闆正PK
如果施主想入行.....請考慮清楚......

EPC遊戲人生 2010-2-23 03:25 AM

話說15歲時,1995年睇到個學徒事務處的學徒廣告,而入左呢行,15年過去了,小弟足足讀左了15年夜校,現在仍在努力中.......:loveliness:

l_thomas 2010-2-24 11:26 PM

1997考會考,先得12分,都入到中六,兩年後入唔到大學,考多次A-level,入左PolyU hi-dip。好開心咁讀左兩年:smile_o13: 。之後一係出黎做野,一係自費讀top-up上degree。咁梗係上degree喇,一年後畢業。:smile_o06:
跟住入左一間廠,做mech. Engineer,做產品設計,跟產品project。原來一件電器要過好多approval。又見到ISO真係用係點樣。(其實同學校教既差唔多,但係實用好多):smile_o05:
由於產品銷本地又銷外地,所以接觸到唔同國家既客係點。
印象最深係日本,賣個攪拌機俾佢,佢地真係逐樣feature同你試,跑life test真係同你一齊跑(of cos寄機俾佢地係日本試啦,我地就自已係廠入面試。)唔掂就同你一齊諗辦法。:smile_o12:
跑life測試積架係我第一次做automation(雖然係好簡單既logic:行機、停機、開泵運水冷卻同時開風扇冷卻電機),由於唔識PLC,要電子工程果邊既同事幫我寫single chips既software黎控制。果時先覺得書唔夠用....:smile_o16:
試完喇,要起模,改模,試模,試產。到正式生產,出貨果陣sales同我講"搞掂個project,好開心喇,下話"不過我都冇晒感覺。

好喇,就係因為呢個攪拌機,有幾件電鍍件。咁就去左集團旗下既其中一間電鍍廠睇佢生產。之後老細就接埋呢個operation黎做。(當時諗住長做長有,點知個客買左兩次就冇買喇:smile_o03: )咁我就走左去做電鍍。

電鍍,好危險:smile_o14: 。但係幾好玩(呢個時候先知細個果陣住村,隔離屋成日擺到周圍係既係電鍍掛具)。
間廠好細,全手動線,係好古老既工藝。老細接左張大單,決定起一條全自動線(幾百粒呀.....唔可以鑊),咁就樣樣野都要重頭學,電工(雖然唔駛我做,但係要學識睇佢地做緊乜野),水泵水管等等。最後連化工野都要學埋,電鍍原理.....化驗同埋污水處理都要學埋。就咁就做到而家喇。不過化學野真係唔係人咁品,一個唔小心會死人,乜野酸,鹼,毒都有(原來山埃係粒臭丸咁既樣:smile_o06: )......污水又唔可以超標。真係要醒醒定定.....:smile_o10:

由產品設計,五金,電鍍,化驗,污水設計,而家仲要自己設計埋line上既設備,雖然有電工同技工做,但係idea要自已設計。走左去學馬達控制(唔係電工,主要教索掣同九線掣),叫做有少少基礎同電工溝通。亦都學識左點樣做啲基本既工業控制線路

亦都因為呢間電鍍廠佢包埋五金,咁老細想試下做唔做得到五金野。於是接左張五金既單.............聖誕樹架......30米高既聖誕樹。:smile_o04: 雖然個客有RSE同佢計數,但係啲方管點樣燒焊接駁?個架點分拆方便入櫃?去到當地點樣方便人地砌樹?即係要base on RSE既數再設計過啲joint位,PRO-E都畫到hang機(公司果部已經係XEON cpu 既workstation)。打AutoCAD打到好似彈琴咁快。
要砌夾具燒焊。最煩係啲方管要上到佛山先買到.....仲要押車返廠。又要去買新焊機(廠內既得200A,燒唔透RSE要求既厚管,搵松下買多部500A)燒焊燒到金睛火眼。(雖然只係睇住焊工燒。但係co2焊真係........勁........刺眼):smile_o04:
由於要meet當地既防風標準,啲方管幾百kilo一條,一個唔小心.......夾親手........指......入左廠。:smile_o16: 要同事幫手埋尾。呢樣係我最難忘既入行經歷,因為痛左好耐。

Kennyfck 2010-2-25 01:45 PM

我呀, 01 Poly HD grad...Mech..去咗中東 畢業旅行幾個月...自己細個鍾意旅行, 接觸不同國家的人 .. 我諗由於 語文好, and 係女生 (我d 老細都鐘意成team 有 d 女人 ).. first job 係 大陸 production eng, 全廠歐洲機, 主力玩 Pneumatic, PLC, CNC....有好多機會去歐洲 training.. German & Italy, Holland  去了好幾次, 見識了 German 的嚴謹, and Boss 好好, 每次都比我拿假, 可以stay behind 自己玩)... 05 年想暫時結束註廠生涯..
回歸 HK 搵工, 當時想轉 sales eng, outgoing d 比較適合自己.. 可能d 老細都係想請女仔..所以都易搵..but 最後去了間 美國 公司做包裝機 service eng.. 美國佬, 超有$$, 見工見到我要飛上上海見 director.. 話明 service, 所以有好多 travel 的機會. 除了整機, 都出 exhibition, 係呢間美國上市公司, 見識了美國佬的揮霍..Asia sales &  service meeting 係  芭提亞 5 星 resort 開, Great china meeting 就係 青島 resort 開(其實係去玩..不過當時我地亞洲好profitable...同事話 02 年 meeting 係澳洲開的...!!!!)..d manager 咩都可以 claim 錢... !!! 有一次試機, 自己明明手拿住 earth wire..都竟然可以駁落 neutral 到(自己見到ka ..但個心諗緊其他野... 230V 電親..暈咗一陣..:smile_o05: )
07 年中..唔想整機 la.. 轉回廠的 project eng , product development, production, 同客傾project, 拿VDE, WRAS 認証,   08 年底 公司 huge layoff..
唔夠 一個月搵到工.. 大公司sales  eng(building and crane product).. 但係做咗 半年 ..decline 的 tender 多到... (一係沒 prouduct, 有 product, 沒solution, 沒 contractor 肯做..死 未, 如果當時 internal transfer 去sell 跑車, 紅酒可能發咗la....哈哈!!) ..09年秋天做咗個領自己開心的 決定.炒老細.去咗 OZ 拿degree畢業証書..順便 working holiday..現在剛回香港.. 可能 80 後都比較貪玩.. 但依家真係要 settle down la..屋企人當然想我做 finance , 因為2個 家姐都係 account 同 finance..但係我都係想做d technical ..仍在找自己的 路... 希望 2010 可以做到

Yahoo888 2011-8-22 06:53 AM

Deleted..

.....

[[i] 本帖最後由 Yahoo888 於 2012-10-26 07:39 AM 編輯 [/i]]

SAMMYKCL 2011-9-21 11:48 PM

同意,不過都是轉行為妙!!!*—*
電機=什工:smile_40::smile_40::smile_40:



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

evobus 2011-9-23 09:22 PM

*** 作者被禁止或刪除 內容自動屏蔽 ***

史特勞傑 2011-9-23 09:51 PM

其實我都唔知屬唔屬於工程界版架, 不過既然我讀啲證書都係Engineering, 咁就mount 車邊當係工程界啦. :smile_30:

自傳就唔再寫咯, 喺電訊版寫個自傳由2007年寫到2010年, 一寫就寫咗兩年幾... 如果唔怕水蛇春咁長, 又唔怕悶既就走去下面條link 幫襯吓啦. :P

[url]http://www.discuss.com.hk/viewthread.php?tid=5271973&extra=page%3D1%26amp%3Bfilter%3Ddigest&page=1[/url]

tttlo 2011-10-12 10:31 AM

回覆 13# 的帖子

嗰陣時香港正開始起飛,工程唔休做,板主入電訊界,我就投身航空界,不過,俱往已,而家做工程管理層,真係要多元化,唔係真係隨時俾人老點!

史特勞傑 2011-10-14 11:04 AM

[quote]原帖由 [i]tttlo[/i] 於 2011-10-12 10:31 AM 發表 [url=http://www.discuss.com.hk/redirect.php?goto=findpost&pid=306222979&ptid=11450261][img]http://www.discuss.com.hk/images/common/back.gif[/img][/url]
嗰陣時香港正開始起飛,工程唔休做,板主入電訊界,我就投身航空界,不過,俱往已,而家做工程管理層,真係要多元化,唔係真係隨時俾人老點! [/quote]

LO 兄係前輩, 1974年小弟弟先讀初中.  

原來大家都係紅褲子出身, 平時睇師兄啲發言, 都感覺到師兄係做管理.  :loveliness:

tttlo 2011-10-14 12:07 PM

[quote]原帖由 [i]史特勞傑[/i] 於 2011-10-14 11:04 AM 發表 [url=http://www.discuss.com.hk/redirect.php?goto=findpost&pid=306480697&ptid=11450261][img]http://www.discuss.com.hk/images/common/back.gif[/img][/url]


LO 兄係前輩, 1974年小弟弟先讀初中.  

原來大家都係紅褲子出身, 平時睇師兄啲發言, 都感覺到師兄係做管理.  :loveliness: [/quote]

多謝過獎,其實小弟都係由低做起,做中層管理即係大打雜,要瓣瓣識,法例更加要識避重就輕,凡事以公司利益行先,但有一樣小弟會堅持既就係工作安全,做工程既分分鐘會死人,累及工人全家就唔好,所以都對F&IU同OSHR幾熟.冇辦法,做工程甘多年,古靈精怪既意外都見唔少,留番有機會同大家SHARE!

uptome2010 2012-5-7 11:50 AM

經歷

我都係維修,係醫療儀器!冇A牌,中三後TI讀過下一年電子!九八年入行,開頭得七千,經過千年蟲、沙屎凍身!做左九年半!
離開舊公司個陣九千!

E+間公司做左三年,13K,今年有得加四佰,四月開始!:smile_13:

albertyhl 2013-5-29 11:03 AM

小弟係一個讀完bba走來做工程既人
話說我05年係cityU畢業之後 就走左去一間小家電廠做sales 自此就走上做engineer既不歸路

初初都係跟packing 交期 報價,之後就愈跟愈technical,愈technical就愈覺得有趣 eg跟randering, RP, 做life test,做safety test,跟生產, 上line做qc...........,之後轉左做trading同buying office都係跟techical野 eg EN60335, EMF, EMC......
愈跟就覺得自己自學的電子theory唔夠 所以再去IVE讀左個electronic HD
畢業之後 機緣考合之下去左一間電鍍廠做一個小小既software engineer到而家
雖然工作愈來愈辛苦 但心靈愈來愈快樂



[url=http://m.discuss.com.hk][img=100,23]http://i1.hk/d/images/r10/mobile.jpg[/img][/url]

kirstyu 2013-9-28 04:02 PM

回覆1 #的帖子

本人普普通通,英國某大學機械工程畢業,在英國做咗六年工程,在第五年左右charter 咗。

在英國第六年,覺得年輕要放眼世界,之後去過新加坡同杜拜工作,現在在杜拜累積工作經驗,希望事業更上一層樓。



[url=http://www.discuss.com.hk/android][img=100,23]http://i.discuss.com.hk/d/images/r10/androidD.jpg[/img][/url]

wolfmen 2014-6-6 01:15 PM

呢度果然多堅料.....

[[i] 本帖最後由 wolfmen 於 2015-10-10 01:09 PM 編輯 [/i]]
頁: [1]
查看完整版本: 工程版自傳